Sherqiy Türkistan Informatsiyon Merkizining 16-Noyabir Sériqbuya Weqesi Heqqideki Bayanati

                                                   eastturkistanamblemi
BBC ning Xitayche torining xewirige qarighanda , Tonugun yeni 16-noyabir shu yer waqti chüshtin kéyin 3:00 ler etrapida ana wetinimpiz Sherqiy Türkistaning Maral béshi nahiyisi Sériq buya bazirida yene bir qétim Uyghur ammisining Xitay saqchixanisigha hujum qilish weqesi yüz bérip, weqede hujumchilar ikki saqchini chanap öltürgen, ikkisini yarlandurghan, Xitay qoralliq saqchiliri neq meydanni qorshiwélip, 9 neper hujumchining hemmisini shehid qilghan, weqening eng diqqet qilishqa erziydighan teripi shuki Xitay saqchiliri weqede tirik tutush imkaniyiti bar bolghan ehwalda, ularning hemmisini étip öltürgen, weqede jemiy 11 kishi ölgen, weqede yene nurghun Uyghur yashlar tutqun qilinghan.

Bu heqte Sherqiy Türkistan uchur merkizining reisi Abdjélil Qaraqash ependi bayanat bérip mundaq dédi; Xitay basqunchilirining 16-noyabir Sériq buya weqeside bash tartip bolalmaydighan mesoliyiti bar, yeni bu qétimliq weqening bash jawapkari Xitay basqunchiliridur. 16-april Sériq boya weqeside Xitay hakimiyiti 20 nechche kishining ölgenlikini élan qilghan bolsimu emma merkizimizning wetendin alghan ishenchilik uchurigha qarighanda, Xitay saqchiliri weqede tutqun qilinghan bir neper tutqunni qiynap soraq qilish arqiliq, weqege dair 100 nechche kishining tizimlikini alghan we ularni , qargha élish miltiqi bilen yiraq arliqtin turup, xuddi haywanlarni öwlighandek bir birdin étip öltürüp tügetken. 26- noyabir weqeside ölgen kishilerning sani Xitay élan qilghan sandin nechche hessep kop bolghan.

Bu qétip 16-noyabir weqeside Xitay hakimiyiti pichaq orghaq tutqan Uyghur yashlirini étip öltürdi, ulanring eng kichiki 17 yash, chong 23 yash, yeni muntizim terbiylen’gen we serxil qorallanghan Xitay saqchiliri ularni tirik qolgha élish imkaniyiti bar turup, ularni wehshiylerche étip öltürgen, buning Xitay basqunchilirining ghaljirliship qaysi basquchqa bérip yektkenlikini köreleymiz. Xitay hakimiyiti yillardin buyan özinig Sherqiy Türkistangha qaratqan mustemlike siyasitidin waz kechmey, Uyghur xelqini depsende qilish siyasitini dawamlashturp we künsieri milliy hem diniy zulumni éghirlashturup, Uyghur xelqini xatirjem kün kechürelmeydighan ehwalgha chüshürüp qoydi, bu qétimqi weqening sewebi del mushu yerde.

Biz Sherqiy Türkistan Informatsiyon Merkizi, Xitay hakimiyitining qanxorlarche basturush herktini qattiq eyipleymiz! Xitay basqunchilirining Uyghur xelqige yürgüzüwatqan adaletsiz siyasitidin we yawuzlarche irqi qirghinchiliqidin nepretlinmiz we Xitay hakimitining Uyghur xelqini depsende qilish siyasiti Sherqiy Türkistandiki barliq qanliq pajelerning bash sewepkarni dep tonuymiz! 16-noyabir weqeside shehid bolghan barliq qérindashlirimizgha ulugh Allahtin eng yuquri shehidlik mertiwisi ataqilishini tileymiz! Hem ularning aile tawabatlirigha urugh – tuqqanlirigha sebir tileymiz! Ular Xitay tajawuzchiliri éytqandak térrorchi we yaki milliy bölgünchiler emes, bésiwélin’ghan zéminda térrorchi we milliy bölgünchi bolmaydu, belki mustebit hakimiyetke, zorawanlargha qarshi, erkinlik barawerlik adalet, dimkoratuye telep qilwatqan kuch Sherqiy Türkistan xelqi bar! Uyghur bilen Xitay arsidiki küresh zalim bilen mezulum, naheq bilen adalet arsidiki küreshtur! Belki özining izzet ghururuni, hörkinlikini wetinining azatliqini közlep meydangha kökrek kérip chiqqan qoriqmas, otyürek batur olghlanlirimizdur! Ular Sherqiy Türkistan xelqining ghururi, iptixari, sheripidur!

********************************************
Sherqiy Türkistan Informatsiyon Merkizi
Osttürkistan Kultur- und Informationsverein e. V.
Kaiser-Wilhelmstr. 247, 47169 Duisburg
Tel: 0203 579 36 45 Mobil:0176 2489 4054
**********************************

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: