Shahkichik Mujahit Qeshqiri Uyghurlargha Yene Sherep Keltürdi

3894869773110874076969567404269455788390594416157230o

Türkiye awazi radiyosi xewiri: sherqiy jenubiy anadolu (GAP) zhurnalistlar birliki teripidin ötküzülgen 12 -nöwetlik «(GAP) oskar mukapati» alahide murasim bilen tarqitip bérildi.
Adiyaman unéwérsitéti konférans zalida ötküzügen murasimda bir qanche on sahe boyiche mukapat tarqitildi. Uyghur perzenti 7 yashliq mujahit qeshqiri «(GAP) oskar mukapati»gha layiq körüldi.
«2015 – yilining eng ilghar waliysi» mukapatigha layiq körülgen adiyaman waliysi mehmut demirtash échilish nutiqida, 12 yildin buyan en’eniwiy shekilde, türkiye we türkiye etrapidiki shundaqla balqan rayoni we türk dunyasidiki her sahe ilghar shexslirige tarqitilip kéliwatqan «(GAP) oskar mukapati»ning türkiyediki eng nopuzluq xelq’araliq mukapatlar qatarida orun alghanliqini we axbarat sahesidiki démokratik qimmet qarashlarning tereqqiy qilishigha, bolupmu adiyamanning xelq’aragha tonulishigha zor töhpe qoshuwatqanliqini éytti.
Murasimda hakimiyet béshidiki adalet we tereqqiyat partiyesining parlamént guruppa bashliqi wekili ehmet aydin ependi «2015 – yilining eng ilghar siyasetchisi» mukapatigha érishti.
Türkiyede uyghur mesilisi tilgha élin’ghan haman sehnilerdiki söyümlük yangraq sadasi derhal eske élinidighan uyghur perzenti 7 yashliq mujahit qeshqiri, yéshining kéchilikige qarimay qisqighine waqit ichide onlighan téléwiziye qanilida, shundaqla xelq’araliq we döletlik qanche onlighan murasimlarda shé’ir oqup, uyghurlarning türkiyede, bolupmu türk dunyasida tonulishigha zor töhpilerni qoshüsh arqiliq simwollashqan bir isimgha aylan’ghanliqi yüzisidin «2015 – yilining eng ilghar pa’aliyetchisi» mukapatigha érishti.

1445397177oscar
Mujahit qeshqiri buningdin ilgirimu 2 chong xelq’araliq mukapatqa érishken idi. U 2014 – yili b d t medeniyet, ilim – pen we ma’arip teshkilati teripidin «isma’il gaspirali yili» bolup élan qilin’ghanliqi munasiwiti bilen türk dunyasi zhurnalistlar jem’iyiti uyushturghan «isma’il gaspirali xelq’araliq insan heqliri we zhurnalistlar mukapati» murasimida, « isma’il gaspirali türk dunyasi shé’ir mukapati»gha, andin 2015 – yili mart éyida ustanbulda «türk dunyasi xelq’araliq xizmet mukapati»gha érishken idi.
Mujahit qeshqirining dadisi mirkamil qeshqiri bu mukapatni zulum astidiki uyghurlar namidin alidighanliqini we chongqur rexmet éytidighanliqini bildürüsh bilen birge (GAP) zhurnalistlar birliki bashliqi zeynel abidin qiymaz ependige kök bayraq we mehmud qeshqirining resimini teqdim qildi.
Murasimda ezerbeyjan parlamént ezasi ganira pashayéwa xanim türkiye we ezerbeyjan otturisidiki munasiwetlerning tereqqiyatigha zor töhpilerni qoshqanliqi yüzisidin «2015 – yilining eng ilghar siyasetchisi» mukapatigha layiq körüldi.
U sözide, türk dunyasidiki ishghaliyet astida éziliwatqan qérindash xelqler üstide alahide toxtaldi we: «qirim mana hazir eng éghir siyasiy yétimlikni bashtin kechürmekte. Qarabagh téxiche ermen ishghaliyitidin qutulghini yoq. Sherqiy turkistan déyilgende, kichik mujahit qeshqirining shé’iriliridiki yarqin nale – pighanlar yürek -baghrimizni puchilimaqta. Qisqisi birlik we barawerlikimizni puxtilap, bu rayonlarda murini – murige tériginimizdila andin bu köz yashlirini toxtitalaymiz. Biz choqum bu rayonlardiki tesir küchimizni ashurup, zulum we naheqchiliqlargha qarshi küresh qilishimiz kérek. Rayonimizdiki oyunlarni bozup tashliyalishimiz üchünmu birlikte küchlinishimiz shert. Chünki bu oyunlargha qorban qiliniwatqan kishiler yene shu bizning qérindashlirimizdur. Biz ezerbeyjan xelqimu bu xil zulumlarning azabini yetküche tarttuq. Shunga bashqa qérindashlirimizning azab chekmesliki üchün küresh qilishimiz, birlik we barawerlikimizni téximu mustehkemlesh pikri etrapida birlikke kélishimiz lazim» dédi.

Kichik Mujayid-3
Marakeshning türkiyede turushluq bash elchisi lotfi ud ependi bilen albaniyening türkiyede türüshlüq bash elchisi genji mujazh «2015 – yilining eng ilghar déplomatiye xadimliri» mukapatigha layiq körüldi.
Murasimda süriye türkmenliri mejlisi bashliqi abdurrehman mustapa, iraq türkmen fironti bashliqi irshat salihi, shimaliy qibris türk jumhuriyiti xelq partiyesi bashliqi huseyn öz gürgün, roméniye bükresh wilayiti waliysi pa’ul nikolay pitrowran, kosowa borjaliy ijtima’iy birliki partiyesi bashliqi doktor zelimxan mehmedli qatarliq ilghar shexshlerningmu mukapatqa layiq körülgenliki élan qilindi.
Murasimda yene ataqliq naxshichi mine chayir’oghli «2015 – yilining eng ilghar sen’etchisi» mukapatigha, seljuq bayraqtar bolsa, 24 sa’et hawada uchalaydighan uchquchisiz ayropilan ishlepchiqarghanliqi üchün «2015 – yilining eng ilghar mebleghchisi» mukapatigha irishti.
Murasimda yene 3 téléwiziye qanili, oxshash bolmighan sahaler boyiche nam chiqarghan 10 gha yéqin zhornalist mukapatqa érishti. Eng ilghar idare – organ sahesi boyiche «yépek yoli istratégiyelik tetqiqat idarisi» bashliqi ataqliq zhornalést seyfullah türksoy mukapatqa layiq körüldi.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: