Xitay 17 Yashliq Abdulbasitning Qizil Chiraghdin Ötüp Kétishinimu Térrorluq Herikiti Dep Eyiblidi

Muxbirimiz Shöhret Hoshur
2014-04-16
 

abdulbasit.jpg

Motsiklit bilen qizil chiraghdin ötüp ketkenliki üchün xitay qoralliq küchliri teripidin etip öltürülgen 17 yashliq abdubasit (ikkinchi ret otturida).

RFA/Shohret Hoshur

Aqsuning kelpin nahiyiside 12-Aprél küni yüz bergen qizil chiraghdin ötüp ketken 17 yashliq balini étiwétish weqesi heqqide weqedin 4 kün kéyin xitay terep tunji qétim uchur we izahat élan qildi.

Xitayche «aqsu tori» namliq bu hökümet axbaratida, abdulbasit qizil chiraghdin ötüp ketkendin kéyin saqchilarning hawagha qaritip oq chiqarghanliqi, bu chaghda abdubasitning motsiklitini arqisigha yandurup ponkittiki saqchilargha hujum qilghanliqi we saqchilarning qoralini tartiwélishqa urunghanliqi bayan qilinghan we weqe térrorluq bilen eyiblengen. Emma kelpindiki ahaliler, dairilerning alahide saqchilarni aqlash üchün abdulbasitqa gunah artqanliqini we qoral tartiwélishqa urundi dep pakit toqughanliqini bayan qilishti.

Xitay axbarati abdulbasitning ikki orundiki tekshürüsh ponkitini bösüp ötüp ketkenlikini, saqchilar oq chiqarghandin kéyin uning arqisigha yénip saqchilargha hujum qilghanliqini yazghan. Emma neq meydandiki abdulbasitning dostliri uning saqchilardin qéchip 3 kilométir uzaqlashqanliqini, saqchilarning bolsa iz bésip qoghlap kélip araaymaq dégen yerge kelgende arqisidin oq chiqirip étiwetkenlikini pash qilghan idi. Xitayning yene bir axbaratida, abdulbasitning motsiklitni 200 kilométir tézlikte heydigenliki bayan qilinghan. Emma shahitlar abdulbasitning motsiklitining tokluq motsiklit ikenlikini, süritining 40 kilométirdin ashmaydighanliqini eskertip, xitay axbaratining yalghanchiliqini ashkarilidi.

Nöwette aqsudiki ahaliler, hökümet axbaratlirining kelpin xelqining nepritini bésish we xitay saqchilirini aqlash üchün, pakit burmilawatqan we toquwatqanliqini ilgiri sürmekte:

Ahale: hökümet shundaq démey bashqa amali yoq, chünki rast gepni qilsa xelq téximu ghezeplinidu, téximu qozghilidu. Shu küni namayishchilarni arqisigha chékindürüsh üchün shundaq dégen yeni abdulbasitni saqchilarning qoraligha ésildi dégen idi.

Muxbir: qéchip kétiwatqan bala qandaq qoralgha ésilalaydiken, uning üstige 17 yashliq bir bala?
Ahale: shu emesmu, bu, «qizil chiraghdin ötüp ketti, étiwettuq» déyelmigenliki üchünla toqup chiqiwatqan pakitlar.

Aqsu tori weqeni 12- We 13-Aprél weqesi dep atighan, emma 12-Aprél künidiki weqe heqqide uchur we izahat bérip 13-Aprél künidiki weqe heqqide éghiz achmighan. Melum bolushiche, 13-Aprél küni saqchilar namayishchilarni tarqitish üchün agahlandurush oqi chiqarghan. Weqedin kéyin az dégende 10 nechche kishini tutqun qilghan.

Aqsu tordiki xewerde qizil chiraghni bésip ötüshning qanunning izzet-Hörmitini depsende qilish ikenliki yézilghan we bu xil xataliqni sadir qilghuchilarni saqchilarning oq chiqirip jazalash heqqi barliqi eskertilgen. Buningdin qarighanda, dairilerning buningdin kéyin shu künki namayishnimu térrorluqni qollash, namayishchilarni bolsa térrorchi dep eyiblishi éhtimalgha yéqin körülmekte. Yene ahalilerning bayan qilishiche, weqede étiwétilgen abdulbasitning ailisige ölüm petisi qilish cheklengen, ularning qorusi nezerbend astida turmaqta.

Ahale: etigende petige kiridighan aditimiz bolidighan, buningghimu ruxset qilinmidi, pétimu qilalmaywatimiz.
Muxbir: undaqta, hazidarning qorusi qorshawda oxshimamdu?
Ahale: shundaq hazir hemmimiz qorshawda.

Yuqirida qizil chiraghdin ötüp ketken 17 yashliq abdulbasitning térrorluq bilen eyiblengenliki heqqide melumat berduq.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: