Aqsu Awatning Yéngiériq Saqchixanisida Qanliq Toqunush Yüz Bergen

 

Muxbirimiz Shöhret Hoshur
2014-01-22
 
pichan-lukchun-weqesi-saqchixana-hujum.jpg

Pichan nahiyisi lükchün bazirida saqchixanigha hujum qilip köydürülgen saqchi mashiniliri. 2013-Yili 26-Iyun.

Oqurmenler Teminligen

Anglighuchirimizdin birining inkas qilishiche, 15-Yanwar küni aqsu awatning yéngiériq saqchixanisida toqunush yüz bérip 3 kishi ölgen. Bügün muxbirimiz bu yip uchigha asasen, nahiye we yéziliq saqchi xadimlirigha téléfon qilip weqe heqqide melumat igilidi. Saqchilar yéngiériq saqchixanisida weqening yüz bergenlikini we shuningdin kéyin bixeterlik tedbirlirini hessilep kücheytkenlikini ashkarilighan bolsimu, weqe dölet mexpiyetlikige yatidighan bolghachqa, tepsiliy melumat bérelmeydighanliqini éytti.

Anglighuchilirimizdin biri aldinqi küni radiomizgha inkas yollap, aqsu awatning yéngiériq yéziliq saqchixanisining hujumgha uchrighanliqini, hujumchilardin 3 kishining étip tashlanghanliqini pash qildi. Biz buninggha asasen aldi bilen awat nahiyilik saqchixanigha téléfon qilduq:

Muxbir: yéqinda weqe yüz bergen saqchixana qaysi saqchixana?
Xadim: qaysi weqeni deysiz?

Muxbir: saqchixanining hujumgha uchrash we hujumchilarning étiwétish weqesi.
Xadim: yéngiériq saqchixanisi.

Muxbir: weqede ölgen we yarilanghanlarning sani qanche?
Xadim: tepsiliy ehwalini men bilmeymen.

Biz arqidin yéngiériq saqchixanisigha qoshna bolghan tamtoghraq saqchixanisigha téléfon qilduq, téléfonimizni alghan bir yardemchi saqchi we saqchixanining muawin bashliqi weqe yüz bergendin kéyin özlirining bixeterlik tedbirlirini hessilep kücheytkenlikini bayan qildi:

Muxbir: weqe yüz bergen yéza bilen ariliqinglar qanchilik bar?
Xadim: on kilométir.

Muxbir: weqe yüz bergendin kéyin néme ishlarni qiliwatisiler?
Xadim: nöwetchilikni kücheyttuq, charlashni dawamlashturuwatimiz.

Muxbir: weqeni siz yighinda uqtingizmu yaki yaki doklattinmu?
Xadim: saqchixana bashliqimiz nahiyede échilghan yighingha qatniship, shu yighinda anglighanlirini yetküzdi.

Mezkur saqchixanining muawin bashliqi eniwer molla weqening rastinila yüz bergenlikini, emma bu bir dölet mexpiyetliki bolghanliqi üchün tepsilatini dep bérelmeydighanliqini éytti we tepsiliy uqmaqchi bolsaq, j x nazaritidiki yalqun nazir bilen körüshüshimizni tewsiye qildi. Yéngiériq yézisigha téléfon qilghinimizda, téléfonimizni alghan xadim weqening bésiqturulghanliqini we weziyetning eslige kelgenlikini bildürüp, weqening tepsilatini ashkarilimasliq heqqide uqturush barliqini éytti.

Yuqirida anglatqinimiz, bu yil ichide uyghur rayonida yüz bergen we radiomiz teripidin tunji qétim pash qilinghan qanliq toqunushlardin biridur.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: