Sherqiy Türkistan Xelqining Jumhuriyet Bayrimigha Qutluq Bolsun!

 

eastturkistanamblemi

Sherqiy Türkistan milliy inqilap tarixida alahiyde orun tutqan 1933-1944-yilliri arqa-arqidin qurulghan Jumhuriyetlirimiz ichkiy tashqiy düshmenlerning süyqesti bilen mewjutliqini sürdürelmigen bolsimu, uning millitimizning qelbide qaldurup ketken yarqin izliri bar. Bu izlar qarangghuluq qaplap turghan Sherqiy Türkistan Milliy azatliq küresh yolini yorutup turidighan öchmes meshel bolup, xelqimizni hörlük we azatliq küreshlirige ündep kelmekte.

Wetinimiz Sherqiy Türkistan 1950-yili munqeriz qilinghandin kéyin millitimiz zulumgha tiz pükmey weten ichide Xitay tajawuzchillirigha qarshi 500 qétimdin artuq her xil shekildiki milliy qarshiliq herketlirini élip bardi, hür dunyadiki Sherqiy Türkistanliqlar weten ichidiki küreshlerge parallil halda musteqil Sherqiy Türkistan jumhuriyiti üchün toxtawsiz küresh qilip kelmekte. Dawalghup we tiz özgürüp bériwatqan bu dunyada, inqilawimizning qachan ghelbe qilishi waqit meselisi peqet! Milliy musteqilliq yolida élip bérilghan küreshler elbette xelqimiz teripidin teqdirlinidu we ihtiram bilen xatirlinidu.

Biz bu qétimliq Jumhuriyet bayrimi munasiwiti bilen mushu bir yil ichide eziz wetinimiz Sherqiy Türkistanning Ürümchi, Korla, Turfan, Hotan, Qeshqer we Aqsu qatarliq jaylirida we Tajawuzchi xitaylarning siysiy merkizi hésaplinidighan Pekin qatarliq jaylarda milliy qarshiliq körsütüsh herkiti sewebidin qurban bolghan Shehitlirimizge aily ihtiram bildürüsh bilen birge, xelqimiz we ularning qewmi-qérindashliridin semimiy hal soraymiz.

Eziz qérindashlar Weten ichi we siritida élip bérilghan yérim esirdin artuq küreshning teqezzasi tüpeylidin 2004-yili 14-sintebirde Amerikining payitexti Washingitonda simiwolluq xaraktérgha ige Sherqiy Türkistan Sürgündiki hökümiti qurulup, küresh sépimizdiki ghayet zor bir boshluq toldurulup, milliy dawayimizda dewir bölgüch yéngi bir sehipe échilghanidi. Sherqiy Türkistan Sürgündiki Hökümiting qurulup, hör we démokrattik dunyada özining asasiy qanunini élan qilishi, Sherqiy Türkistan Xelqini, Sherqiy Türkistanliqlarning qérindashlirini we dunyadiki insanperwer xelqlerni zor hayajangha salghanliqining özi, shundaq bir hökümetning qurulishining dawayimizning texirsiz teliwi ikenlikini ispatlaydu.

Sherqiy Türkistan Sürgündiki Hökümiting dawamliq mewjut bolup turishi, Sherqiy Türkistan Jumhuriyitining asasiy qanun lahiyesi arqiliq milliy inqilawimizning yol xeritisini yene bir qétim körsütüp berip, Xitay we uning yalaqchillirining musteqilliq kürishimiz heqqidiki tetür teshwiqatlirigha keskin reddiye béreleydu, milliy herkitimizni terorizim bilen, pan islamizim bilen haqaretlep kéliwatqan düshmenlerning ünini ichige chüshüriweteleydu.Milliy inqilawimizni ongushluq élip bérishta Sherqiy Türkistan Sürgündiki Hökümitidin bashqa herqandaq bir qurulush bundaq bir nazuk, murekkep we japaliq yükni üstige alalmaydu.Xelqimizni yérim esirdin artuq mustemlike astida tutup kelgenler, birinchi we ikkinchi Jumhuriyitimizni qandaq yoq qiliwetken bolsa, hör dunyada qurulghan bu hökümetnimu shundaq yoq qiliwétish üchün kiche-kündüz bash qaturup toxtawsiz mekkarliq bilen herket qiliwatidu.Bu hökümetning yoq bolup kétishini tizlitiwatqan perde arqisidiki alwastilar, xuddi tarixtikige oxshashla özimizning qoli bilen, özimizning putigha palta urush herkitini tizletmekte.

Sherqiy Türkistan Sürgündiki Hökümiti nahayiti kichikip qurulghan bolsimu, uning qurulghanliqi milliy dawayimizgha yéngi bir hayatiy küch bexish etkinige qarimay, dawa qoshunidiki ayrim kishilerning bu meselige sel qarighinini az dep, düshmen küchler ichkiy we tashqiy tereptin til bürüktürüp, xelqimizni aldap, hökümetni siyasiy, iqtisadiy, meniwiy tereplerdin yitim qaldurup, nopuzini ajizlashturup, axirda yoq qilish girdawigha qistawatidu.Biz xelqimizni yüksek siysiy sezgürlükni ishqa sélip bu mesilide estayidil bolushqa chaqrimiz.

Sherqiy Türkistan Sürgündiki Hökümiti özining asasiy qanunida qeyit qilghinidek, milliy herkitimizning tüp pirinsipining, mustemlike astida qalghan wetinimizdin tajawuzchi xitaylarni üzil-késil qoghlap chiqirip, öz-özige xuja, igilik höquqigha ige, musteqil Sherqiy Türkistan Jumhuriyitini eslige keltürüsh ikenlikini aldinqi shert qilghan halda, Sherqiy Türkistan milliy herkiti sépidiki xelqaraliq dimokratiye, insan heqliri we kishlik hoquq ölchemliri asasida paaliyet körsütiwatqan qurulushlarning her türlük xizmetlirige ijabiy baha béridu we uni qollaydu.

Hökümitimiz qurulghandin béri xelqimiz arzu qilghandek küchlinip kételmigen bolsaqmu, hökümette muhim wezipilerge olturghan her derijilik xadimlar özliri turuwatqan dölet we rayonlarda, siyasiy, ijtimayi we maddiy imkanlarning yar bérishiche, milliy musteqilliqtin ibaret büyük ghayimiz üchün tirishchanliq bilen xizmet qilip kelmekte.

Hörmetlik Sherqiy Türkistanliq qérindashlar, bu hökümet, hökümet ichidiki qanche kishiningla hökümiti emes. Gepning ochuqini éytqanda silerning hökümitinglar, bizning hökümitimiz! Uni bizge bashqilar küchlendürüp bermeydu.Silerning himayenglersiz hökümettikiler hem uni öz aldigha küchlendürüp kételmeydu. U bir qisim siritqi küchler hazirche yardem qiliwatqan qurulushlargha oxshimaydu.Uning küchlinishi we ajizlishishi silerge baghliq.Shunisi éniqki biz ittipaqliship, zihnimizni merkezleshtürüp, maddiy we meniwiy küchimizni birleshtürüp, bu qurulushni qollaydikenmiz, weten we siritida abroyimiz tiz éship, milliy herkitimizde qaytidin teswirligüsiz bir tereqqiyat dewri bashlinidu!

Ichkiy we tashqiy weziyitimiz we dawayimizning tereqqiyati nuqtisidin qarighanda, Sherqiy Türkistan Sürgündiki hökümitini himaye qilmay we küchlendürmey turup, Sherqiy Türkistan milliy dawasida xelqimiz kütken netijiler aldirap otturgha chiqmaydu. Biz Sherqiy Türkistan xelqidin ikki jumhuriyitimiz hem nöwettiki hökümitimizning béshidin ötken mushaqet we iztirapqa tolghan kechmishler qaldurup ketken tejribe-sawaqlarni yaxshi yekünlep, xelqimiz chikiwatqan milliy dishwarchiliqlirimizni küchke aylandurup, özlirining diqqet nezirini Sherqiy Türkistan Sürgündiki Hökümitigimu aghdurushini, bu kam bolsa bolmaydighan ejdatlardin miras qalghan muqeddes qurulushni, yéngi qan we yéngi chüshenchiler bilen toluqlap, uning idiologiyesini zamaniwiy pikirler bilen béyitip, muhajirette Sherqiy Türkistan xelqining siyasiy teqdirige heqiqiy wekillik qilidighan, xelqarada küchlük nopuzgha ige bir qurulush qilip qurup chiqishinglarni yene bir qétim ümid qilimimiz!

Hörmet bilen:

Sherqiy Türkistan Sürgündiki Hökümiti Jumhur Reyisi

-Ahmat Igamberdi

Tel:00456460461

E-mail: ahmatigamberdi@gmail.com

11. Noyabir, 2013 Awustiraliye

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: