Niyaz Qaharning Ailisidikiler: Oghlimizning 13 Yil Késilgüdek Qandaq Jinayiti barliqini Bilmeymiz!

 

Muxbirimiz Qutlan
2014-02-10
 
Niyaz-qahar-mektep-aldi.jpg

Niyaz qaharning shinjang uniwérsitétida oquwatqan mezgilide chüshken süriti. 1990-Yillarning otturiliri, ürümchi.

RFA/Qutlan

Niyaz qaharning «ürümchi kechlik géziti» ning muxbiridin 13 yilliq siyasiy mehbusqa aylinishi besh yildin buyan uning ailisidikilerni tinimsiz azablap kelmekte.

Shunche yillardin buyan derdini ichige yutup kelgen bu ailining azabliq sükünati axiri ana qelbining tinchimas piraqida buzup tashlandi.

Wijdan mehbusi niyaz qaharning apisi meryemxan ziyaritimizni qobul qilghanda oghli heqqidiki bir qisim ehwallarni ashkarilidi.

U oghli niyaz qahar qolgha élinghanda téxi emdila 30 yashtin ashqanliqini, shunche yash turup hayatining türme azabida xorap kétiwatqanliqini bildürdi. U yene mundaq dédi : «oghlum téxi toy qilmighan idi. U yoqap kétishning aldida biz uning toyigha jiddiy teyyarliq qiliwatattuq. Uning yürgen qizimu bar idi. 2009-Yili 7-Ayda oghlum iz-Déreksiz ghayib bolghandin kéyin bizning ailimizning arami buzuldi. Hemme nerse özgerdi, oghlumning yürgen qizimu öz yurti xotenge qaytip ketti, hazir u qiz bilen alaqimiz yoq. Oghlum « siyasiy jinayetchi» dégen qalpaq bilen 13 yil késilgendin kéyin, herkim, hetta oghlumning dost-Buraderliri we sawaqdashlirimu bizning ailimiz bilen alaqe qilishtin éhtiyat qilidighan boldi…»

Niyaz qaharning singlisi nurgül «5-Iyul weqesi» din kéyin akisining qandaqlarche ghayib bolghanliqi we uning «yépiq sot» i heqqide toxtaldi. U akisining sotlinish jeryani heqqide hazirghiche éniq melumat alalmighanliqini hemde bu ishning zadila kallisidin ötmeydighanliqini bildürdi.

«Akamning ochuq yaki yépiq halda sotlanghanliqini bilmiduq. Ailimizdin birmu kishini sotqa chaqirmidi. Akamning qandaq sot tertipi bilen sotlanghanliqidin peqetla xewirimiz yoq. Ürümchi yikenlik rayonidiki ottura sottin bu heqte ehwal sürüshtürgen bolsaqmu, lékin ular akamning «döletni parchilash jinayiti» bilen sotlanghanliqidin bashqa héchqandaq tepsiliy uchur bermidi. Akamning 13 yil késilgüdek qandaq jinayiti barliqini biz hazirghiche bilmeymiz.»

Hazir gollandiyede yashawatqan, lékin ismini ashkarilashni xalimaydighan muhajirettiki bir uyghur yash özining wijdan mehbusi niyaz qaharning dosti ikenlikini, niyaz bilen 2006-Yilida eng axirqi qétim körüshkenlikini tilgha aldi.

Uning tekitlishiche, niyaz qaharning uyghur tor sahesidiki aktip paaliyetliri «5-Iyul weqesi» din burunla xitay jamaet xewpsizliki orunlirining diqqitini tartqan. U dosti niyaz bilen eng axirqi qétim ürümchide körüshkinide, saqchilarning uni birqanche qétim soraqqa tartqanliqini anglighanliqini ilgiri sürdi.

Qedirlik radio anglighuchilar, wijdan mehbusi niyaz qahar heqqidiki yéngi melumatlar kéyinki programmilirimizda dawamliq diqqitinglarda bolidu.

Tepsilatini awaz ulinishtin anglighaysiz.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: