Patigül Ghulam Gérmaniyede Échiliwatqan Ghayiplar Heqqiki Yighin Qatnashchilirigha Minnetdarliq Bildürdi

Muxbirimiz Shöhret Hoshur
2014-04-15

patigul-ghulam.jpg

Ghayiblardin imammemet élining anisi patigül ghulam.

RFA

Gérmaniyede échiliwatqan ghayiplar heqqidiki yighinidin xewer tapqan ghayib anisi patigül ghulam, bügün muxbirimizning ziyaritini qobul qilip, mezkur yighinni teshkilligen we qatnashqan barliq kishilerge minnetdarliqini bildürdi hemde uyghur rayonidiki özige oxshash ghayiplar aile-Tawabiatlirining ghayiplar heqqide uchur élishigha yighin qatnashchilirining izchil yardem qilishini telep qildi. Patigül ghulam yene 9-Aprél küni ürümchi sheherlik saqchi idarisining bashliqi wang méingshen bilen körüshken chéghida, wang méngshenning ghayiplar aile-Tawabiatlirini yene exmeq qilip «baliliringlarni téxiche izdewatimiz» dep jawab bergenlikini pash qildi.

Patigül: gérmaniyede bizning balilirimiz heqqide-Ghayiplar heqqide yighin échiliwatqanliqini anglap qaldim؛ anglap intayin xosh boldum. Dunyada biz üchünmu bash qaturidighan, bizning ghémimizni yeydighan, heq-Naheqni sürüshte qilidighan, bir adem iz-Déreksiz yoqap ketse, bu nege ketti, buninggha néme boldi dep soraydighan bir orun, bir teshkilat we kishiler barliqini uqup bekla xosh boldum.

Muxbir: dunyada mushu mesile üchün bash qaturuwatqan kishi we teshkilatlarning barliqini texmin qilmighanmidinglar?
Patigül: yéqinda shi jinpingni gollandiye qatarliq döletlerni ziyaret qildi dep anglidim, shu barghan yerliride uninggha «munchilik ademni yoq qiliwétipsen, néme qilding?» dep sorar dep ümid qilghan idim, chünki 3-4 Yildin béri nechche qétim chetel muxbirlirigha derd töktuq, bu ishni dunya bilidu dep texmin qilimiz. Biraq héchbir yerdin shi jinpinggha bundaq bir sözning déyilgenlikini anglimidim, anglimay qaldimmu, yaki xelqara jamaetmu bizge oxshash-Shinjang xelqige oxshash shi jinpingdin qorqamdu dep oylap qalghan idim.

Muxbir: yighin qatnashchilirigha deydighan sözliringiz néme?
Patigül: dep qoyung, biz dunyadin yardem telep qilimiz, balilirimizni qutuldurup bersun démeymiz, xitay hökümiti bu chaqqiche choqum qénini shorap ichip, göshini yep boldi, tiriklikidin ümidimiz yoq, biz peqet uchurni élip bérishini, yeni ya ölük, ya tirik dégen bir éghiz uchur élishimizgha yardem qilishini telep qilimiz. Bu telipimizge shinjang hökümitidin jawab kelmidi, béyjingdinmu jawab kelmidi, amalsiz, dunyagha murajiet qiliwatimiz, bizge yardem qilsun, bizni bu azabtin qutuldursun, bek qiynilip kettuq, bek azablanduq. Ölgini ochuq, uqqan bolsaq, nezir ötküzettuq, dua qilituq, teselli tapituq, belkim sewr qilituq, bu derijide qiynalmayttuq. Bizge yardem qilsun, bizni untup qalmisun, bu ishni deydighan yerlerning hemmisige désun, awazimizni yetküzsun…

Muxbir: alaqidar orunlargha yene bérip turuwatamsiler?
Patigül: elwette bérip turuwatimiz, tashliwetkili bolamdu?! untup ketkili bolamdu? eng yéqinda 9-Chésla barduq. Sheherlik saqchining bashliqi wang méngshen bilen körüshtuq.

Muxbir: ishxanisida körüshtünglarmu?
Patigül: yaq, erziyet ishxanisida körüshtuq, erz qobul qilghili keptiken. 10 Kishi barghan iduq, ikkimizning körüshüshige ruxset qildi. Körüshken yérimizdimu arqimizda ikki qoralliq saqchi aptomatini béshimizgha tenglep turidu, aldimizda wang méngshen eynek tosuqning u teripide olturidu, yénimizda ikki terjiman turidu.

Muxbir: jawabi néme boldi?
Patigül: izdewatimiz, saqlanglar deydu. Bu, adem exmeq qilghanliq bolmay néme? u balilar ayropilan bilen tinch okyangha chüshüp ketmigen tursa, bélikidin tutup öydin yaki kochidin tutup eketken tursa, türmide bille yatqanlar tursa, soraq qilghanlar hazirghiche ishlewatsa, balilirimiz nege kétidu, kimdin soraydu?

Muxbir: wang méngshen mushu gepni qilghanda biraz amalsizliq ipadisi yaki yalghan gep qilghanliqi pozitsiyesidin chandimu yaki nahayiti tebiiy pozitsiyede gep qildimu?
Patigül: biz uninggha, sen özüng tutup ketken ademni özüng bilmeydighan qandaq ademsen, mesuliyet dégen nerse yoqmu, bu gungsendang dégenni etigendin kechkiche téléwizorda maxtaysen, emeliyette gungsendang dégining mushundaq buyawlendi (yüzsiz)mu dédim, bu gepni qiliwatsam, yénimizdiki terjimanliq qiliwatqan saqchilar, yaq bundaq gep qilmang dep bizni sörep-Tartip chiqiriwetti.

Muxbir: hazir weziyet keskin. Mushu gepliringiz üchün özingizge bir awarichilik kélip qélishini oylimamsiz?
Patigül: kelse, kelsun, hélimu az awarichilik kelmidi, herqandaq azab, bala azabini bésip chüshmeydiken. Imammemet balamning uchurini élish üchün gep qilip étilip ketsemmu razimen.

About Republic Of Uyghuristan
Official Website of Uyghuristan Republic

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: