Türkiye Hökümiti Tunji Qétim Sherqiy Türkistan Ammiwi Teshkilatlirining Pikrini Aldi

2015-07-08
numan-qurtulmush-erkin-alptekin-bilen-bille.jpg

Proféssor doktor numan qurtulmush ependi erkin alptékin ependi bilen bille

RFA/Erkin Tarim

Türkiye jamaetchilikining sherqiy türkistan mesilisige bolghan qiziqishi türk hökümitini heriketke ötküzdi.

7 – Ayning 7 – Küni kech saet 7 de türkiyening türkiy jumhuriyetler we türkiy milletlerge mesul dölet ministiri proféssor doktor numan qurtulmush ependi istanbuldiki emirgan baghchisining ichidiki béyaz köshk sariyida ötküzülgen iptar ziyapitidin burun türkiyede paaliyet élip bériwatqan sherqiy türkistan ammiwi teshkilatlirining mesulliri, türk ammiwi teshkilatlirining mesulliri we bezi uyghur ziyaliylar bilen bir yerge jem bolup, ularning uyghur mesilisi toghrisidiki pikrini aldi.

D u’q ning sabiq reisi erkin aliptékin ependi, «sherqiy türkistan maarip we hemkarliq jemiyiti» reisi hidayetullah oghuzxan ependi, qeyseride paaliyet élip bériwatqan «sherqiy türkistan medeniyet we hemkarliq jemiyit» muawin reisi abulxemit ilktürk ependi we «sherqiy türkistan fondi» bash katipi doktor ömer qul ependilermu qatnashqan yumilaq üstel yighinigha burundin tartip uyghurlarni qollap kéliwatqan türk teshkilatlirining mesullirimu qatnashti. Bash ministir muawini proféssor doktor numan qurtulmush riyasetchilik qilghan yumilaq üstel yighinigha türkiye bash ministirlikke qarashliq cheteldiki türkler we qérindash milletler idarisi bashliqi qudret bülnül ependi, bezi parlamént ezalirimu qatnashti we uyghurlar otturigha qoyghan teleplerni xatirilep mangdi.

Proféssor doktor numan qurtulmush ependi yighin üstide
Proféssor doktor numan qurtulmush ependi yighin üstide

Aldi bilen bu yighingha qatnishish üchün gérmaniyedin kelgen erkin aliptékin söz qilip, xitayning uyghurlargha élip bériwatqan bésim siyasiti kündin künge küchiyiwatqan bügünki künde türkiye hökümitining uyghurlarning derdini anglash we buni hel qilish yolini izdesh üchün bundaq bir paaliyet uyushturghanliqidin intayin xursen bolghanliqini bayan qilghandin kéyin teleplerni öz ichige alghan doklatini oqup ötti.

Axirida doklatni bash ministir muawini numan qurtulmush ependige berdi.

Arqidin sherqiy türkistan wexpining sabiq bash katipi hamut göktürk ependi, sherqiy türkistan maarip we hemkarliq teshkilati reisi hidayetullah oghuzxan ependi, proféssor

Doktor alimjan inayet, doktor atawulla shayar, proféssor doktor jelal erbay qatarliq 13 etrapida ammiwi teshkilat mesulliri uyghur mesilisi toghrisidiki teleplirini otturigha qoydi.

Uyghurlarning köpi türkiye dölitining xitayning asimilatsiye siyasitini toxtitish üchün dölet siyasiti belgilep chiqishi kéreklikini tekitlidi.

Yighin axirlashqandin kéyin sherqiy türkistan teshkilatliri munbiri uyushturghan iptar ziyapiti bashlandi.

Bu ziyapetke köp sanda axbarat organliri mesulliri we istanbul, qeyseri, enqere we izmirdin kelgen uyghurlardin bolup 350 etrapida kishi qatnashti.(Muxbirimiz erkin tarim)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: