Ayköl Doxturxana Bashliqi: Weqede 10 Qutquzush Mashinisi Yaridar Toshidi, Yaridarlar Sani 50 din Töwen Emes

Muxbirimiz Shöhret Hoshur
2013-08-14
pichan-lukchun-weqesi-herbiy.jpg

Lükchünning yolida charlawatqan xitay qoralliq küchliri muxbirlarning süretke tartishini tosuwatqan körünüshi. 2013-Yili 28-Iyun.

AFP

Aqsu ayköldiki saqchilar we dairiler muxbirimizgha ayköldiki weqede 3 kishining ölgenliki we 20 nechche kishining yarilanghanliqini melum qilghan idi. Bügün muxbirimizning téléfonigha jawab bergen ayköl doxturxana bashliqi, weqe yüz bergen küni yéza, sheher we wilayettin bolup, 10 qutquzush mashinisining ayköldin aqsugha yaridar toshighanliqini, özi ewetken qutquzush mashinisining aqsugha ikki qétim qatnighanliqini we jemiy 9 kishini aparghanliqini, yaridarlarni qobul qilishqa wilayetlik doxturxana yétishelmestin, sheherlik doxturxanighimu apirilghanliqini melum qildi. U sözide hazirgha qeder ölgen we yarilanghanlar heqqide resmiy melumat tapshurup almighanliqini, emma qutquzush mashinilirining sani we qatnash ritimigha qarap turup doxturxanigha apirilghanlar sanini 50 din töwen emes texmin qilidighanliqini bayan qildi.

Muxbir: siz ayköl bazarliq sehiye idarisining we ayköl doxturxanisining bashliqi turghun tursun bolisiz, shundaqmu?
Xadim: shundaq, men shu.

Muxbir: aykölde weqe yüz bergen küni siz neditingiz?
Xadim: menmu neq meydanda bar, aqsugha yaridar toshiduq.

Muxbir: weqede ölgen we yarilanghanlarning omumi sani qanche?
Xadim: bu heqte manga téxi resmiy melumat bérilmidi.

Muxbir: ayköldin aqsugha yaridar toshush ishi saet nechchidin nechchigiche dawamlashti?
Xadim : 10:30 lardin 3:30 larghiche.

Muxbir: siz toshighan yaridarlarning sani qanche?
Xadim:, biz ikki qétim qatniduq, deslepte 4, kéyin 5, jemiy 9.

Muxbir: shu küni silerning doxturxanining qutquzush mashinisidin bashqa, qutquzush mashiniliri yoqmu?
Xadim: bar, sheherdin we wilayettin kelgen qutquzush mashiniliri hemmisi 10.

Muxbir: biz saqchilardin sorighan waqtimizda, yaridarlar sanini 20 nechche, dégen؛ yene bir menbedin sorisaq 56 dédi؛ siz yuqiriqi ikki sanning qaysisini eqilge uyghun dep qaraysiz?
Xadim: kéyinkisini yeni 56 dégenni, menche, mashina we qatnash sanini hésablisaqla, 50 din töwen bolushi mumkin emes.

Muxbir: weqede siz toshighan yaridarlar kimler?
Xadim: deslepkiside 4 neper saqchi.

Muxbir: xenzumu, uyghurmu?
Xadim: xenzularmu, uyghurlarmu bar?

Muxbir: kéyinki qétim toshighiningizdichu?
Xadim: kéyinkiside 3 nepiri biz tereptin, ikki nepiri qarshilashquchilar tereptin ata-Bala ikkiylen.

Muxbir: shu küni silerning ayköldiki doxturxanilarda dawalanghanlarning sani qanche?
Xadim: u küni biz, uqturushqa asasen aghriq qobul qilmiduq.

Muxbir: anglisaq, silerning arzugül dégen doxturunglar shu küni 4 yaridarning yarisini téngiptighu?
Xadim: ular, udul doxturxanimizgha barghanlar emes, shu doxturimizning öyining ishikining aldigha bériwalghanlar, doxturimiz amalsiz ularni doxturxanimizgha ekirip yarisini tangghan we aqsugha bérishqa buyrughan.

Muxbir: aghriq qobul qilishinglargha ruxset bolmasliqi néme üchün?
Xadim: buni men téxi bilmidim.

Muxbir: shu küni weqe heqqide sizge chüshürülgen buyruq néme?
Xadim: birinchi ayköldin aqsugha yaridar toshushqa adem orunlashturush. Buningdin bashqa herqaysi kent, shipaxanilirigha zeximlinip dawalanghili kelgen yaki zexme üchün dora alghili kelgenlerni derhal saqchigha melum qilish.

Muxbir: sizning bashqurush dairingizde qanche shipaxana we qanche doxtur, séstra bar.
Xadim: bir bazarliq doxturxana, 21 kent shipxanisi bar, jemiy 90 nechche neper we doxtur, séstra bar.

Muxbir: saqchilargha yarilanghan kishilerdin qanchisi heqqide melumat berdinglar?
Xadim: bashqilirini uqup ketmeymen. 16 ‏-Kent doxturimiz arzugül 4 yaridarni qobul qilghini üchün hazir saqchilar teripidin tekshürülüwatidu.

Yuqirida, ayköl doxturxana mesulidin ayköldiki toqunushta yarilanghanlar heqqide igiligen melumatlirimizni diqqitinglargha sunduq.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: