Aqsu Awattiki Yéngiériq Saqchixana Toqunushining Tepsilati Ashkarilandi

Muxbirimiz Shöhret Hoshur
2014-01-23

15-Yanwar küni aqsu awatning yéngiériq saqchixanisida yüz bergen qanliq toqunushning tepsilati ashkarilandi. Nahiye we yéziliq saqchi xadimlirining ashkarilishiche, 3 neper pidaiy ötken charshenbe küni chüsh mezgilide yéngiériq saqchixanisigha kélip, muhapizette turuwatqan yardemchi saqchilargha saqchixana bashliqi bilen körüshmekchi ikenlikini éytqan. Yardemchi saqchilar saqchixana bashliqining yighinda ikenlikini eskertip, pidaiylarning saqchixanigha kirishige yol qoymighan we pidaiylarning yénini axturushqa urunghan. Netijide pidaiylar belliride saqlighan xitayche shekildiki orghaqni chiqirip yardemchi saqchilargha zerbe bergen we ikki nepirini yarilandurghan. Bu chaghda xitayning resmiy saqchiliri saqchixana ishxanisidin oq chiqirip, saqchixana binasigha hujum qilip kiriwatqan üch neper pidaiyni neq meydanda étiwetken.

Biz bügün aldi bilen weqe yüz bergen yéngiériq saqchixanisigha téléfon qilduq:

Muxbir: yéngiériq saqchixanisimu?
Xadim: shundaq.

Muxbir: hazir weziyet qandaq, weqedin kéyin?
Xadim: yaxshi, jimjitchiliq.

Muxbir: weqede qanche kishi öldi?
Xadim: uni bilmeydikenmen.

Muxbir: weqe yüz bergen küni siz neq meydanda yoqmu?
Xadim: men sirtta idim.

Muxbir: eger siz yardemchi saqchi bolsingiz, téléfonni resmiy saqchigha bersingiz?
Xadim: wey, néme ishti?

Muxbir: charshenbe küni yüz bergen weqening bash-Axirini uqup baqayli dégen.
Xadim: bolmaydu, délo heqqide sizge héchqandaq melumat bérelmeymiz.

Biz axirida dolan yéziliq saqchixanining xadimi abdusalam rozi we saqchixana bashliqi shuen shinni ziyaret qilduq. Bu ikkisi weqening jeryanini yighinda özlirige uqturulghini boyiche bayan qildi.

Bularning bildürüshiche, charshenbe küni chüsh mezgilide 3 kishi saqchixana derwazisi aldida peyda bolghan we nöwetchilerdin saqchixana bashliqi bilen körüshüshni telep qilghan. Nöwetchiler saqchixana bashliqining yighinda ikenlikini bildürüp, körüshüshke bolmaydighanliqini éytqan. Ikki terep arisidiki qisqa bir talash-Tartishtin kéyin, nöwetchiler qarshi terepning bélide eswab barliqini bayqighan we tekshüridighanliqini éytqan؛ bu chaghda bu üch kishi belliridiki orghaqni sughurup élip nöwetchilerge hujum qilghan we ikki nepirini yarilandurghan. Weqeni binadin körgen saqchi xadimliri hujumchilarni bina ichidin oq chiqirip neq meydanda étiwetken.

Mezkur saqchixana bashliqi shuen shin déloni dölet amanliq saqchilirining tekshürüwatqanliqini, hujumchilarning meqsiti heqqide éniq melumat bérilmigenlikini, emma rayonning weziyitige asasen, bu weqenimu bashqa weqelerge oxshash, hakimiyetke qarshi we bölgünchilik meqsitidiki weqe, dep qaraydighanliqini bayan qildi.

Bu saqchixanining gaw xey isimlik bir xadimi weqede yarilanghan ikki saqchining 48 yashliq erkin muhebbet we 28 yashliq memet tursun ikenlikini, ularning nöwette nahiyilik doxturxanida dawaliniwatqanliqini melum qildi. U yene u üch hujumchining yéngiériq yézisining qumériq we lengger kentidin ikenlikini, emma isimlirini bilmeydighanliqini éytti.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: