5-Iyuldin Kéyin Iz-Déreksiz Ghayib Bolghanlar (32)

Muxbirimiz Shöhret Hoshur
2013-07-18
enwer-turdi-ghayib.jpg

Ghayiblardin kimliki yéngi bayqalghini aqsu awatning aybagh yézisidin enwer turdi.

RFA/Shohret Hoshur

Melum bolushiche, enwer turdi aqsu awatning aybagh yéza töwen kelpin kentidin. Eyni chaghda ürümchide ishlemchilik qiliwatqan aka-Ukilardin enwer turdi bilen imin turdi, ilgiri-Kéyin bolup 6- We 7-Iyul künliri tutup kétilgen. Imin turdi tutulup 1 heptidin kéyin aqsu awatqa yötkelgen؛ 4 aydin kéyin qoyup bérilgen. Awattiki dairiler imin turdini ailisige tapshurghan küni enwer turdi azraq bir ishlarni körüp qalghan bolghachqa ürümchide qalghanliqini, yene 8-9 Aylardin kéyin qoyup bérilidighanliqini éytqan.

Awattiki dairiler aridin 2 yil ötkende qilghan sözliridin tamamen téniwélip, enwer turdining iz-Dérikini peqetla bilmeydighanliqini éytqan. Buning bilen enwer turdi ailisi aridin 3 yérim yil ötkende yeni ötken ayning axiri enwer turdini sürüshte qilip ürümchi sheherlik saqchi idarisige barghan. Saqchi idarisi bolsa, enwer turdining ghayibliqidin emdila xewer tapqanliqini éytip buningdin kéyin sürüshte qilidighanliqini éytqan. Nöwette bu aile sirliq gep qilip özlirini aldighan yaki heqiqiy ehwalni yoshurghan nahiye we wilayettiki dairiler bilen ghewghalashmaqta.

Ziyaritimizni qobul qilghan enwer turdining chong akisi exmet turdining bayan qilishiche, enwer turdi 2009-Yili 26 yash bolup, uning ikkinchi perzenti u tutulup 5 aydin kéyin dunyagha kelgen. Uning 3 yérim we yette yashliq ikki balisi nöwette atisining qolida béqilmaqta. Enwer turdining yolini köp mangghan we héch netijige érishelmigen anisi 6 ayning aldida 54 yéshida derd bilen alemdin ötken. Enwer turdining ailisige melum eng axirqi sözliri 7-Iyul küni saet 11 mezgilide téléfon arqiliq mundaq bolghan «apa, ikki kündin béri bizning bu méhmanxanidikilerning hemmisini tutup achiqip kétip boldi, 5-6 Miz qalghantuq, yene saqchilar charlashqa keldi, biznimu tutup kétip qalsa, xosh emise, endishe qilmang, gunahimiz bolmighandikin qoyup bérer.»

Melum bolushiche, 5-Iyul küni bir qurulushta ishlewatqan aka-Uka ikkiylen ishtin qaytqan chéghida bulaqbéshi(senshixangza)diki yatiqigha qarap mangghanda yollar tosulup kétip yatiqigha qaytalmighan we doqmushtiki bir ashxanida tang atquzghan. Tang atqanda yöjinggey kochisidiki yatiqigha bérip, chüsh mezgilide enwer turdi chong bazarda mashinichiliq qiliwatqan ayaligha tamaq apirip kelginide inisining tutup kétilgenlikini uqqan, etisi bolsa özi tutup kétilgen.

Yuqiridiki awaz ulinishidin, 5-Iyuldin kéyin iz-Déreksiz ghayib bolghanlar namliq chatma xewirimizning 32-Qismini anglidinglar.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: