Mehbus Abdukérim Abduwelining Salametlik Ehwali Aile-Tawabiatini Dawamliq Türde Endishige Salmaqta

Muxbirimiz Shöhret Hoshur
2013-07-23
abdukerim-abduweli-305.jpg

Abdukérim abduwelining yash waqtida tartilghan resim. (Waqti we orni éniq emes)

RFA/Arslan

Mehbus abdukérim abduwelining 5-Qétimliq jaza mudditi axirlishidighangha 11 ay 7 kün qaldi.

Siyasiy mehbus abduweli abdukérim 1991-Yili qolgha élinip 12 yilliq késilgen. 2002-Yili jaza mudditi toshqandin kéyin yene qaytidin sot échilip jaza mudditi töt qétim uzartilghan. Axirqi qétimqi hökümde jaza mudditi 2014-Yili 6 ‏-Ayning 30- Küni axirlishidu dep békitilgen. Abdukérim abduwelining aile-Tawabiati 24 yildin buyan waqitni tetür sanap uning aman-Ésen yoruqluqqa chiqishini kütmekte. Abduweli abdukérimning inisi abduraxman abduwelining bayan qilishiche, uning akisining jaza mudditi toshidighangha bügün 11 ay 7 kün qaldi, mezkur ailining nöwettiki eng chong endishisi abdukérim abduwelining salametlik ehwal üstide. Melum bolushiche, abdukérim abduweli ailisi bilen 58 künning aldida körüshtürülgende öre turalmas halette bolup chaqliq harwida achiqilghan.

Muxbir: abdukérim abduwelining ehwalida qandaq bir özgirishler bar, yéqindin buyan?
Abduraxman : ellik besh kün aldida körüshüp kelduq. Yene mushu héyttin kéyin körüshkili barmaqchi.
Muxbir: qanchilik waqitta bir körüshüp turuwatisiler?
Abduraxman: hazir ikki ayda bir.
Muxbir: u özining salametlik ehwali heqqide némilerni dédi?
Abduraxman: héchnéme démidi, emma körduq : chaqliq harwa bilen achiqti. Harwidin turghandimu, harwigha olturghandimu ikki adem yölep turghuzdi؛ bekla ajizlap kétiptu. 58 Yashliq bir adem 80 yashliq qiyapette köründi. Ariliqta 9 ay doxturxanida turghan, emdi kamirigha achiqiptu, buningdin kéyinki ehwali qandaq bolidu, bilmeymiz, es-Xiyalimiz shuningda.
Muxbir: doxturxanigha néme aghriq bilen échiqiliptu?
Abduraxman: achliq élan qilip tamaq yémigendin kéyin achiqiptu.
Muxbir: undaqta okul urup hayatini saqlap qélish üchün doxturxanigha yatquzulghan gepmu?
Abduraxman: shundaq.
Muxbir: körgen ehwalinglarda silerni eng chong endishige salghan alamet néme?
Abduraxman: barmaq söngeklirining shekli özgirip kétiptu. Barmaq boghum söngekliri choqchiyip yoghinap kétiwatidu. Ötkenlerde rimatizimmu bolghan. Shu rimatizimning küchiyishidin bolghan ehwalmu yaki bashqa késellikmu bilelmeywatimiz. 24 Yildin béri waqitni tetür sanap ötküzüwatimiz. Bügün akamning qoyup bérilidighinigha 11 ay 7 kün qaldi. Aman-Ésen körüshkili nésip bolsa bolatti.

Biz mehbus abdukérim abduwelining salametlik ehwalning xeterlik derijisi heqqide amérikining nyuyork shehiride yashawatqan doxtur memetimin ependini ziyaret qilduq.

Muxbir: sizche, barmaq boghumliridiki özgirish qandaq bir késellikning alamiti?
Memetimin: adette rématizm éghirlashqanda, barmaq söngekliride shekli özgirip kétish, gheyriylishish ehwali körülidu؛ uningdin bashqa, qan terkibidiki buzulushlardinmu bu alamet körülidu. Rimatizimning asasliq sewebliri nemlik we soghuqluq bolghachqa, bu uzun mezgil türmide yatqan, bolupmu xitaydek sharaiti nachar türmilerde yatqan mehbuslarda asan shekillinidu we téz küchiyidu. Shunga kérem abduwelidikisi rimatizimdin bolush éhtimalliqi yuqiri.
Muxbir: ariliqta 9 ay achliq élan qilghan iken, buningmu tesir körsetken bolush éhtimalliqi barmu?
Memetimin: uzun mezgil achliq élan qilish adette ashqazan jarahetlinish we üchey téshilish késellirini keltürüp chiqiridu؛ rématizm bilen biwasite munasiwiti yoq, biraq bedendiki quwwet ajizliqi, herqandaq bir késelning ewj élishigha seweb bolidu.
Muxbir: sizche, shu barmaq boghumlirining shekli özgirishi hayatiy bir xeter tughdurush éhtimalliqi barmu?
Memetimin: bar déyishke bolidu. Bolupmu öre turalmas derijidiki jismany ajizliship kétishini nezerdin tutqanda. Hazir shunga aldi bilen köp ozuqluq maddilirini öz ichige alghan quwwet talqini bérish eng muhim؛ uningdin kéyin rimatizimning hemmige melum dora-Dermeklirini bérish paydiliq we jiddiy zörür dep qaraymen.

Yuqirida nöwette ürümchi 1-Türmide uzartilghan jaza mudditini 5-Qétim ötewatqan siyasiy mehbus abdukérim abduwelining nöwettiki ehwali heqqide melumat berduq.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: