Saybaghda Ölgen Saqchilar Üchün Intiqam Élish Chaqiriq Qilindi, Bulaqsuda Weziyet Jiddiy

Muxbirimiz Shöhret Hoshur
2013-12-24

17-Dékabir küni saybagh yéziliq partkomda échilghan saybagh toqunushi heqqidiki yighinida, xitay sékrétar weqede ölgen ikki neper saqchigha teziye bildürgendin kéyin kadirlar we ammini ular üchün hessilep intiqam élishqa chaqirghan.

Emma sékrétar kimlerdin qandaq shekilde intiqam alidighanliqini éytmighan. Yene shu künki yighindin melum bolushiche, shu künki weqe saybaghqa qoshna bolghan bulaqsu yézisidiki bir weqege chétishliq gumandarlarni tutush üchün barghanda partlighan. Muxbirimiz bu yip uchigha asasen, bulaqsu yézisidiki xitay hökümet organlirigha téléfon qilip, bulaqsudiki weqening zadi néme weqe ikenlikini sürüshte qildi. Ahalilerdin biri, buningdin ikki ay ilgiri bulaqsuning ingichke kentide bir yerasti diniy mektepning pash qilinghanliqini we buning bilen munasiwetlik bir türküm kishilerning tutqun qilinghanliqini melum qildi. Bulaqsudiki saqchi we kadirlar, gerche weqe heqqide tepsiliy melumat bérishni ret qilghan bolsimu, weqening yüz bergenliki we nöwette bulaqsuda weziyetning jiddiylikini yoshuralmidi.

Saybagh yéziliq partkomda échilghan yighinda sékrétar weqede ölgen ikki neper saqchining ish-Izlirini tonushturghandin kéyin mundaq dégen:
-Ikki yaramliq xizmetchimizdin ayrilduq. Bügün ular hujumgha uchrighan bolsa, künlerning biri men yaki yéza bashliqi we yaki aranglardin biri hujumgha uchrishi mumkin. Shunga biz öch élishimiz kérek! biz ammini heriketlendürüp yaman niyetlik ademlerni tartip chiqip, qan qerzni hessilep élishimiz kérek.

Shu künki yighinda yene bayan qilinishiche, saqchilar weqe yüz bergen küni islam ismail ailisige bulaqsuda yüz bergen weqeni sürüshte qilip barghan. Biz bu yip uchigha asasen, saybagh yézisigha qoshna bolghan bulaqsu yézisidin melumat igiliduq. Ahalilerdin biri, buningdin birqanche hepte ilgiri bulaqsuning ingichke kentide weqe yüz bergenlikini, weqede yer asti diniy mektep achqan bir diniy zatning tutqun qilinip oqughuchilirining tarqitiwétilgenlikini melum qildi. Bulaqsu yéziliq saqchixanining bashliqi deslipide weqening yüz bergenlikini étirap qilghan bolsimu, axirida dégenliridin téniwaldi.

Bulaqsu yéziliq saqchixanining bashliqi bilen söhbet

Muxbir: siz bulaqsu yéziliq saqchixanining bashliqi sayitjanmu?
Xadim: shundaq, men shu.
Muxbir: ingichkidiki yer asti mektep weqeside tutulghan diniy zatning ismi néme?
Xadim: uni bilmeydikenmen.
Muxbir: siz bu yerde wezipe ötewatqan adem, mushu yerdiki eng chong we eng sezgür weqeni bilmiginingiz qandaq ish?
Xadim: u déloni nahiyedikiler bir terep qilghan. Shunga bu ishni nahiyedikilerdin sorang.
Muxbir: biz weqeni weqe yüz bergen orundin igilimekchimiz, nahiyedin emes.
Xadim: u chaghda men téxi kelmigen.
Muxbir: weqede ölgen, yarilanghanlar barmu?
Xadim: bu soalingizgha men jawab bermeymen!
Muxbir: jawab bérishni xalimamsiz yaki hoquqingiz yetmemdu?
Xadim: bundaq téléfondila sorisingiz qandaq bolidu?!
Muxbir: emise soallirimni yazma shekilde ewetishim kérekmu?
Xadim: yaq, bu soalgha zadi men jawab bermeymen.
Muxbir: bolmisa weqe yüz bergenlikini bilisiz?
Xadim: unimu bilmeymen?
Muxbir: baya bilidighanliqingizni ashkarilidingizghu, déloni nahiyedikiler bir terep qildi dédingizghu?
Xadim: yaq, yaq, men bilmeymen u ishni.

Kéchilik nöwetchi bilen söhbet

Biz yene yéziliq partkomda kéchide nöwette turuwatqan xizmetchilerge téléfon qilduq. Nöwetchi xadim özining tolimu ensiz pozitsiyisi arqiliq her qandaq kishining herqandaq soalgha jawab bérelmeydighanliqini bayan qilish arqiliq, bulaqsudiki weziyetning jiddiylikini, dairilerning bu yézida bolup ötken ishlarni yoshurush üchün mexsus orunlashturush élip barghanliqini ashkarilidi.

Muxbir: yéziliq partkommu bu?
Xadim: shundaq.
Muxbir: nöwette turuwatamsiler?
Xadim: shundaq.
Muxbir: qanche kishi nöwette turuwatisiler?
Xadim: bundaq soalni sorimang mendin?
Muxbir: néme boldi, soalimning néri xata, néri sezgür?
Xadim: bundaq soalni sorimang dédim, sorimang!
Muxbir: nimanchiwala ensizlik qilisiz? bulaqsuda weziyet shundaq jiddiymu?
Xadim: yaq, weziyet normal.
Muxbir: emise némishqa jawab bermeysiler?
Xadim: herqandaq ademning herqandaq soaligha jawab bermeymiz.
Muxbir: shu toghrida mexsus höjjet chüshtimu, téléfon qobul qilmasliq heqqide?
Xadim: bundaq soallarni sorimang dédim, emdi téléfonni qoyuwétimen….

Yuqirida saybaghdiki dairilerning ölgen saqchilar üchün intiqam élishqa chaqiriq qilinghanliqi we ingichke weqesidin kéyin bulaqsudiki weziyetning nisbeten jiddiyleshkenliki heqqide melumat berduq.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: