Sherqiytürkistan Birliki Teshkilati Wekilliri Kölinde Seminariyege Qatnashti

Bu ayning 25-küni Sherqiytürkistan Birliki Teshkilati Wekilliri Kölindiki Seminariyege Qatnashti. Bu Seminariyeni Gérmaniyening Kölin sheheridiki Ezerbeyjan Kultur teshkilati Jenubiy Ezerbeyjanda yüz bergen milliy oyghunush herkitide naheq jazalanghan, öltürülgen we Türmilerde yétiwatqan siyasiy aktiplarni xatérlesh we ularning siyasiy heq- hoquqlirini telep qilish meqsidide oyushturghan bolup, seminariyege 50 ke yéqin her sahedin kelgen Tetqiqtchi, Shair, Yazghuchi, Jornalist we Türkologlar ishtirak qilidi.

Yighinda Türk dunyasining bügünki siyasiy, kultural we iqtisadiy ehwali, bolupmu Shimaliy we jenubiy Ezerbeyjandiki xelqlerning étnik meselilirige ayit mexsus témilarda maqalilar oqup ötüldi we yighin qatnashquchillirining muzakirisige qoyuldi.

Yighinda Sherqiytürkistan meselisigimu orun bérilgen bolup, Sherqiytürkistandiki Uyghur we uning qérindashlirining Siyasiy, Insaniy we Qanuniy hoquqlirining Jenubiy Ezerbeyjan xelqliriningkige oxshash shekilde depsende qiliniwatqanliqighimu alahide tilgha élip ötüldi.

Yighin özining kün-tertiwige asasen Sherqiytürkistan Birlikli Teshkilatining reyisi Korash Atahan ependini sözge tekilip qilidi. Korash Atahan ependi aldi bilen Sherqiytürkistanning omumiy weziyitini, bolupmu Uyghur xelqining béshigha kiliwatqan tiragédiyeni qisqiche tonushturdi. U sözide yene , dunyadiki iziliwatqan xelqlerning derdining oxshash ikenlikini, iziliwatqan xelqlerning insaniy erkinlikini qoghdashta ittipaqliq, birlik we dostluqning hel qilghuch amil ikenlikini tilgha aldi.

Korash Atahan sözide yene iziliwatqan xelqimizni azatliqqa érishtürüshte Uyghurlar bilen Ezeriy xelqining diniy, érqiy, kultural tereplerdiki ortaqliqini her ikki xelqning özlirining milliy herkiti üchün xizmet qildurushining intayin muhimliqini, weten, milletning shan-sheripi üchün küresh qilip, her-türlük ziyankeshlikke uchrighan we uchrawatqanlarning derdini xelqara jamaetchilikke jiddiy anglitishning texirsizlikini shundaqla birlik, ittipaqliq we öz-ara yardem sheklide milliy til yéziqimiz, milliy kimlikimiz we milliy heq-hoquqlirimizni qoghdap qélishimizning zörürliki otturgha qoydi.

Seminariye shu küni Gérmaniye waqti saet 14:00 de bashlinip, 20:00 ge qeder dawamlashti.Sherqiytürkistan Birliki teshkilati yighin dawamida Seminariye qatnashquchillirigha Sherqiytürkistangha ayit her türlük matériyallarni tarqatti we ularning Sherqiytürkistan heqqidiki suwallirigha etrapliq jawap berdi.

Sherqiytürkistan Birliki Teshkilati Teshwiqat Merkizi

http://karakuyash.blogspot.com/index.html

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: