Xitayning Sherqiy Türkistandiki Qilmishi 21-Esirdiki Eng Chong Shermendichilik

Bayraq

Xitayning Sherqiy Türkistandiki qilmishi 21-Esirdiki eng chong shermendichilik!  Xitaylar wetinimiz Sherqiy Türkistanni bésiwalghan yérim esirdin béri, millitimizge qilmighan eskiliki qalmidi.Igilik hoquqimizni depsende qilip millitmizni öz wetinide yüz xatirisi yoq, herqandaq ishta gépi ötmeydighan, itibarsiz bir xeliqqe aylandurdi. Xitaylar ana wetinimiz Sherqiy Türkistanni üzil-késil özining téritoriysige aylanduruwélish üchün, bu zéminning qanunluq warisi Uyghurlargha qarshi dewlet térorini ishqa sélip, sistimliq halda kultural we étnik qirghinchiliqni yolgha qoymaqta.

Xitaylar Uyghur Aptonum Rayoni, dep qurup qoyghan atalmish saxta dewlet aparati, Uyghurlarning siysiy, iqtisadiy, kultural we sotsiyal heq-hoquqlirini qoghdaydighan emes, eksinche barliq milliy qediriyetlirimizni qedemmu-qedem weyran qilidighan mashinigha aylinip qaldi.

Xitaylar Uyghur ismi bérilgen, emma Uyghurlarni yoqutushni eng aliy wezipe qilghan bu atalmish Aptonum rayondin paydilinip, wetinimizge qanunsiz aqqunlarni yerleshtürüp, yer asti we yer üsti bayliqlirimizni talan-taraj qiliwatidu. Xitaylar yene xelqimizni sistimliq halda bilimsiz we ishsiz qoyup namratliq patqiqigha ittiriwatidu. Xitaylar yene milliy til-yéziqimizni xitaychilashturushni tizlitip, Uyghurlarni assimilatsiye qilip tügütiwétish programmisini yolgha qoyiwatidu. Xitaylar yene diniy étiqat we axbarat erkinlikimizni boghup, zamaniwiy Elim-pen we diniy telim-terbiyesi üchün kam bolsa bolmaydighan milliy maaripimizni weyran qiliwatidu. Xitaylar yene pilanliq tughut apiti arqiliq étnik köpiyishimizge chek qoyup, neslimizni tüptin qurutiwetishtin ibaret dewlet projektini sistimliq yolgha qoyiwatidu.

Xitaylar yene ummu yetmigendek xeliqning qesten chishigha tégip qarshiliq körsütüshke mejburlap, qolida tömürning suniqi yaki xelqarada küchlük himaye qilghuchisi bolmighan mezlum xelqimizni, xelqara térorizimgha qarshi herkitini bahane qilip, kolliktip türmige tashlap, xalighanche öltüriwatidu.

Xitay tajawuzchillirining Aqsu wélayitining Shayar nahiyisida 27-iyul küni, Qeshqer wilayitining Yeken nahiysining élishqu yézisida 28 – Iyul küni, Hoten wilayitining Qaraqash nahiyeside 29-iyul küni, Qeshqer Sheheride 30-Iyul künliri elip barghan qetliamlirida qanche minglighn qérindashlirimiz öltürülüp, qanche on minglighan qérindahlirimiz türmige tashlandi.

Bolupmu Qeshqer wilayiti Yeken nahiysining Élishqu yézisida 28 – Iyul küni yüz bergen qanliq qetliam insanliqqa qarshi ishlengen qebéiy jinayet bolup, xelqara jemiyetning shiddetlik tenqitlishige sewep boldi. Shu küni Xitayning her türlük zorawanliqigha berdashliq bérelmigen Sherqiy Türkistanliqlarning xitay hakimiyitige qarshi isyan kötürgenliki we xitay eskiriy qisimliri we saqchilirining isyanni bir terep qilish dawamida minglighan kishini kolliktip öltürgenlikini anglap intayin ghezeplenduq we qayghurduq!

Igellishimiziche, Yarkent nahiye Élishqu yézisning 14 – , 15 – We 16 – Kentliride 3 mingdin artuq kishi kolliktip oqqa tutulup qiriwétilgen.Weqe basturiwétilgendin kéyin xitay quralliq qisimliri jiddiy herketke ötüp, axturush, tutush, öltürüsh ishini keng kölemlik élip barghan bolup, weqe yüz bergendin  béri xitay eskerliri we saqchilliri tanka, broniwek, éghir tiptiki qurallarni ishlitip, xalighanche adem öltüriwatqanliqi melum bolmaqta.Xitaylar bir tereptin adem öltürüp, bir tereptin ularning ichkiy organlirini bulap-talap, jesetlerni köydürüp iz yoqutup yene jawapkarliqni millitimizge artip qoyiwatidu.

Igellishimizche Xitaylar 30 – Iyul künliri peqet Élishqu yézisining 3 – Kentidila kochigha chiqqan weqe bilen alaqisi yoq kishilerni qara – qoyuq oqqa tutup 200 din artuq kishini öltüriwetken. Bu peqet xitaylarning we bir qisim Uyghurlarning  dunyagha anglatqini bolup, yene qandaq échinishliq tiragédiyeler yüz bergenlikini hazirche bilmeymiz.

Xitaylar Sherqiy Türkistanda boliwatqan hadisilerni, dewlet mexpiyetliki sheklide pilanlawatidu.Ularning qilmishi Uyghurlarni kolliktip qetliam qilip, xitay köchmenlirige yer hazirlash, wetinimizni xalighanche bulang-talang qilish üchün zémin hazirlash bolup hergiz kechürmeymiz!

Biz sherqiy Türkistan Sürgündiki Hökümiti bolush süpitimiz bilen aldi bilen Xitay dewlet térorining qurbani bolup ketken milliy qehrimanlirimizgha aliy ihtiram bildürimiz! Biz yene Xitay dewlet térorining ziyinigha uchrighan qurbanlar ahale-tawabatliridin semimiy hal soraymiz! Biz yene Sherqiy Türkistan xelqini japa mushaqqet aldida bash egmey, birlik we ittipaqliq ichide tajawuzchilargha ortaq qarshi turup, xeter astida turiwatqan milliy kimlikimizni qoghdap, azatliq kürishimizning axirqi ghelbisini qolgha keltürüsh üchün pidakarliq körsütüshke chaqriymiz!Sherqiy Türkistan xelqining Xitay tajawuzigha qarshi élip barghan küreshliri heqqaniy herket bolup, choqum uzaqqa qalmay méwe béridu, tökülgen qanlar yerde qalmaydu!

Biz yene Xitaylarning bu qebiy jinayetlirini shiddet bilen eyipleymiz we Xitaylargha bolghan cheksiz ghezep-nepritimizni bildürimiz!Biz yene Xitay hökümitini birdem bolsimu baldurraq eqlini tépip, dewlet térorini toxtutup, Sherqiy Türkistandin esker chékindürüshke, Sherqiy Türkistanni idare qilish hoquqini tinch shekilde Uyghurlargha ötküzüp bérishke, Xitay xelqi bilen Uyghur xelqi arisidiki étnik ziddiyetlerni shu shekilde hel qilip, rayon we dunyaning tinchliqi we bixeterliki  üchün bir kishlik hesse qoshushqa chaqriymiz! Biz yene Xelqara teshkilatlar we démokrattik dewletlerni mezlum Sherqiy Türkistan  xelqige éghizdila hésidashliq qilip qoymay, belki emeliy yardem qilishqa, shu arqiliq tehdit astida turiwatqan Xelqimizning milliy mewjutliqini qoghdap qélishqa chaqriymiz!

 

Sherqiy Türkistan Sürgündiki Hökümiti Medeniyet Ménistirliki

 

03.08.14

 

 

 

 

 

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: