S.T.S.H. Medeniyet Ménistirlikining Jiddiy Agahlandurushi!

the-amblem-of-uyghuristan-republice1

Xelqara qanunlarda, dewlet we rayonlar ottursidiki sürkülüsh we urushlarda tüzülgen shertname, kélishim, toxtam we ehdinamilerning mudditi 100 yil ikenliki melum bolmaqta.
Biz Uyghurlarni we ata miras wetinimiz Uyghuristanni öz ichige alghan, tarixtin öz aldigha musteqil yashap kelgen, qedimiy etnik we kultural topluqlar heqqidiki qarar, kelishim, toxtam, ehdiname we shertnamelerningmu waqti ötüp kétey dep qaldi.
Hazir xelqara jemiyet bu meselilerge qaytidin qarap chiqiwatidu.Dunya bir qetim buzulup yene qurashturiliwatidu.Uyghurlardek uwal qilinghanlarning dawagiri tadan, adwukati eqilliq bolsa uzaqqa qalmay yiqilghan dewlitimiz bashqidin tiklinip qalatti.
Millitimizde aztula oyghunush bolup,biz üchün yéngi istiqbal külüp baqay dewatqanda, Xitay qatarliq düshmenlirimiz yene sheytandek herketlinip boldi. Düshmenler weten ichi we téshida eqil, maliye we istixbarat küchini ishqa sélip millitimizge bir qolda hesel yene bir qolida zeher tutup qistap kelmekte.
Dunya allaburun özgirep ketti.Biz bolsaq boliwatqan özgürüshlerdin bixewer yüriwatimiz.Ilgirki sistem hazir hergiz yoq.Bazar chaqqanning boliwatidu.Uzaqqa qalmay dunyada bezi dewletler parchilinidu, bezi dewletler yéngidin qurulidu.Chigirilar qan, medeniyet, til, tarix we diniy itiqat qatarliqlargha qarap bashqidin sizilidu.
Dunyawiy yéngi tertipni turghuzushta ishtirak qilghuchi bolamduq yaki höküm qilinghuchi bolamduq özimizni pikir, dunya qarash we pelesepe tereptin mukemmelleshtürishimizge baghliq bolup turiwatidu.
Uyghurlar awal öz-ara andin xoshnilliri bilen ittipaq öteleydighan, bashqa din we medeniyetlerni hürmetleydighan, yer shari bayliqlirini échish we paydilinishta xelqara nizamlargha boy sunidighan, herqandaq bir dewlet, din we medeniyetke tehdit peyda qilmaydighan bolsa andin, milliy meselisi xelqara kün-tertipke kiletti.
Düshmenler millitimizning pikir jehette oyghunup qélishidin qattiq ensirep, milliy terkiwimizdin, milliy musteqilliq herkitimizge qarshi turidighan bizni muqeddes kök bayraqimiz bilen, dinimiz islam bilen, sadda milliy hisiyatimiz bilen qaymuqturalaydighan bir qoshunni terbiyelep chiqiwatidu. Milliy inqilap sépige kiriwalghan bu eqilsiz azghine menpeetke sétilghan milliy munapiqlar bilip-bilmey asan periq etkili bolmaydighan qanallar arqiliq xitay we gumashtilliri(Menpeti xitaygha baghlanghan dewlet, xelqara teshkilat we yer shari xaraktirliq chong firmalar)gha xizmet qilip, axirqi hésapta milliy herkitimizni halak qilidighan, milliy istiqbalimizni nabut qilidighan derijige yétip keldi.
Ishning yaman teripi ular milliy heriket terkiwige jümlidin teshkilatlargha soqunup kirip,xelqimizge we dunyagha xuddi bizning (siyasiy, diniy we milliy) wekilimizdek tesir bermekte, we düshmenning yéqin, ottura we uzaq tiptiki istiratigiyisige pilanliq shekilde masliship heriket qilmaqta.
Eger bundaq kétiwerse qarangghu perde arqisida biz heqqide tüzülgen shertnamilerning mexpiy shifresi yéshilip, milliy istiqbalimizda biz kütken ijabiy hadisiler yüz bérish u yaqta tursun, halimiz bügünkidinmu betterliship kétidu.
Millitimiz jasaret we dadilliq bilen ichimizdiki düshmenni periq étishi, eng yoquri mumkinchilik bilen ularni siyasiy küreshlirimizning merkizidin uzaq tutup(Ular milliy dawada alla burun wetenperwer we milletperwer kishilerni tazilash herkitini bashliwetti) özige-özi ige chiqmaydiken uchimizdin tayaq, közimizdin qan-yash qurumaydu.
Uyghurlar we Uyghuristan qachan (1-dunya urushi dewridemu yaki ikkinchi dunya urushi mezgilidimu) kimler teripidin, qandaq shertler bilen Xitaygha qoshuwétilgenlikini éniqlap chiqishimiz kérek. Bu ishta Russiyening, Büyük Britaniyening, Türkiye we Xitayning oynighan oyunlirini iz qoghlap tekshürüshimiz kérek.Közimizni échip, etrapliq izdinip, milliy dawaning qatimalliship ketken kona métodini islaha qilip, teshkilatlinishimizni shekildin mezmunghiche zamaniwiylashturush kérek.
Düshmenning milliy dawayimizda kéyinki birqanche yilda otturgha chiqqan meghlubiyetlerni keltürüp chiqirishta biwaste emes wastiliq halda dawayimizgha singip kirgen milliy munapiqlar arqiliq emelge ashurghanliqini xelqimizge ochuq-ashkare agahlandurush, jiddiyetni telep qiliwatqan her zaman xatirletmekte payda bolghan meselidur!

Sherqiy Türkistan Sürgündiki Höhümiti Medeniyet Ménistirliki

15.April 2015 Germaniye

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: