Ürümchi Dairiliri Partlash Weqesi Yüz Bergen Kochidiki Bazar We Dukanlarnimu Taqidi

 

Muxbirimiz Gülchéhre
2014-05-22
 

urumchi-partlash-bazar-qarshiliq-2.jpg

Xelq baghchisi yénidiki awat bazarda bomba bilen hujum qilish weqesi yüz bergen. 2014-Yili 22-May, ürümchi.

EYEPRESS NEWS

 

22-May seher saet 6 ge yéqin ürümchi shehiri saybagh rayoni baghche shimaliy kochisidiki etigenlik bazarda yüz bergen partlash weqesining xaraktérini xitay bügün «bir qétimliq xaraktéri intayin qebih bolghan éghir zorawanliq, térrorluq weqesi» dep élan qildi.

Weqe yüz bergen orunning yéqin etrapigha xelq baghchisi, ürümchi hökümet memuriy binasi, saybagh rayonluq hökümet, ürümchi medeniyet sariyi, bingtuen kündilik géziti, aptonom rayonluq basma zawuti, ormanchiliq nazariti, suchiliq nazaretliri we 5-Ottura mektep qatarliqlar jaylashqan bolup, bu jay ürümchidiki idare-Organlarning aililikler bina we rayonliri intayin zich orunning biri.

Weqe yüz bergendin kéyin, ürümchi dairiliri derhal zor, tuyuqsiz yüz bergen weqelerni jiddiy bir terep qilish méxanizmini heriketke keltürüp muqimliqni saqlap, térrorluqqa qarshi turushni yuqiri ölchemde qattiq kontrol qilish, weqe heqqide jamaet pikrining yéyilishining aldini élish üchün jiddiy tedbir alghan bolup, weqede yarilanghanlar toshulghan doxturxana, délogha mesul saqchixana we weqe yüz bergen orunning melum dairiside téléfon ulinishnimu qattiq kontrol qilghan. Bir qanche saetlik tirishchanliqlardin kéyin axiri weqe yüz bergen baghche shimaliy kochisidiki bir qisim dukan we etrapta olturushluq ahaliler bilen alaqe baghliduq.

Aldi bilen baghche shimaliy kochisigha eng yéqindiki saqchixana bolghan yangzijang yoli saqchixanisigha téléfon uliduq, jawab bergen xitay saqchi, gerche weqeni tekshürüshke mesul bolsimu, weqe heqqide bizni uchur bilen teminlesh hoquqi yoqluqini éytip, bizning dairiler tarqatqan axbaratqa asaslinishimizni we bashqa soallar bolsa, saqchi bash idarisi teshwiqat bölümi bilen alaqilishishimiz kéreklikini bildürdi.

Bu saqchi yene ürümchi we weqe yüz bergen bazarning weziyiti heqqide sorighan soalimizgha jawaben hemme ishlar jayida normal, dukanlarmu normal échiliwatidu dédi.

Emma del partlash yüz bergen kochigha jaylashqan bir qazaq ashxanisining xojayini dukanlarning saqchining buyruqi bilen bügün soda qilmay taqalghanliqini éytti.

Baghche shimaliy kochisidiki tyengung méhmansariyining xojayini, méhmansarayning partlash yüz bergen jaygha intayin yéqinqliqini, partlash bolghandin kéyin hemme yerning taqalghanliqini, emma özining sarayni dawamliq échiwatqanliqini bildürdi we emdi bu jayda etigenlik bazargha yol qoymaydu dep qaraydighanliqini éytti. Bu xitay yene, bu xil weqeler köp yüz bergechke özining anche qorqup ketmeydighanliqini bildürüp «biz könüp qalduq» dédi.

Yaridarlar élip bérilghan aptonom rayonluq jungyi doxturxanisining jiddiy qutquzush bölümidin bir xitay séstra weqe heqqide héchqandaq jawab bérelmeydighanliqini éytip ziyaritimizni ret qildi.

Weqe yüz bergen kochigha yéqin jaydiki ürümchi sheherlik 5-Ottura mektep aililikler qorusidin birimu oxshashla sezgürlük ipadilidi.

Bu kochida kichik shexsi ambulatoriye achqan bir doxturmu dukinini taqighanliqini, adette etigenlik bazargha bérip tursimu weqe yüz bergende özining meydanda yoqluqini éytti we kochida herbiy halet yürgüzülüwatqan bolghachqa qutquzush ishlirighimu qatnashturmighanliqini éytti, uning déyishiche, bu jaydiki etigenlik bazarning kölimi bir qeder chong bolup daim adem jiq kélidighan baza iken we dukanlarmu köp bolup weqening tesirimu éghir bolghan.

Ötken hepte ürümchi dairiliri saybagh rayoni we tengritagh rayonidiki 8 chong etigenlik we kechlik bazarlarni taqighanliqini élan qilghan idi, gerche dairiler buninggha bazardin peyda bolghan shawqun we taziliq mesilisini bahane qilip körsetken bolsimu, közetküchilerde dairilerning ürümchi jenub wogzal weqesidin kéyin bu xil adem éqimi köp bazarlarni taqishida bixeterlikni közde tutqan bolushi mumkin dégen gumanlarni peyda qilghan idi, aridin uzun ötmey xitay puqraliri köp toplinidighan baghche shimaliy kochisidiki etigenlik bazarda peyshenbe küni yene bir zor partlash weqesining yüz bérishi bu xil gumanlarning asassiz emeslikini ipadilimekte.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: