Shi jinpingning Uyghur Rayonini Ziyaret Qilghan Tunji Küni Qaghiliqta Xitaygha Qarshi Chong Bir Qanliq Weqe Yüz Bergen

Muxbirimiz Shöhret Hoshur
2014-05-14

urumchi-xitay-saqchi-charlash.jpg

Yeken qatarliq rayonlardiki xitay hökümitining bésimigha qarshi weqelerdin kéyin ürümchining amanliq ishliri téximu kücheytilgen. 2013-Yili 29-Iyun, ürümchi.

AFP

Melum bolushiche xitay dölet reisi shi jinping uyghur rayonini ziyaret qilghan mezgilde uyghur rayonining birqanche jayida xitay hakimiyitige qarshi qoralliq qarshiliq heriketliri yüz bergen؛ xitay metbuatliri bulardin peqet ürümchi wogzalidiki adem bomba hujuminila yoshurup bolalmighan ehwalda xewer qilghan. Tünügün anglighuchilirimizdin biri radiomizgha inkas yollap, 4-Ayning 27-Küni yeni shi jinpingning uyghur rayonini ziyaritining tunji küni qaghiliqning janggilieski yézisida 3 neper xitay emeldarning öltürülgenlikini pash qildi. Muxbirimizning bu yip uchigha asasen uchur igileshliri dawamida, weqening mezkur yézining kokkolyar dégen köl boyida yüz bergenliki, weqede poskam nahiyisidin béliq tutqili kelgen 4 neper xitay emeldardin 3 nepirining pichaq tiqip öltürülüp, jesitining kölge tashliwétilgenliki aydinglashti.

Töwende muxbirimizning weqe heqqide qaghiliq nahiyilik siyasiy-Qanun komitétining mudiri we jagilieski saqchixanisining xadimliridin igiligen melumatlirini diqqitinglargha sunimiz.

1
Muxbir: bu janggilieski yéziliq saqchixanimu, qaghiliqning?
Xadim: he shundaq.
Muxbir: weziyet qandaq hazir silerning yézida?
Xadim: weziyetni idaridikilerdin sorang, men yardemchi saqchi, ehwalni toluq bilmeymen.
Muxbir: silerning sojang(saqchixana bashliqi) kim?
Xadim: küresh hesen.
2
Muxbir: bu küresh hesenmu, saqchixana bashliqi?
Xadim: shu, shundaq.
Muxbir: bu qétimqi weqede öltürülgen uch kishining isimlirini dep bérelemsiz?
Xadim: yaq, dep bérelmeymen. Matériyal ishxanida qalghan, ishxanidikiler dep béreleydu. Ishxanida enwer jyawdawyüen bilen erkin jéngwéy(siyasiy qanun mudiri) bar.
Muxbir: délogha siz arilashmighanmu?
Xadim: arilashqan. Men peqet hayat qalghan yawgang bilen sözleshken. Ölgüchilerning resimliri téxi chiqmidi, emma isimliri ishxanidiki matiryalda bar.
3
Muxbir: bu küresh jéngwéymu?
Xadim: shundaq men.
Muxbir: weziyet qandaqraq? néme ishlarni qiliwatisiler hazir?
Xadim: shu 27-Aprél délosini tekshürüwatimiz.
Muxbir: qachandin bashlap tekshüriwatisiler?
Xadim: 27‏-Chisladin bashlap, 15 kün bolup qaldi.
Muxbir: tekshürüshtin hazirghiche érishilgen netije néme?
Xadim: gumandarlar téxiche tutulmidi. Bashtiki gumanimiz 9-Kentte idi, birer qur tekshürüp netije alalmiduq, emdi tekshürüshni 7‏-We 8‏-Kentke kéngeytmekchimiz.
Muxbir: weqede ölgenler qanche kishi?
Xadim: üch kishi.
Muxbir: xenzumu?
Xadim: shundaq xenzu. Eslide bular 4 kishi, poskam nahiyilik banka, köchme xewerlishish we birleshme xewerlishish idarisining xadimliri. Aditi boyiche béliq tutquni kelgen.
Muxbir: délo qandaq bayqaldi?
Xadim: aman qalghan biri saqchixanigha kélip ehwal melum qildi, weqe chüshtin kéyin saet ikkide yüz bergen, bizge melum qilghuche 1 saet waqit ötken, biz küch teshkillep etrapni qorshap tekshürüsh élip barghan waqtimiz saet beshlerde bashlandi.
Muxbir: melum qilghuchining bayan qilishiche weqe qandaq yüz bergen?
Xadim: töti kölboyida 4-5 Métiridin ariliq qaldurup olturghan, biri sel yiraqraqta. Yiraqtikisi bir chetke ötüp kichik teret qilip kelse qalghan üchi yoq, shuning bilen saqchigha ehwalni melum qilghan. Biz bérip tekshürüp qatilliq qoralini tapalmiduq. Chünki kölning ich-Téshi qomushluq, jinayet izliri éniq emes.
Muxbir: jeset tépildimu?
Xadim: tépildi, pichaq tiqip öltürülgendin kéyin kölge tashliwétilgen iken.
Muxbir: jesette qandaq izlarni bayqidinglar?
Xadim: ikkisining boynigha pichaq sürülgen, üchinchisining 31 yéride pichaq izi bar. Qarighanda ikkisi boghuzlanghandin kéyinla sugha ittiriwétilgen, üchinchisi gumandarlar bilen tirkeshkendek alamet bar.
Muxbir: gumandarlarni qanche dep texmin qiliwatisiler?
Xadim 3:bilen 5 neper arisida 30 yashning töwinide dep texmin qiliwatimiz.
Muxbir: gumandarlar heqqide yip uchi barmu?
Xadim: yoq, dawamliq éniqlawatimiz, aptonom rayon we wilayetlik saqchi orunlirining bashliqlirimu 15 kündin béri biz bilen bille mushu yerde.
Muxbir: weqe yüz bergen orunning atilishi néme?
Xadim: janggilieski yézisining lengger kent (9‏-Dadüy) 3‏-Mehellisi, rehmet akining jangzisimu déyilidu.
Muxbir: shu kölning ismi néme?
Xadim: kökkölyar.

Biz yuqiriqi uchurlarni igiligendin kéyin radiyomizning xitayche bésimimu mezkur yézidin bu weqege alaqidar éniqlash élip barghan we ular bu jeryanda mezkur yézida oxshash künde yuqarqidin bashqa yene 4 neper xitayning öltürülgenliki, öltürülgenlerdin birining 13 yashliq oqughuchi ikenliki heqqide melumatqa érishken؛ emma u melumatlar resmiy dairiler yaki saqchilar teripidin delillenmigen.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: