Ghayip Anisi Qurbangül Xanim: Biz Tartiwatqan Azaplar, Kunming Weqesi Qurbanliriningkidin Éghir

Muxbirimiz shöhret hoshur
2014-03-07

1 – Mart kunming weqesi bezi siyasiy mulahizichilerning, uyghurlarning ötmüshi we bügüni heqqide qelem tewritishge türtke bolghan bolsa, bu yene xitay hakimiyitining éghir ziyankeshlikige uchrighan bir qisim aililerni özlirining bundin burun béshidin ötken échinishliq kechmishilirini eslishige türtke boldi.

Ghayip alimjan hélajining anisi qurbangül xanim, özlirining béshigha kelgen pajiening kunmingda öltürülgenlerning aile – Tawabatiningkidinmu échinishliq ikenlikini tilgha élip «biz balilirimizning jesitigimu ige bolalmiduq, ölgenliki heqqide uchurghimu érishelmiduq, uchurini sorighanliqimiz üchün öyimizdin qoghlanduq» dédi. Qurbangül xanim yene xitay saqchilirining uning öyige bésip kirip nareside balilirining aldida pishanisige qoral tengligenlikini we buningdin qorqup ketken 4 yashliq balisining bir yilghiche ésigha kélelmigenlikini eskertti.

Hörmetlik radio anglighuchilar, kunmingda weqe yüz bergendin kéyin biz, xitay hökümitige yillardin béri yighlap – Yalwurup derdini anglitalmaywatqan we mushu yighlap – Yalwurghini üchün düshkellengen, ishxanilardin heydiwétilgen, tutup solap qoyulghan erzdar anilarni ziyaret qilduq we ularning weqe heqqidiki tesiratini soriduq. Erzdar nurungül toxti «méni bular bek bozek qilghan, balamni xitay élip qachsa, méni türmige apirip solap qoyghan, kunmingdiki weqeni anglap birsi derdimni élip bergendek xosh boldum» dédi. U yene bu xoshalliqining bashqa ish üchün emes, peqet hökümetning uyghurlar junggudin razi dégen teshwiqatining pakit arqiliq inkar bolghanliqidin ikenlikini eskertti. 16 Yashliq ghayip alimjan hélajining anisi qurbangül xanim, özining besh yildin buyan tartqan azaplirini eslep ötkendin kéyin, bügüngiche téxi axbaratqa ashkarilimighan 4 yashliq oghli uchrighan ziyankeshlik heqqidimu toxtilip ötti. Bayan qilinishiche ghayip oghli tutup kétilgen küni 4 neper qara kiyimlik saqchi hélaji ailisige qoralliq basturup kirip, ailidiki ata – Anining her ikkisining pishanisige qoral tenglep turup öyde axturush élip barghan. Öy igiliri saqchilarning axturush élip bérishigha héchqandaq naraziliq bildürmigen, hetta éghizmu achmay süküt qilip turghan ehwalda élip bérilghan. Téximu muhimi saqchilarning bu qorqunchluq herikiti 4 we 12 yashliq ikki naresidining köz aldida dawam qilghan. Shunga saqchilarning shu künki qorqunchluq qiyapet we qorqunchluq awazidin yüriki ézilgen 4 yashliq bala bir ayghiche jöylüp uxliyalmighan, bir yilghiche kochida saqchilarni körse qorqup yaymichilarning taxtisining astigha yaki exlet sanduqlirining arqisigha möküwalghan.

Qurbangül xanim sözining axirida, özi béyjingdin tartip – Sörilip tutup kélinginide, béyjingliqlarning tamasha körüp turghanliqini eslidi. U bu nuqtida uyghur xelqi uchrawatqan zulumgha xitay xelqining tamashibin bolup qarap turmasliqi kéreklikini, xitay hökümitining zorwanliqigha uyghur xelqi bilen bir septe turup qarshi turushi kéreklikini, undaq bolmighanda, bir dölet ichide yüz bériwatqan adaletsizlikning bu dölettiki hemme puqrani teng ziyangha uchritidighanliqini eskertip ötti.

Munasiwetlik xewerler
• Rabiye qadir xanim kanada parlaméntidiki paaliyetke qatnishish üchün ottawagha yétip keldi
• «Oghlum tutulghandin kéyin xewpsizlik idarisi ailimizge parakendichilik saldi!»
• Yaponiyede «ghayib mezlumlarning awazi» namliq doklat neshr qilinish aldida
• Ghayiblar aile-Tawabiatliridin 3 kishi firansiyelik ikki muxbir bilen ürümchide méhmanxanida körüshti
• «5-Iyul weqesi» de 13 yilliq qamaqqa höküm qilinghan muxbir niyaz qaharning shixo türmiside ikenliki melum boldi
• Anining xitabi: «biz silerni hayat qélishinglar üchünla emes, uyghurdek yashalishinglar üchün chetellerge yolgha salduq
• Dertmen ana patigül ghulamning musteqil tetqiqatchi ilham toxtigha amanet sözliri
• Uyghur élining 5 – Iyul ürümchi weqesidin kéyinki intérnét tereqqiyati heqqide
• Xitay dairiliri özliri tarqatqan mexpiy uqturushning axbaratqa ashkarilinishidin endishige chüshti

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: