Qarajüldiki Jeng -Musteqilliq Üchün Küresh Namliq Kitab Qayta Neshir Qilindi

QQ截图20140424194410

 

Hörmetlik oqurmenler, 40-yillardiki milliy inqilabning dawami süpitide tillarda dastan bolup ketken 50-, we 60-yillardiki musteqil sherqiy türkistan jumhuriyitimiz üchün élip bérilghan küreshler eks ettürülgen „Qarajüldiki Jeng“ namliq kitapning ikkinchi neshiri oqurmenler bilen yüz körüshti. Sherqiy Türkistan Xeliq Inqilawiy Partiyisining Tengri téghining jenubidiki paaliyetliri Xitay tajawuzchilirining chékidin ashqan aq térrorluqi sewebidin hazirghiche tarixchilirimiz teripidin toluq xatirilinish pursitige érishelmey kelgenidi.

Bu kitab shu yillardiki milliy inqilabning aktip ishtirakchisi, 10 yillap xitay zindanlirida iztirap chekken milliy inqilabchilirimiz, péshqedem ustaz Abduréshit Haji Kérimi ependi teripidin qelemge ilin’ghanidi. „Qarajüldiki Jeng“ namliq bu kitap 2006-yili noyabirda Türkiyediki Teklimakan Uyghur Neshriyati teripidin birinchi qétim neshr qilinip, weten ichi we sirtida xelqimizning qizghinliq bilen oqushigha sazawer bolghanidi.

 

QQ截图20140424194243

Kitab Türkiye-Istanbulda neshr qilinip kitabning mezkur yéngi nusxisi neshrge hazirlan’ghiche bolghan ariliqta, kitabni neshr qilghan orun we kitabning aptori keng oqurmenlerdin bir tereptin kitab heqqide nurghun ijabiy inkaslarni tapshurup alghan bolsa yene bir tereptin kitabni toluqlap yézish we ayrim tüzitishler élip bérish heqqide az bolmighan pikir-teleplerni tapshuruwalghanidi.

Kitabning aptorii Abduréshit Haji Kérimi ependi otturigha chüshken her türlük pikir-tekliplerni nezerde turup, ushbu kitabni toluqlap yézip chiqti we Küresh Atahanning bash tehrirligide Uyghur Qelemkeshler Merkizi teripidin ikkinchi qétim neshr qilindi.

Bu kitab Sherqiy Türkistan Xelq Inqilabi Partiyisi heqqide omumiy bayan; Atalmish medeniyet zor inqilabiy Sherqiy Türkistanda; Qelem bilen hujum qilip, elem bilen qoghdinish; Sherqiy Türkistanda omumiy yüzlük qoralliq qozghilanggha hazirlinish; Sherqiy Türkistanda qoralliq qozghilangning bashlinishi; Tajawuzchi xitay zindanlirida; Sepdashlirimni hesret bilen esleymen qatarliq yette babtin terkip tapqan bolup, birinchi neshrige qarighanda tepsilatlar téximu keng bayan qilinghan. Uningdin bashqa aptor Abduréshit Haji Kérimi ependining jan-jiger sepdishi, dosti Yünüs Hajim Qeshqiriyning shu yillardiki inqilab heqqide yazghan Sherqiy Türkistanda 60-yillardiki qoralliq qozghilangning teshkillinishi we meghlup bolushi heqqidiki tarixiy eslimisi; dangliq yazghuchi Ümid Yiltizining kitabning qayta neshrige yazghan kirish sözi, qatarliqlarmu bar.

Kitapning birinchi neshri tarqitilghanda, ehwaldin bixewer birqisim kishiler Sherqiy Türkistan tarixida bundaq bir inqilap, bolghanmu yaki bu toqulmimu, dégendek shühbilerni qilip, kitab heqqide tetür teshwiqat élip bardi. U xata qarashqa rediye bérish üchün kitabqa aptor teripidin yene tajawuzchi xitay menbeliridiki, shu qétimqi inqilab heqqidiki muhim höjjetlik matériyal hésablinidighan”Xinjangda milliy bölgünchilikke qarshi turush küresh tarixi” dégen maqale qisturup ötülgen bolup, eserning eserning matériyal menbesi mol, hüjetlik xaraktéri küchlük bolushtek alahiydililikliri bar. Bu kitabta ikkinchi jumhuriyitimiz dewride qurulup, wetenning azadliqi üchün ghayet zor töhpilerni qoshqan, “Sherqiy Türkistan Xelq Inqilabiy Partiyisi”ning ish-izliri bayan qilinghan.     Kitabda “Sherqiy Türkistan Xelq Inqilabiy Partiyisi”ning Uyghurlarning munewwer oghli, milliy qehriman Memtimin Iminof lédirlikide Tengritéghining jenubida élip barghan xitay tajawuzchilirigha qarshi untulup kétish girdabigha bérip qalghan bir qatar küreshler xéli etrapliq yorutup bérilgen.

QQ截图20140424194120

“Qarajüldiki Jeng” namliq bu kitab 50- we 60- yillarda pütün Sherqiy Türkistan miqyasida yüz bergen büyük inqilab heqqide weten sirtida yézilghan tunji eser bolush süpiti bilen, shu yillardiki weqelerni qaytidin janlandurup, bir pütün tariximizni yorutup oqurmenler we tarixchilar üchün birinchi qol matériyal bolup qaldi.

“Qarajüldiki Jeng” namliq bu kitab meshhur qomandan Axunop, milliy qehriman Mijit Saqi, Arslan yürek Muhemmed Imin Qadir qatarliq milliy inqilabchilirimiz we ularning sepdashliri bésip ötken shanliq kechürmish we shu dewrdiki ajayip weqeler arqiliq, xelqimizning bolupmu yash ewladlirimizning wetenperwerlik we milletperwerlik idiyisini küchlendürüpla qalmay, milliy iptixarliq tuyghumizni küchlendürüsh we jasaret bilen musteqilliq herikitimizge qedem teshrip qilishimiz üchün türtkilik rol oyniyalaydu.

“Qarajüldiki Jeng” namliq bu kitab arqiliq shuni köreleymizki, ikkinchi jumhuriyitimiz xitay tajawuzchiliri teripidin 60 yil ilgiri munqerz qilin’ghan bolsimu, millitimizning hör yashash iradisini sunduralmidi. Sherqiy Türkistanda 30-, 40-, 50- we 60- yillardiki inqilab mesh’ilini kötürgenler we ularning nöwettiki iz basarliri xitaylargha teslim bolmighanliqini, teslim bolmaydighanliqini dunyagha jakarlawatidu. Bu kitab kündin- kün’ge küchiyip bériwatqan milliy herikitimizni weten ichi we sirtida qandaq qilip qanat yaydurush, qandaq shekilde teshkilatlinish, teshkilatlarni qandaq qilip bir izda toxtap qalmaydighan sewiyige kötürüsh, kimler bilen ittipaqliship, kimlerge qarshi küresh qilish we ejdadlirimizdin qalghan inqilab mesh’ilini kélechek ewladlargha qandaq yetküzüsh qatarliq jehetlerde dawa qoshinimizdikilerge ijabiy derslik bolup qalghusi.

 

Kitabni sétiwalghuchilar Teklimakan Uyghur Neshriyati bilen yaki Shwitsiyede yashawatqan kitab aptori Abdureshid Haji Kerimi Aka bilen alaqilashsa bolidu.

Sherqiy Türkistan Kültür Merkizi

 

2014-yil 24-Apéril gérmaniye

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: