Tayland, xitaygha qayturulghan uyghurlar heqqide bayanat berdi

Tarqitilish 09.07.2015 yéngilinish 09.07.2015 AA

9572729277taylanduygur

Tayland, xitaygha qayturulghan uyghurlar heqqide bayanat berdi

Tayland da’iriliri, bügün (peyshenbe) seherde xelq’ara jem’iyetning agahlandurushlirigha pisent qilmastin 100 din artuq uyghurni xitaygha tapshurup berdi.

Türkiye awazi radiyosi xewiri: tayland da’iriliri, bügün (peyshenbe) seherde xelq’ara jem’iyetning ‹béyjing da’irilirining qiyin – qistaqlirigha duch kélish éhtimali bolghan kishilerni mejburiy yusunda qayturmasliq› toghrisidiki chaqiriqlirigha pisent qilmastin 100 din artuq uyghurni xitaygha tapshurup berdi.
Birleshme xewer agéntliqining bu heqtiki xewirige asaslan’ghanda, tayland hökümet bayanatchisi polkownik wirachon suxondhapatipak muxbirlarning so’allirigha jawab bérip, tayland hökümiti ‹ularning bixeterlikige kapaletlik qilidighanliqi› toghrisida xitaydin wede aldi, dédi. U yene, 109 kishidin terkip tapqan uyghur guruppisi we türkümlep kélip, özlirini türkler, dep tonushturghan kishilerning bir yildin artuq waqittin buyan taylandta turuwatqanliqi, tayland da’irilirining ularni yötkeshtin ilgiri dölet tewelikini tekshürüp békitkenlikini qeyt qildi.
Bayanatchi sözini dawamlashturup, «ulardin 170 kishining türk ikenlikini békitip chiqtuq. Shuning üchün, yéqinda ular türkiyege yötkeldi. Ulardin 100 dek kishi xitay (puqrasi) bolghanliqi üchün, bügün (peyshenbe) etigen insaniy pirinsip boyiche bixeterliklirige kapaletlik qilinishi mezmun qilin’ghan kélishimning rohigha asasen xitaygha yollandi.» dédi.
Ötken hepte béyjing da’iriliri bayanat bérip, türkiyening 173 uyghurni taylandtin élip ketkenlikidin epsuslan’ghanliqini bildürgenidi.
Xitay tashqi ishlar ministirliqining bayanatchisi xua chünying, mezkur uyghurlarning chégradin qanunsiz chiqip ketkenlikini, béyjingning «qanunsiz hijret qilishni qollash, qiziqturush, yardem qilish qilmishliri» gha qarshi turidighanliqini bildürgen we «xelq’ara jem’iyetni qanunsiz köchmenlikke qarshi turush we uni men’iy qilish kürishide mes’uliyetni üstige alidu, dep ishinimiz» dégenlerni sözlirige ilawe qilghanidi.
Amérika tashqi ishlar ministirliqi we kishilik hoquqni küzitish teshkilati qatarliq bir qatar kishilik hoquq teshkilatliri tayland hökümitini uyghurlarni himaye qilishqa we ularni xitaygha qaytishqa mejburlimasliqqa chaqirghanidi.

http://www.trt.net.tr/uyghur/%

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: