Gérmaniyening Frankfurt Sheheride Xitaygha Qarishi Namayish Ötküzildi

P1150673

Gérmaniyening Frankfurt Sheheride Xitay tajawuzchillirining wetinimiz Sherqiy Türkistanda yürgüziwatqan qanliq qirghinchiliqigha  qarshi keng-kölemlik namayish élip bérildi.

Wetinimiz Sherqiy Türkistan Xitay mustemlikisi astigha chüshüp qalghan 60 yildin béri, qanxor xitaylarning qilmighan eskilikliri qalmidi. Sherqiy Türkistan Xelqi her türlük insaniy we qanuniy heq-hoquqliri tartip élinip, insaniyet tarixida az körülidighan milliy zulumgha muptila qilindi.

Xitaylar xelqimizge öktemlik bilen muamile qilip, yer asti we yer üsti bayliqlirimizni talan-taraj qilghandin bashqa „Sözliseng tilingni késimen, qarisang közüngni oyimen“ dégendek bir qatar pashistik siyasetlerni qollunup, xelqimizni nadan we namrat qaldurush süritini tizlitip, xelq ichide otturgha chiqqan naraziliq keypiyatlirini, dölet térorini ishqa sélip basturdi.

Bolupmu 2009-yili kirgendin béri, Xitay tajawuzchilliri téximu wehshiyliship, insanlirimizni mejburiy qullar emgikige tutti, pilanliq tughut sewebidin buwaqlirimizni qetliam qildi, yash anilarni saqaymas kesellerge giriptar qildi. Uningdin bashqa qiz-yigitlirimizni türkümlep tutqun qilip, kolliktip muddetlik we muddetsiz qamaq hem ölüm jazasi bérish yolliri bilen jazalap, millitimizning milliy ghururigha tegdi.

 P1150676

Xitaylar shundaq turuqluq, xelqimizge her türlük betnamlarni chaplap, her tereptin xelqara jemiyetke millitimizni yaman körsütüp, özlirining yürgüziwatqan érqiy we kultural qirghinchiliqini  qanunluq qilishqa orunup kelmekte. 2009- yili Xitayning Shawgüen sheheride otturgha chiqqan  qanliq weqede 100 din artuq qérindishimiz hayatidin ayrildi, 100 ligen  qérindishimiz tömür kaltekler bilen dumbalinip, palta we qilichlar bilen chanilip éghir yarilanduruldi. Jinayetchiler jazalandurulmidi, ziyankeshlikke uchrughichilar „Öltürmekning üstige tepmek“ dégendek qopal muamililerge uchridi. Shuning bilen Xelqimiz 2009-yili 5-Iyuldin bashlap Ürümchi qatarliq sheherlerde qozghulup, tinch shekilde Xitay hökümitidin heq-adalet telep qilghan bolsimu, hökümet teripidin quralliq inkas qayturulup, 3mingdin artuq kishini qirip tashlap, 10,000din artuq kishini türmilerge tashlidi we ularni éghir iskenjige élip, mejburiy iqrarname yazghuzup, zorluq bilen imza atquzup, arqa-arqdin öltürmekte.

2009-yili Ürümchi qatarliq Sheherlerde yüz bergen bir qatar hadisilerni xelqimiz hazirgha qeder hezim qilalmay keldi.Shu wejidin  Sherqitürkistandiki Xitaygha qarshi hadesiler üzlüksiz ortigha chiqmaqta. Bolupmu bu yil yeni 2009 Erqiy qirghinchiliqining 4 yillighi harpisida Ürümchi, Turpan, Aqsu, Qeshqer, Artush we Hoten qatarliq jaylarda yene naraziliq weqeliri yüz bérip, Xitay hökümiti teripidin qanliq basturiwétildi.

 

Uyghur Kulturi

Shu seweptin Gérmaniyening Frankfurt Sheheridiki Sherqiy Türkistan Kultur Merkizi 2013-yili 7-Ayning 6—Küni Birleshme yighilish we namayish  ötküzüp, Xitay tajawuzchillirining qanliq jinayetlirini pash qildi.Namayish Gérmaniyediki Uyghurlar we bir qisim Türk teshkilatlirining aktip awaz qoshushi bilen alayide netijilik boldi.

Namayishchilar awal Frankfurt Sheherining Hauptwachediki Géyoti Meydanigha toplinip, Sherqitürkistan Kultur Merkizining Sherqitürkistanning nöwettiki weziyitige ayit teyyarlighan axbaratini élan qilish yighini achti we 2009din hazirghiche Xitaylar teripidin öltürülgen shéhitlerni yad etti. Uningdin kéyin Sherqiy Türkistannning azatliq we höriyitige simiwol bolghan ay-yultuzluq kök bayraqlarni lepildidip, Xitay pashizimigha qarshi shuarlar towlap, Xitaylarning tajawuzchiliqigha, érqiy we kultural qirghinchiliqigha qarshi yézilghan teshwiqat wereqlirini tarqatqach ,her türlük shuarlar yézilghan taxta we pilakatlarni kötürüp, Frankfurttiki Xitay bash konsulxanisining aldigha yürüsh qildi we u yerde hörlük we azatliqqa bolghan intilishliri ichide Xitaylargha bolghan cheksiz nepret bilen  bir meydan namayish élip bardi.Namayish jeryanida „Qatil xitaylar, Uyghurlarni öltürüshni toxtat!“, „Xitaylar wetinimiz Sherqiy Türkistandin chiqip ketsun!“, „ Bizge azatliq kérek!“, „Siyasiy mehbuslar qoyup bérilsun!“, „Yoqalsun Xitay tajawuzchilliri!“ degendek shuarlar towlandi.

 P1150680

Namayish Gérmaniye waqti saet 14:00 de bashlinip, 17:00 giche dawam qildi.

Bu namayishqa Gollandiye, Bélgiye qatarliq döletlerdin kishiler qatnashqandin bashqa Gérmaniyening Be´rlin, Kölin qatarliq chong- kichik sheherliride yashawatqan Uyghurlar we qérindash türk teshkilatliridin bolup 100ge yéqin kishi qatnashti. Namaysih jeryanida tesirlik notuqlar sözlendi, namayish intayin tertiplik, janliq we tesirlik élip béridi. (K.A)

Sherqiy Türkistan Birliki Teshkilati Teshwiqat Merkizi

06.07.2013

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: