Aqsu Qartalda Bir Uyghur Yash Saqchilar Teripidin Öyide Etiwétilgen

 

Muxbirimiz Shöhret Hoshur
2014-02-03
 
Aqsuda-partlash-weqesi-305

Etigen saet 8 etrapida, aqsu shehiri égerchi yéziliq saqchixanining kocha charlash etriti partlitish hujumigha uchrighan orun körsitilgen xerite. 2010-Yili 19-Awghust.

AFP Photo

Anglighuchilirimizdin biri ötken peyshenbe küni radiomizgha inkas yollap aqsu shehirining qartal bazirida weqe chiqqanliqi heqqide melumat berdi؛ emma inkasta weqening néme ikenliki konkrét bayan qilinmighan idi.

Muxbirimizning bu yip uchigha asasen ehwal igileshliri dawamida, charshenbe küni qartalning dolan kentide bir siyasiy mehbus uyghur yashning saqchilar teripidin öyide étiwétilgenliki ashkarilandi. Ögen yéziliq saqchixanining bashliqi esqer dawut we qartal bazarining siyasiy qanungha mesul sékritari adiljan turghunning bayan qilishiche, xitayning qartal saqchiliri öy tekshürüsh dawamida bir uyghur puqrani pichaq kötürüp qarshliq körsetti dégen bahane bilen étip tashlighan.

Töwende muxbirimiz shöhret hoshurning bu heqte teyyarlighan programmisini anglaysiler:

Ziyaritimizni qobul qilghan toqsu nahiye ögen yéziliq saqchixana bashliqi esqer dawut, aqsu sheher qartal bazirida yüz bergen weqedin jüme küni xewer tapqanliqini we bu xewerni nahiyilik saqchi idarisida échilghan yighinda uqqanliqini éytti. Yighinda gerche weqening tepsilati bildürülmisimu, charshenbe küni yeni 29 – Yanwar küni qartal bazarliq saqchixana xadimliri öy tekshürüsh élip bériwatqanda, bir neper gumandarning tekshürüshke boysunmighanliqi we qoligha pichaq élip saqchilargha qarshliq körsetkenliki, netijide gumandarning étiwétilgenliki bayan qilinghan we pütün saqchilar hushyar bolushqa chaqirilghan.

Biz yene qartal bazarliq partkomning siyasiy qanungha mesul sékritari adiljan turghunnimu ziyaret qildi. U, weqening qartalning 19 – Kenti yeni dolan kentide yüz bergenlikini, weqede ölgüchining eslide sabiq bir siyasiy mehbus ikenlikini bayan qildi. Adiljan turghunmu gumandarning saqchilarni öyige kirgüzmigenliki we saqchilar bésip kirgende pichaq kötürüp qarshliq körsetkenliki, saqchilarning deslepte agahlandurush oqi chiqarghanliqi, emma gumandar qarshliq körsitishtin waz kechmigenliki üchün étip tashlighanliqi qatarliqlarni bayan qildi.

Bazardiki ahaliler saqchilarning neq meydanda gumandarni boysundurush imkani tamamen barliqini, emma özlirige bérilgen neq meydanda étiwétish hoquqigha asasen gumandargha heddidin ziyade küch qollanghanliqini bayan qildi.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: