Saqchilarning Sözliri Emelge Ashmighachqa Patigül Ghulam Sükütni Buzdi

 

Muxbirimiz Shöhret Hoshur
2013-09-25
patigul-ghulam.jpg

Ghayiblardin Imammemet Élining anisi Patigül Ghulam.

RFA

Xitayning ürümchidiki dölet amanliq saqchi etritining muawin bashliqi éli, 5-Iyul ghayibliridin imammemet élining anisi patigül ghulamgha idiyewiy xizmet ishlep, hökümetning uning oghli heqqide pat yéqinda choqum uchur béridighanliqini éytqan we uning bir mezgil süküt qilip turushini yeni öz ehwalini axbaratqa melum qilmay turushini tapilighan idi. Patigül ghulam mana bu sözlerge asasen, 6 aygha yéqin waqit süküt qilip baqqan bolsimu yenila héchqandaq bir jawabqa érishelmigen. Netijide u bu sükütini buzup-Yeni radiomiz ziyaritini qobul qili, özi we özige oxshash ghayiblar aile-Tawabiatlirining yéqinqi ehwalliridin melumat berdi.

Patigül: yürikimdiki ot öchmeywatidu, 4 yil toshti, 5 yilmu toshidighan oxshaydu….

Muxbir: yenila jawab yoqmu?
Patigül: yaq, jawab bermidi. Yamanken bu! oghriken bu ! qaraqchiken bu! banditken bu! jawab bermeydiken bu!

Muxbir: sorap baqmidingizmu?
Patigül: qaysi küni qosiqim köpüp, gobawning(dölet amanliq etritining) bashliqi éli dégenge téléfon qilsam, téléfonni almidi. «Hey, balingizgha hökümet jawab béridu, dégenting, qéni bermidighu? qéni, jawab béridighan hökümiting qéni?» dep soray dégentim, téléfonni almidi.

Muxbir: éli dégen shu ötkende sizge «bir mezgil jim turup turung, muxbirning, chetelning ziyaritini qobul qilmang, hökümet pat arida jawab béridu» dégen saqchi shumu?
Patigül: shu, silerni «térrorchi, sözleshmeng» dégen shu. Hökümet adil jawab béridu dégen shu. Emdi téléfonumgha jawab bergili unimaywatidu.

Muxbir: démek, u sizning néme gep qilidighanliqingizni bilidu dégen gepte?
Patigül: shu, shundaq.

Muxbir: ikkimizning téléfonda sözlishishi toxtighandin kéyin, ularning sizni izdishimu toxtidi, shundaqmu?
Patigül: toxtidi, méni izdimidi, biraq uchurmu bermidi, qetiyla chatiqi bolmidi, süküt qilghinimning paydisi peqetla bolmidi.

Muxbir: sizni nazaret qilishichu?
Patigül: nazaret ashkara yoq, mexpiy bar. Nazaret toxtighan bolsa, méni qeshqerge néme üchün ikki adem yalap apirip, yalap ekélidu, men bir jinayetchi bolmisam?!

Muxbir: qeshqerge némige barghantingiz?
Patigül: akam oghlining toyini qiptiken, barghiche, kelgüche bu xeqtin qutulalmidim. Akamnimu saqchidin chaqirtip, singling ish chiqirip qoymisun, képillik ber deptu.

Muxbir: sizni qandaq ish chiqirip qoyidu deydiken? adem toplap hökümetke hujum qilidu demdiken yaki muxbir qobul qilip ehwallarni pash qilidu demdiken yaki saqchilarni tillaydu demdiken?
Patigül: méni shu toyda mikrofonni qoligha élip toyda xeqqe sözleydu deydighan oxshaydu. Shunga akam ish chiqarmaydu dep qol qoyup képillik bériptu.

Muxbir: bashqilarning ehwali qandaq? birer uchur alalighanlar boldimu?
Patigül: oxshash hemmimiz. Tünügün toxtigul (ghayib eysajan emetning ayali) keptu, birmunche yighlap éqip ketti. 24 Yashliq bir qiz 4 yildin buyan yoldishini izdewatidu. Mushuninggha minglarche ana yighlawatidu. Biz ajiz bir puqratuqqu? ajiz bir ana iduqqu? hemme némimizni yoqitiwetti! balilirimizdin ayrilduq, erlirimizdin ayrilduq. Qarighanda bu xeq jawab bermeydighan oxshimamdu?

Muxbir: menche jawab bérishi mumkin, chünki jawab bermise, bu dölet «biz adem yeymiz, adem yoqitiwétimiz» dégen signalni béridu dunyagha. Shunga özining dölet menpeetimu ghayiblar heqqide jawab bérishke mejburlaydu. Nöwette ularning béshini qaturuwatqan mesile köp, shunga, jawab bérishni keynige sürüwatqan bolushi mumkin.
Patigül: «ah urarmen, ah urarmen, ahlirim tutqay séni, köz yéshim derya bolup, béliqlirim yutqay séni» dégen gep bar؛ ahlirimiz tutqay bir küni! xudayim jazasini bérer, déngizgha gherq qiliwéter, yoq qiliwéter!!!

Muxbir: patigül xanim, bügün mushunchilik sözlisheyli, emdi dem éling…..
Patigül: balamni untuyalmidim, balamgha chidimidim, men mushu yighlighan péti uxlap, ete yene yighlap ornumdin qopimen….

Muxbir: baya déginingizdek, bu yighilarningmu tutidighan we tügeydighan waqti kéler, emise men téléfonni qoydum, patigül xanim…
Patigül: bolidu, xosh emise.

Muxbir: xosh, gheyret qiling.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: