Xitayning Ilham Tohti Ependini Sot Qilish Xatirisi

Xitay kontrolliqidiki menbedin élindi, oqurmenlerning shakilini chiqiriwétip méghizini qobul qilishini tewsiye qilimiz!

-Uyghuristan Info tehrir heyyiti

Shinxua agéntliqi , ürümchi , 24 – séntebir télégrammisi: ürümchi sheherlik ottura xelq sot mehkimisi Ilham Tohtining döletni parchilash jinayi délosigha 17–séntebirdin 18–séntebirgiche ochuq sot échip qarap chiqti . Jawabkar ilham toxti sotlandi , jawabkarning uruq–tughqanliri , xelq qurultiyi wekilliri , siyasiy kéngesh ezaliri , muxbirlar we her sahediki amma bolup 70 nechche kishi sot échip soraq qilishni sirttin anglidi .

Unbenannt-justice
Sot échip soraq qilish jeryani

Ürümchi sheherlik ottura xelq sot mehkimisining 12–nomurluq sotxanisida birmu bosh orun qalmighanidi . 17–séntebir chüshtin burun sa’et 10 din 30 minut ötkende , bash sotchi qanun bolqisini üstelge urup sotning bashlan’ghanliqini jakarlidi , qanun saqchiliri qizil , sériq renglik chaqmaq könglek kiygen ilham toxtini sotxanigha élip kirdi .
Bash sotchi jawabkar ilham toxtining iltimasigha asasen , sot échip soraq qilishni xenzu tilida élip baridighanliqini chüshendürdi .Bash sotchi jawabkargha sot échip soraq qilish dawamida behrimen bolidighan dewa hoquqini uqturghandin kéyin, sotning tekshürüshi bashlandi 
Sot échip soraq qilish dawamida , jawabkar ilham toxti eyibnamide eyiblen’gen jinayet pakitlirini döletni parchilashni meqset qilmighan , jinayet shaykisi teshkillimidim we uninggha rehberlik qilmidim , ders mezmuni we élan qilghan maqalilirim ilmiy nuqti’iynezerni asas qilghan , dep özini aqlidi we yuqiriqi jinayet pakitlirini inkar qildi . Jawabkarning adwokati déloning ürümchi shehiridiki edliye organlirining bashqurushida bolghanliqigha qarita oxshimaydighan pikrini otturigha qoydi hem ilham toxtini jinayiti yoq dep aqlidi . Eyibligüchi organ qanun, pakitqa asasen , ürümchi shehiridiki edliye orginining bu déloni bashqurush hoquqigha ige ikenliki , tekshürüsh , eyiblesh , sot qilish pa’aliyitining qanunluqliqini ispatlidi hemde shu sotning özide guwahchining guwahliq sözi, dersxanidiki ders sözlesh körünme chastotisi , éléktironluq maddiy ispatni éniqlash doklati , soraq xatirisi , yazma ispat we jawabkarning iqrari qatarliq 32 guruppa , 210 parchidin köprek delil–ispatni körsitip , jawabkarning jinayet pakitini delillidi .
Eyibligüchi bilen aqlighuchi delil–ispatlarning kélish menbesining qanunluqliqi , mezmunining rastliqi , ispatlash küchining baghlinishchanliqi qatarliq muhim nuqtini chöridep ispatni yüzleshtürüp delillidi . Jawabkar we uning adwokati pikrini toluq bayan qildi .
Eyibligüchi axirqi bayanida mezkur déloning jinayet pakiti éniq , delil–ispati toluq , sot tertipi adil, qanunluq bolup , jawabkar ilham toxti döletni parchilash jinayitini shekillendürdi , kéngeshme sotning eyiblesh pikrini qobul qilishini tewsiye qilimiz, dédi.

Eyibligüchi : jawabkar ilham toxti oqutquchi bolush süpiti bilen ders ötüp adem terbiyeleshte özi ülge bolushi kérek idi , emma u dölet kadiri turup , döletning méhir–shepqitini untup , döletni parchilaydighan jinayi heriketni teshkilligen , pilanlighan we yolgha qoyghan . U özining jinayet pakitini eynen iqrar qilmay , jinayitini qet’iy boynigha almidi , pozitsiyesi nahayiti qebih , jezmen éghirlitip jaza bérish kérek , dep tekitlidi .
Bash sotchi 18–séntebir sa’et 19 din 40 minut ötkende qanun bolqisini üstelge urup , sotni toxtitip, hökümni muwapiq waqitta élan qilidighanliqini jakarlidi .

23–séntebir chüshtin burun sot mehkimisi 1–sot hökümini élan qilip , ilham toxtigha döletni parchilash jinayiti bilen muddetsiz qamaq jazasigha bérip , siyasiy hoquqidin ömürwayet mehrum qildi hem uning shexsiy mal–mülkining hemmisini musadire qildi.
Sotta tekshürüp éniqlan’ghan pakit
Döletni parchilash jinayet shaykisini shekillendürüp , döletni parchilaydighan bir qatar jinayi pa’aliyetlerni teshkilligen , pilanlighan , yolgha qoyghan
Sot qarap chiqish arqiliq , ilham toxtining ‹‹ uyghur liniyesi ›› tor ponkitini supa qilip , özining uniwérsitétning oqutquchisiliq salahiyitidin paydilinip , bir qisim az sanliq millet oqughuchilirini qaymuqturup, özige tartip hem mezkur tor békitige qatnishishqa mejburlap , ilham toxti bashchiliqidiki döletni parchilash jinayetchiler shaykisini shekillendürgenliki , mezkur jinayet shaykisining ilham toxtining bashchiliqida döletni parchilashni meqset qilip , döletni parchilaydighan bir qatar jinayi heriketlerni teshkillik , pilanliq sadir qilghanliqini tekshürüp éniqlidi.
Jinayet shaykisining ezasi p xx qatarliq guwahchilar jawabkar ilham toxtining ‹‹uyghur liniyesi›› tor ponkitidin paydilinip , bölgünchilik idiyesini teshwiq qilip , eza terbiyeligenliki , bir qisim ijtima’iy mesililerde milletler munasiwitige bölgünchilik salghanliqi , tor ponkiti arqiliq uyghurlarning dawamliq zulumgha uchrawatqanliqi toghrisidiki maqalilerni tarqitip , xelq’ara jem’iyetning diqqitini tartip , shinjangda ‹‹yüksek aptonomiye››ni ishqa ashurmaqchi bolghanliqini ispatlidi.
Jinayet shaykisining ezasi , guwahchi lxx ilham toxtining ‹‹uyghur liniyesi›› tor ponkitigha qatnash we uni bashqur, dep özige köp qétim tehdit salghanliqi we qistighanliqini ispatlidi.
Köpligen guwahchilarning guwahliq sözi ‹‹uyghur liniyesi›› tor ponkiti qurulghandin buyan, xadimlarni xizmetke qoyush, wezipe teqsimlesh qatarliqlarning ilham toxtining kontrolluqida bolghanliqi, muhim, sezgür maqalilerni uning shexsen özi özgertip, tekshürüp békitkenlikini hem ixtiyariy muxbirlarni özining telipi boyiche uchur yighip maqale yézish, maqale tarqitishqa küshkürtkenlikini ispatlidi.
Ilham toxti sotta: ‹‹uyghur liniyesi ›› tor ponkiti qurushtiki meqset her qaysi milletler arisidiki xata chüshenchilerni tügitip , alaqini ilgiri sürüshtin ibaret. ‹‹uyghur liniyesi›› tor ponkitida élan qilin’ghan maqalilerning héch qaysisida bölgünchilik teshebbus qilinmighan, dep özini aqlidi.
Eyibligüchi j x organlirining ‹‹uyghur liniyesi›› tor békitini tekshürüp döletni parchilash mezmunigha ige délogha chétishliq 100 parchidin artuq maqalini tépip chiqqanliqini otturigha qoydi.

Jinayet shaykisining ezasi , guwahchi axx ning guwahliq sözi : ‹‹ bir qisim xenzu tor ehlining az sanliq milletler , uyghurlarni haqaretligen gep – sözliri , bu toghrisida yézilghan obzorlarni ilham qesten saqlap qoyatti, ésimde qélishiche xenzu tor ehlilirining uyghurlarni tillaydighan obzorlirini öchürüwetsem etisi yene peyda bolup qalatti . Ilham tor ponkiti arqiliq bir qisim oqughuchilarni terbiyelep , ularni téximu radikallashturup , ularning hökümettin narazi bolush keypiyatini kücheytti ›› .
Jinayet shaykisining ezasi , guwahchi shxx ning guwahliq sözi : ‹‹biz hökümet tor ponkitlirining maqalilirini tehrirligende ‹ uyghur liniyesi › ning qarishini qoshattuq , mesilen : 2013 – yili 5 – ayda tengritagh torining ‹‹ürümchi bölgünchilikke qarshi turush doklat yighini achti ›› dégen xewirini ilhamning pikrini anglap ‹‹ ürümchi idiye özgertish doklat yighini achti ›› dep özgertip , ‹‹uyghur liniyesi ›› de élan qilduq .
Eyibligüchi jawabkar ilham toxti we uning jinayet shaykisining ezaliri 2009–yilidin buyan chégra sirtidiki munasiwetlik apparat we shexsler bilen til biriktürüp , öz’ara masliship , partiyemiz we hökümitimizge hujum qilip, döletni parchilash meqsitige yétish üchün shinjang mesilisini xelq’aralashturushqa urun’ghan, dep eyiblidi.
Eyibligüchi körsetken delil–ispatlarda körsitilishiche, ilham toxti nazaret qilinishtin qéchish üchün, lxx ni küshkürtüp ‹‹uyghur liniyesi›› tor ponkitining mulazimitérini chet elge yötkep, chet eldiki melum taratquning muxbiri m xx ni tor békitini asrashqa mes’ul qilghan ; Chet el taratqulirining ziyaritini qobul qilish qatarliq usullar arqiliq shinjanggha chétilidighan mesililerni teshwiq qilghan; Jinayet shaykisining ezalirini küshkürtüp, mexpiy shifirni yéshish yumshaq détalidin paydilinip chet el taratqulirining tor ponkitlirini ziyaret qilip, ‹‹saqal, chümbel, uyghurlar bilen xenzular arisidiki ziddiyet›› qatarliq bir nechche parche maqalini terjime qilip, köchürüp bésip ‹‹uyghur liniyesi›› tor ponkitida élan qilghan; Shuning bilen bille chet eldiki melum taratqu ‹‹uyghur liniyesi›› tor ponkitidin shinjang mesilisige chétilidighan bir nechche parche maqalini köchürüp basqan.
Uniwérsitétning oqutquchisiliq salahiyitidin paydilinip, ders ötkende milliy bölgünchilik idiyesini tarqatqan
Eyibligüchi jawabkar ilham toxti uzaqtin buyan merkiziy milletler uniwérsitétining oqutquchisiliq salahiyitidin paydilinip, ders ötkende shinjang musteqilliqini terghib qilghan, milliy bölgünchilik, zorawanliq, térrorluq idiyesini tarqitip, dölitimizning shinjanggha chétilidighan siyasitige yaman gherez bilen hujum qilip, hökümet bilen zorawanliq wasitisi arqiliq qarshilishishqa qutratquluq qilghan, dep eyiblidi.
Eyibligüchi körsetken mektep oqutush sin matériyallirida körsitilishiche, jawabkar ilham toxti dersxanida bölgünchilik idiyesini ashkara terghib qilghan, mesilen, ‹‹shinjang siler xenzularningmu? Yaq, uyghurlarning, ottura asiyadiki milletlerning››. ‹‹men junggoluq emes, chünki men uyghur, bizning iptixarimiz oghuzxan››.
Aqlighuchi jawabkar ilham toxti dersxanida sözligende, ders anglaydighan oqughuchilar az bolghachqa, tesir peyda qilalmighan, ziyinimu chong emes, dep aqlidi.
Eyibligüchi p xx qatarliq yette kishi jawabkarning dersini anglap, bölgünchilik idiyesining tesirige uchrap, jinayet shaykisigha qatniship, döletni parchilash heriketliri bilen shughullan’ghan, bu del jawabkar ders ötüp keltürüp chiqarghan aqiwet, dep eyiblidi.
Jawabkar Ilham Toht méning ilim erkinlikim we söz erkinliki hoququm bar, dep özini aqlidi.
Eyibligüchi mundaq körsetti: söz erkinliki elwette asasiy qanun xaraktérlik hoquq, lékin hoquq mutleq bolmaydu, uningdin qalaymiqan paydilinishqa bolmaydu. ‹‹asasiy qanun››ning 51 – maddisida: ‹‹jungxua xelq jumhuriyitining puqraliri erkinliki we hoquqini yürgüzgende, dölet, jem’iyet, kolléktipning menpe’iti we bashqa puqralarning qanunluq erkinliki we hoquqigha ziyan yetküzse bolmaydu››, dep éniq belgilen’gen. Hoquq qanunsiz jinayi qilmishning ‹‹yapquchi›› bolup qalghanda, asasiy qanun we qanunlardiki belgilimilerdin halqip ketkende, bu hoquqlardin qalaymiqan paydilan’ghanliq bolidu; Hoquqtin qalaymiqan paydilinip dölet, jem’iyet, kolléktipning menpe’itige ziyan yetküzgende, qanun uni qoghdimayla qalmastin, belki qanunning jazasigha we zerbisige uchraydu.
Yalghan jem’iyet tekshürüsh doklati we yalghan sanliq melumatlarni oydurup chiqirip, shinjangni musteqil qilishni we ‹‹yüksek aptonomiye››ni qollashtek saxta elrayini oydurup chiqarghan
Eyibligüchi: jawabkar Ilham Tohti yalghan jem’iyet tekshürüsh doklati oydurup chiqarghan hem ‹‹uyghur liniyesi›› tor ponkitida yalghan sanliq melumatlardin paydilinip tekshürüsh doklatini ashkara élan qilip, ders ötkende bu mezmundiki nersilerni tarqitip, shinjangni musteqil qilishni we ‹‹yüksek aptonomiye››ni qollashtek saxta elrayini oydurup chiqarghan, dep eyiblidi.
Eyibligüchi otturigha qoyghan delil – ispatlarda körsitilishiche, bu tekshürüsh doklati 2010 – yil 11 – ayning 12 – küni ‹‹uyghur liniyesi›› tor ponkitining ‹‹ilham toxti mexsus istoni››da élan qilin’ghan. Uning asasiy mezmuni: bir qanche yilliq höjjet, tekshürüsh doklatini teyyarlash we emeliy tekshürüsh arqiliq, ilham mu’ellim teshkilligen ‹‹uyghur liniyesi››de ‹‹shinjangdiki milletler munasiwiti tetqiqati›› téma guruppisi 2009 – yil 10 – aydin 12 – ayning 15 – künigiche we 2010 – yil 1 – aydin 3 – ayghiche, 2010 – yil 5 – aydin 9 – ayning 15 – künigiche, shinjang uyghur aptonom rayonidiki alte sheher, ikki nahiye we béyjing, shangxey, tyenjin sheherliride jem’iyet tekshürgen we ehwal igiligen. Bu doklattiki uyghur aptonomiyesi we musteqilliq xahishi toghrisidiki tekshürüsh netijiside mundaq körsitilgen: %12.3 uyghur musteqil dölet qurghandila uyghurlar we xenzular arisidiki mesilini hel qilghili bolidu, dep qarighan, halbuki, %81.3 uyghur ‹‹yüksek aptonomiye››ni yolgha qoyush arqiliq uyghurlar we xenzular arisidiki mesilini hel qilghili bolidu, dep qarighan.
Ün – sin matériyallirida körsitilishiche, jawabkar ilham toxti ders ötkende mundaq dégen: ‹‹qérindashlar musteqilliqni qollawatidu, bu nisbet töwen emes, %13 kishi musteqilliqni qollaydu, halbuki yene xéli köp nisbetni igiligen kishiler, ésimde qélishiche, %87 kishi aptonomiyeni, yüksek aptonomiyeni qollighan, lékin yüksek aptonomiyeni qollighan bu kishilerning mutleq köp qismi aptonomiye bolmighan ehwalda musteqilliqni qollaydu››.
J x organlirining tekshürüp igilishiche, jawabkar Ilham Tohti téma guruppisi teshkillimigen, yuqirida tilgha élin’ghan jaylargha bérip jem’iyet tekshürmeyla qalmastin, yene tordimu héchqandaq tekshürüsh doklati élan qilmighan.
Eyibligüchi otturigha qoyghan pakitta körsitilishiche, jawabkar ilham toxtining jinayet shaykisidiki bashqa yadroluq xadimlarning héchqaysisi jem’iyet tekshürüsh doklati tarqitish, yighish, istatistika qilish qatarliq xizmetlerge qatnashmighan, birerimu tekshürüsh doklatini körmigen.
Guwahchi p xxning guwahliq sözide: ‹‹bu tekshürüsh doklatini men <Uyghurlar Torda>de körgendin kéyin andin uqtum, lékin men ezeldin héchqandaq tekshürüsh doklati körüp baqmighan, anglapmu baqmighan››, déyilgen.
Guwahchi l xxning guwahliq sözide: ‹‹men ilgiri uning sergerdan balilar toghrisidiki tekshürüsh doklatini körgen, fuden uniwérsitétida oquydighan bir aspirantning oqush pütküzüsh dissértatsiyesighu deymen, bashqilar bu dissértatsiyeni uninggha bergen, u bu dissértatsiyeni özining jem’iyet tekshürüsh doklati dewalghan. Bu dissértatsiyening tekshürüsh doklatidiki sanliq melumatlarni u oydurup chiqarghan, u sirtqimu chiqmay, pütün kün öyde olturidu, jem’iyet tekshürüshke qet’iy waqit chiqiralmaydu. Jem’iyet tekshürüsh kespiy nerse, nurghun kishi qatnishishqa toghra kélidu››, déyilgen.
Ilham Tohti sotta özini aqlap: bu tekshürüsh maqalisini yazghini men emes, men peqet kespiy jehette teklip bergen, özümmu tekshürüsh élip barghan bolsammu, lékin sanliq melumatlarni élan qilmidim, dédi.
Jawabkar we uning adwokati sotta jawabkar ilham toxtining tekshürüsh élip barghanliqigha alaqidar delil – ispatni körsitelmidi.
Jawabkar ilham toxti sotta köp qétim: ‹‹méning aptonomiye qarishim nahayiti éniq››, ‹‹men aptonomiye terepdarimen››, ‹‹men shinjangning fidératsiye sheklide junggoda qélishini ümid qilimen›› dédi.
Qismen délolardin paydilinip ighwa tarqitip, ziddiyet peyda qilip, milliy öchmenlikke qutratqan
Eyibligüchi eyiblep mundaq dédi : 2009 – yilidin buyan, jawabkar ilham toxti we uning shaykiliri yaman gherezde ighwa tarqitip, heqiqiy ehwallarni burmilap, milliy öchmenlikke qutritip, uyghur ammisini hökümet bilen qarshilishishqa küshkürtüp, zorawanliq, térrorluq heriketlirige bahane oydurup chiqarghan.
Delil – ispatlargha qarighanda, 2013 – yili maralbéshi nahiyeside ‹‹ 23 – aprél›› zorawanliq, térrorluq délosi yüz bergendin kéyin, jawabkar ilham toxti merkez taratquliri déloning heqiqiy ehwalini élan qilghanliqini éniq bilip turup, bashqilarni ‹‹uyghur liniyesi›› tor ponkitida ‹‹shinjang maralbishi nahiyesidiki puqralar mundaq dédi: saqchilar bilen amma arisidiki ziddiyet qanliq weqe peyda qildi››, ‹‹oxshash weqe, oxshimaydighan netije›› dégen témilardiki maqalilerni yézishqa we maqale yézip, köchürüp tarqitishqa küshkürtken hemde ‹‹mehelle kadirliri bilen saqchilar bir uyghur ayalning chümbilini échiwetkechke, saqchilar bilen xelq ziddiyetliship qélip, axirida qanliq weqe peyda bolghan››, dégen.
Ün – sin matiriyallirigha qarighanda, jawabkar ilham toxti dersxanida ‹‹23 – aprél›› délosini wasite qilip, zorawanliqni ochuq – ashkara terghib qilip mundaq dégen: ‹‹ular zorawanliqqa zorawanliq bilen qarshi turghan, ulargha qayilmen, ular qehriman››. ‹‹mulayim bolghinim bilen menmu adem öltürüshüm, qarshiliq körsitishim mumkin››.
Yazma ispatlargha qarighanda, 2013 – yili 24 – aprél, merkiziy milletler uniwérsitétida bir xenzu oqughuchi bilen bir uyghur oqughuchi urushup qalghan. Ilham toxti ehwaldin xewer tapqandin kéyin, shaykilirini heqiqiy ehwalni burmilap, ‹‹merkiziy milletler uniwérsitétida xenzu oqughuchilar topliship uyghur oqughuchilarni urdi›› dégendek maqalilerni yézishqa küshkürtüp, uyghur oqughuchi me xx ni xenzu yataqdashliri topliship urup éghir yarilandurdi, ema bolup qélish éhtimalliqi bar, dégendek pakitlarni oydurup chiqarghan, shundaqla bu weqe maralbéshi nahiyeside yüz bergen ‹‹23 – aprél›› délosi bilen baghlinishliq, dep yaman gherezde milliy ziddiyet peyda qilghan.
Merkiziy milletler uniwérsitéti chiqirip bergen ‹‹merkiziy milletler uniwérsitétining weqening jeryani we bir terep qilish ehwali toghrisidiki chüshendürüsh›› we béyjing shehiri ‹‹wen shyusi›› saqchixanisining merkiziy milletler uniwérsitétida yüz bergen mushtlishish weqesini béjirish matériyalida delillinishiche: 2013 – yili 24 – aprél kechte, merkiziy milletler uniwérsitéti uyghur tili fakultétining oqughuchisi fu xx bilen me xx urushup qélip, me xx ning qangshiri ézilip ketken (yénik zexmilen’gen), fu xx yénik yarilan’ghan, yataqdashliri jang xx, pen xx, lyu xx ler jédelni ayrighan, emma urushmighan.
Pichanda ‹‹26 – iyun›› éghir zorawanliq, térrorluq délosi yüz bergendin kéyin, ‹‹uyghur liniyesi›› tor ponkiti: ‹‹échinishliq délogha öylerni mejburiy chéqip köchürgenlik seweb bolghan›› dep ashkara ighwa tarqatqan hem keyni – keynidin qutratquluq tüsini alghan bir nechche parche maqale élan qilghan.
Guwahchi lo xx ning guwahliq sözidin delillinishiche, 2013 – yili 28 – öktebir, béyjingda zorawanliq, térrorluq délosi yüz bergen, ilham toxti ündidardiki dostlar chembirikide maqale élan qilip: bu térrorluq délosi emes, dégen.
Jawabkar ilham toxti özini aqlap: hökümet delil–ispatni élan qilmidi , heqiqiy ehwalni men bilmeymen , dédi.
Eyibligüchi eyiblep : ‹‹23–aprél›› délosi qatarliq zorawanliq , térrorluq délosi yüz bergendin kéyin, taratqular déloning yüz bérish sewebi qatarliq ehwallarni waqtida xewer qilip, déloning xaraktérini aydinglashturup bergen bolup, jawabkarning heqiqiy ehwaldin xewirim yoq , dep özini aqlishi emeliyetke uyghun emes, dédi.
Zorawanliq qilishqa qutratqan , zorawanliq , térrorluqni perdazlap , zorawanliq , térrorluq jinayetlirini qollap, éghir aqiwet peyda qilghan.
Sot qarap chiqip jawabkar ilham toxtining zorawanliq wasitisi bilen hökümet bilen qarshilishishqa qutratquluq qilghanliqini éniqlap chiqti 
Eyibligüchi körsetken sin matériyallirida delillinishiche, jawabkar ilham toxti dersxanida köp qétim zorawanliqni terghib qilghan, mesilen: u: ‹‹zorluq küch bilen qarshilishishni zorawanliq herikiti dep qarisa bolmaydu. Uyghurlargha bu hökümet alwastidur, sen uning bilen küresh qilsang bolidu, qayturma zerbe bersengmu bolidu, her qandaq usulni qollansang bolidu, dong sunrüy, xuang jiguangche usulni qollansangmu bolidu, barliq usullar bilen küresh qilishqimu bolidu,›› dégen.
Aqlighuchi mundaq dédi: jawabkar térrorluqqa qarshi turidighanliqini ashkara bildürgen, oqughuchilar uning dersini anglighandin kéyin esebiy ishlarni qilmighan.
Eyibligüchi jawabkarning söz – heriketlirining éghir aqiwitini körsitip berdi. 2009 – yili ‹‹26 – iyun›› shawgüen weqesi yüz bergendin kéyin, jawabkar ilham toxti tordin paydilinip oyun oynighan. U ‹‹uyghur liniyesi›› tor ponkitidiki ‹‹ilham toxti mexsus istoni››da ‹‹26 – iyun weqesi we köp milletlerning inaq birge ötüsh riwayiti›› mawzuluq maqalilerni élan qilip, hökümetke hujum qilip, heqiqiy ehwalni burmilap, milliy öchmenlik qozghighan. ‹‹uyghur liniyesi›› tor ponkitida élan qilin’ghan qutratquluq xaraktéridiki maqaliler we ilham toxtining qutratquluq xaraktéridiki sözlirining tesiri bilen, muhemmedjan abdulla qatarliqlar qanunsiz yighilishni pilanlap we yighilip, ürümchidiki ‹‹5 – iyul›› urush, chéqish, bulash, köydürüshtek éghir zorawanliq jinayi herikitini qozghap, éghir, xeterlik aqiwet peyda qilghan.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: