Ghayib alim hélajining dadisi: Biz Uyghuristangha Patmiduq, 6 Jan Talada Qalduq

 

Muxbirimiz Shöhret Hoshur
2013-09-23
helaji-baqqal-305.jpg

5-Iyul weqeside oghli(otturida) ghayib bolghan, saqchilarning nazariti astida tijaret qiliwatqan baqqal hélaji (soldin birinchisi). 2012-Yili, ürümchi.

RFA

Xitayning ürümchi shehiridiki dairiliri 5-Iyuldin kéyin ghayib bolghanlardin 17 yashliq alim hélajining ailisige ijarige öy bermeslik heqqide mexpiy uqturush tarqatqan. Bu uqturushqa xilap halda, mezkur ailige öy ijare bergen sélim haji dégen kishi ayal, baliliri bilen qétip 24 saet solaqxanigha qamap qoyulghan. Mezkur mexpiy uqturushning bir kopiyisini qolgha chüshürgen mezkur aile bügün muxbirimizning ziyaritini qobul qilip, özlirining öz zéminigha-Ana wetinige sighmighanliqini, 6 janliq bu ailining birqanche heptidin béri talada qalghanliqini bayan qildi.

Soal: hélaji ehwalinglar yaxshimu, balidin birer uchur barmu?
Jawab: balidin héchqandaq uchur yoq, ehwalimiz nachar.

Soal: ehwalinglar qaysi jehettin nachar, qandaq qiyinchiliq bar hazir?
Jawab: bala izdigenlikimiz üchün, öz zéminimizgha patmiduq, 6 jan talada qalduq.

Soal: bu néme ehwal, qachandin béri shundaq?
Jawab: bu yil 3-Ayning 29-Küni méni öyide turghuzghanliqi üchün, fangdungni(öy igisini) saqchixanigha soliwaldi. Men bu néme qilghininglar dep saqchixanigha barsam, böshüktiki 6 ayliq balamdin tartip ailemdiki 6 janni we öy igisiningmu xotun, balisini qétip 24 saet solap qoydi. Etisi méni shisen türmige apirip 12 kün qamidi.

Soal: bu qaysi saqchixanining ishi.
Jawab: baxulyang saqchixanisining. Xenzu sojang bir buyruq bilenla méni 12 künlük qamaqqa buyrudi. Qamaqtin chiqqandin béri öy izdewatimen, yük-Taqam burun turghan öyümning arqa qorusida döwliniklik. Öy izdesh dawamida uqtum, men we oghlumning resimini chaplap chiqarghan bir mexpiy uqturush barken. Bu kishige öy berseng bolmaydu, bu kishige öy berseng, 10 ming som jerimane qoyulidu, qoruyung quluplinidu, yene qanuniy jazagha tartilisen, dégendek gepler yéziliptu. Yene téxi bu uqturushni xeqqe körsetmeysen, dep eskertiliptu. Tonushlar arqiliq bu uqturushning bir kopiyisini taptim؛ bu qeghez qolumda bar.

Soal: shu uqturush qaysi orun teripidin tarqitiliptu?
Jawab: jenubiy yol mehelle bashqarmisi teripidin.

Soal: shu qeghezni kötürüp bashliqlarning aldigha bérip baqmidingizmu?
Jawab: bardim, sheherlik we aptonom rayonluq hökümetke. Tekshürüp baqayli dep quruq gep bilen yolgha saldi, hazirghiche tekshürgen bir adem yoq؛ shuning bilen yéqinda yene bérip dédim: biz shinjanggha patmiduq, emise bu shinjangliq emes dep bir xet qip ber we kétidighan yérimizni körsitip ber, balamnimu izdimey boptu, bizge bir chiqish yoli ber. Biz öz wetinige patmighan ademler bolghandin kéyin bir yerge kéteyli emisemu dep baqtim. Bundaq qilishqimu bolmaydu deydu, qandaq qilishni, néme qilishimizni bilmiduq.

Yuqirida, 17 yashliq ghayib alim hélaji ailisining öz zéminigha patmighanliqi heqqide tepsiliy xewer berduq.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: