Shahitlar «5-Iyul weqesi» ning Qurbani-Adil Rozi Heqqide Éghiz Achti

Muxbirimiz Qutlan
2014-03-31
 

adil-rozi-5-iyul-urumchi-weqesi.jpg

«5-Iyul weqesi» din kéyin tunji türkümde ölüm jazasigha höküm qilinghan shinjang balilar pédagogika mektipining oqughuchisi adil rozi. 2009-Yili 12-Öktebir, ürümchi.

CCTV

Shahitlar yéqinda «5-Iyul weqesi» ning qurbanliridin-Shinjang balilar pédagogika mektipining oqughuchisi adil rozi we uning qisqighine hayati heqqide éghiz achti.

Buningdin 4 yildin köprek waqit ilgiri, yeni «5-Iyul weqesi» yüz bérip emdila 3 ay ötkende, ürümchi sheherlik ottura sot mehkimisi teripidin ölüm jazasigha höküm qilinghan tunji türkümdiki uyghur mehbuslar ichide emdila 21 yashqa kirgen adil rozi nurghun kishilerning diqqitini chekken. Wehalenki, shunche yillardin buyan héchkim, hetta ailisimu uning qandaqlarche tutulup, shunche qisqa waqit ichide ölümge höküm qilinishi heqqide sürüshte qilalmighan.

Undaqta, adil rozi kim?

Melum bolushiche, adil rozi shinjang balilar pédagogika mektipining 2004-Yilliq oqughuchisi bolup, 2009-Yili 3-Iyul küni oqush püttürüp mekteptin ayrilghan. Mektep memuriyiti shu yili oqush püttürgen oqughuchilarning nopusini waqtida béjirip bermigechke, u birqanche sawaqdishi bilen nopusni saqlap ürümchide turup qalghan.

Aridin ikki kün ötkende, yeni 5-Iyul küni ürümchi dawan yolida waqitliq turuwatqan adil rozi iz-Déreksiz ghayib bolghan. Oqush püttürüp mektep derwazisidin emdila ayrilghan bu sebiy yash aridin 3 ay ötkende, yeni 10-Ayning 12-Küni ürümchi sheherlik ottura sot teripidin tunji türkümde ölüm jazasigha höküm qilinghan.

21 Yashliq adil rozining qandaq jinayet ötküzgenliki we 3 aygha yetmigen waqit ichide sotlinip ölümge höküm qilinishi uning ata-Anisi we mektipidiki oqutquchiliri üchünmu hélihem qarangghu.

Adil rozi «5-Iyul weqesi» ning qurbani süpitide étip tashlinip 4 yildin artuq waqit ötüpmu uning shayar nahiyiside olturushluq dadisi rozi turap oghlining néme jinayet ötküzgenlikini bilelmigen. U téléfon ziyaritimizni qobul qilghan bolsimu, lékin bu heqte héchnéme déyelmeydighanliqini we sözleshnimu xalimaydighanliqini bildürdi.

Biz bu heqte yenimu ilgiriligen halda ehwal igilesh üchün merhum adil rozining eyni waqittiki mesul oqutquchisini ziyaret qilduq. Hazir muhajirette yashawatqan, emma isim-Sheripini ashkarilashni xalimaydighan mezkur oqutquchi adil rozining délosi heqqide bilidighanliridin melumat berdi.

Adil rozi shayar nahiyesidin bolup, 2004-Yili shinjang balilar pédagogika mektipining yesli maaripi kespige qobul qilinghan. U mektep hayatida ela netije bilen oqup, sinipida izchil halda muawin sinip bashliqi wezipisini ötigen shundaqla oqutquchi we sawaqdashlirining hörmitige sazawer bolup kelgen.

2009-Yili 7-Ayning 3-Küni, yeni «5-Iyul weqesi» din ikki kün burun u mekteptin ayrilip, ürümchi dawan yolidiki ijare alghan öyde waqitliq turup turghan. Mekteptin nopus resmiyetlirini alghan haman yurti shayargha qaytmaqchi bolghan.

Epsuski, 5-Iyul kechqurun u dawan yoli etrapida iz-Déreksiz ghayib bolghan. Aridin 3 ay ötkende ürümchi sheherlik ottura sot mehkimisi teripidin tunji türkümde sotlanghan 7 neper uyghur yash bilen bille ölümge höküm qilinip étiwétilgen.

Uning bilen 2009-Yili 7-Ayning 3-Küni eng axirqi qétim körüshken oqutquchisi uning sirliq délosi heqqide bezibir tügünlerni otturigha tashlidi.

Tepsilatini awaz ulinishtin anglighaysiz.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: