Xitay Basqunchiliri Umumiy Yighindin Nimilerni Ögendi

Xitaylar wetinimizdin chiqip ketsun!

Yéqinda Xitayning xinjiang gézitide “Islahatni omumyüzlük chungqurlashturushning burghisi chélindi” namliq maqale élan qilin’ghan bolup maqalide mundaq déyilgen; Aptonom rayonimizdiki jaylar, tarmaqlar JKP 18 – nöwetlik merkiziy komitéti 3 – omumiy yighini we JKP aptonom rayonluq 8 – nöwetlik komitéti 6 – omumiy (kéngeytilgen) yighinining rohini chungqur ögendi, izchillashturdi. Ortaq tonushqa kélip yighin rohini öginish, izchillashturush dolqunini qozghap, yenimu gheyretke kélip, islahatni chongqurlashturushning yéngi tesewwuri üstide izdendi.
Aptonom rayonluq partkom birliksep bölümining merkiziy öginish guruppisi 18 – noyabir mexsus témida öginish qilghandin kéyin, köpchilik bes – beste mundaq déyishti: aptonom rayonluq partkomning merkiziy xizmetlirige yéqindin masliship, birliksepning kéngeshlik démokratiyediki muhim rolini jari qildurushni chöridep, partiyening din xizmitidiki asasiy fangjénini omumyüzlük izchillashturup, diniy ishlarni qanun boyiche bashqurushimiz; aptonom rayonluq partkom otturigha qoyghan birliksep xizmitige alaqidar yéngi tepekkur, yéngi idiye, yéngi tedbirni öginish we tetqiq qilishni kücheytip, shinjangning birliksep xizmitige téximu yaxshi yétekchilik qilishimiz we uni ilgiri sürüshimiz kérek.
Qeshqer wilayetlik partkom 18 – noyabir kéngeytilgen yighin échip, j k p 18 – nöwetlik merkiziy komitéti 3 – omumiy yighini we j k p aptonom rayonluq 8 – nöwetlik komitét 6 – omumiy(kéngeytilgen) yighinining rohini öginip, yetküzüp, islahatni omumyüzlük chongqurlashturush we muqimliqni qoghdash xizmitini orunlashturdi. Yighinda mundaq tekitlengen: biz choqum pursetni ching tutup, muhim nuqtini gewdilendürüp, her qaysi tereplerning tüzülme méxanizmidiki nuqsanlarni qetiy tüzitip, Qeshqerni tereqqiy qildurush qurulushining téximu parlaq kelgüsini berpa qilishqa tirishishimiz kérek. Shuning bilen bille, ‹‹üch xil küch››ning bölgünchilik, buzghunchiliq heriketlirige qattiq zerbe bérip we aldini élip, ijtima’iy aldini élishni omumyüzlük kücheytip, jemiyetning bixeterlik tuyghusini ünümlük östürüshimiz kérek.

Bu heqte textalghan sherqi Turkistan uchur merkizining reisi Abduljélil Qaraqash ependi mundaq dédi; Xitay mustemlikichi hakimiyiti Xitayning yéqinda échilghan Xitay kommunist partiyisi 18 – nöwetlik merkiziy komitéti 3 – omumiy yighini we Xitay kommunist partiyisi Uyghur aptonom rayonluq 8 – nöwetlik komitéti 6 – omumiy (kéngeytilgen) yighinidin ijabi nersilerni ögünüp izchillashturghini yoq, belki bu yighindin kéyin, özlirining Uyghur xelqini we Sherqiy Türkistanni berbat qilish we chong syasitini tézdin emelge ashurush üstide téximu ünümlük chare tedbirlerni élishqa tirishwatidu, “bir gez örlise jahalet, ming gez örler adalet ”digendek, Xitay basqunchiliri umumiy yighinda Uyghur xelqini téximu küchlük we qanliq basturush heqqide qarar alsa, Uyghur xelqimu hem Xitay basqunchilirigha qarshi téximu küchlük qayturma zerbe bérishke teyyarliq körüp qoydi. Xitay basqunchilirning xalighanche zorluq zumbuluq qilishigha, Uyghur xelqi hergiz qol qorushturup, sukut qilip turmaydu!

Xitay basqunchiliri Sherqiy Türkistanni bésiwalghandin kéyinki 64 yil mabeynide Sherqiy Türkistadiki mustemlikichilik siyasitini héchqachan özgertkini yoq, buni her bir Sherqiy Türkistanliq kallisida choqum yaxshi aydinglashturwélishi kérek, yeni Xitay basqunchiliri Uyghur xelqini xorlash depsende qilish bilenla qalmay, Uyghur xelqining iradisige xilap xalda, Xitay köchemnlirini mejburi köchürüp kélip, Uyghur xelqining igilik hoqoqigha tajawuz qildi. Uyghur xelqining Sherqiy Türkistandiki asasi milletlik ornini inkar qildi. Uyghur til – yéziqini we medeniyitini cheklep, Xitaylashturush yolida mangdi. Sherqiy Türkistanni dunya siyasi xeritisidin menggülük yoqutuwétish üchün jiddi herket qilwatidu, mana bular Uyghur xelqini ghezeplendüriwatqan, qollirigha palta pichaqtek iptidiayi qorallarni élip, Xitay jinayetchilirige zerbe bérishke türtke boliwatqan seweplerdur!

********************************************
Sherqiy Türkistan Informatsiyon Merkizi
Osttürkistan Kultur – und Informationsverein e. V.“
Kaiser-Wilhelmstr. 247, 47169 Duisburg
Tel: 0203 579 36 45 Mobil:0176 2489 4054

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: