97-Yildiki Féwral Weqesidin Kéyin Muddetsiz Qamaqqa Höküm Qilinghan Perhat Mollaxun Türmide Wapat Boldi

Muxbirimiz Méhriban
2013-08-05
perhat-mollaxun-turmide-olgen.jpg

5-Féwral ghulja weqesidin kéyin muddetsiz qamaqqa höküm qilinip türmide wapat bolghan perhat mollaxun. (Waqti we orni namelum)

RFA

Radiomizgha kelgen uchurlardin melum bolushiche, 1997-Yildiki 5-Féwral weqesidin kéyin qorghas nahiyisidin qolgha élinip, döletni aghdurush jinayiti bilen eyiblinip, muddetsiz qamaq jazasigha höküm qilinghan perhat mollaxun 3-Awghust küni 49 yéshida türmide wapat bolghan.

Melum bolushiche, perhat mollaxun esli qorghas nemune ottura mektipining oqutquchisi bolup, u 1998-Yili küz mezgilide qorghas nahiyiside élip bérilghan tutqun qilish herikitide bashqa 36 neper uyghur yash bilen birlikte qolgha élinghan.

Ehwaldin xewerdar kishilerning radiomizgha bildürüshiche, saqchilar 3-Awghust küni perhat mollaxunning qorghas nahiye süydüng baziridiki ailisige uqturush qilip, perhat mollaxunning emgek meydanigha élip chiqilghanda késili qozghalghanliqi we shu yerdin doxturxanigha apirilghandin kéyin, doxturxanida jan üzgenlikini bildürgen. Emma perhat mollaxunning ailisidikilerge taki u ölüp ketküche bolghan ariliqta, uning salametlikide birer r mesile barliqi uqturulmighan bolup, nöwette perhat mollaxunni yéqindin tonuydighanlar uning türmide öz ejili bilen ölgenlikige guman bilen qaraydighanliqini bildürmekte.

Bu xil qarashtikilerning biri, ilgiri perhat mollaxun bilen bir mektepte xizmetdash bolup ishligen, nöwette gollandiyede olturushluq bextiyar nasir ependi bolup, u bügün radiomiz uyghur bölümining ziyaritini qobul qilip, perhat mollaxunning eyni yilidiki qolgha élinish sewebi we uningdin kéyin qorghasta élip bérilghan abdushükür nurullah we perhat mollaxunning gunahsizliqi heqqidiki imza toplash herikitige qatnashqan ziyaliylarning dairiler teripidin yérim yilgha yéqin her xil siyasiy öginishlerge qatnashturulup, özini tekshürüshke buyrulghan ehwallarni bayan qildi.

Bextiyar ependining bildürüshiche, 1997-Yili 2-Ayda ghuljida yüz bergen 5-Féwral weqesidin kéyinki bir mezgilde, süydüngde keng kölemlik tutqun qilish herikiti élip bérilghan bolup, perhat mollaxun 1998-Yili küz mezgilide süydüngning sanduxuza baziridiki yéza kadiri hézimaxunni öltürüsh weqesige qatnashqan dégen guman bilen tutqun qilinghan 37 neper uyghur yash bilen birlikte qolgha élinip, 1999-Yili 1-Ayda qoghas nahiyisidiki qoshériq türmiside échilghan yépiq sotta, uninggha ikki yil kichikturup ölüm jazasi bérilgen we kéyin muddetsiz qamaq jazasigha özgertilgen.

Bextiyar nasir ependi perhat mollaxun we uning bilen birlikte qolgha élinghanlarning ehwali heqqide toxtaldi.

Bextiyar ependining bildürüshiche, eyni chaghda qolgha élinghanlardin süydüng 1-Ootura mektipining oqutquchisi abdushükür nurulla qatarliq 7 yigitke ölüm jazasi bérilip derhal ijra qilinghan. Perhat mollaxungha döletni aghdurush jinayiti artilip 2 yil kéchiktürülüp ölüm jazasi bérilgen we kéyin muddetsiz qamaq jazasigha özgertilgen.

1999-Yili 26-Yanwar küni xelqara kechürüm teshkilatimu abdüshükür nurulla we perhat mollaxun heqqide bayanat élan qilghan bolup, eyni chaghda qorghastin qolgha élinghan uyghurlarning 1997-Yili ghuljida yüz bergen 5-Féwral weqesidin kéyin, dairiler élip barghan keng kölemlik tutqun qilish herikitide qolgha élinghanliqini bildürgen.

(Töwendiki ulinishtin bayanatning tepsilatini köreleysiz)
http://www.amnesty.org/En/library/asset/asa17/003/1999/es/89d742a3-F879-11Dd-A0a9-2Bd73cha4d38a/asa170031999en.pdf

Bextiyar ependi yene, perhat mollaxunning ilgiri özini yoqlap kelgen dostlirigha, özining salametlik ehwalining yaxshi ikenlikini we türmidiki bashqa mehbuslargha ders ötüp ümidwarliq bilen yashawatqanliqini bildürgenlikini bayan qilip, perhat mollaxunning türmide késel bilen ölgenlikige guman bilen qaraydighanliqini bildürdi.

Süydüngdiki ahalilerning bildürüshiche, perhat mollaxunning ailisidikiler uning üchün jay séliwatqan bolup, petige kelgenlerge perhatning salametlikining yaxshi ikenlikini, shunga uning késel bilen ölgenlikige guman bilen qaraydighanliqini bildürgen.

Radiomiz perhat mollaxunning süydüngdiki ailisige we süydüngdiki saqchi dairilirige téléfon qilip, yenimu tepsiliy ehwal igileshke tirishqan bolsaqmu, emma téléfonimiz ulanmidi. Bundin kéyinki programmilirimizda bu heqte téximu tepsiliy melumat bérishke térishimiz.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: