Ikkichi Nöwetlik Ahmet Yesewi Qurultiyida Sherqiy Türkistan Mesilisi Otturigha Qoyuldi

Ixtiyariy muxbirimiz Erkin Tarim
2015-09-01
exmet-yesewi-qurultiyi-uyghur-mesilisi.jpg

Sherqiy türkistan mesilisi otturigha qoyulghan, 2-Nöwetlik exmet yesewi qurultiyi yighinidin körünüsh. 2015-Yili 31-Awghust, türkiye.

Türkiyening gherbiy shimaligha jaylashqan qarabük wilayitining safranbolu nahiyiside chaqirilghan 2-Nöwetlik exmet yesewi qurultiyida sherqiy türkistan mesilisi otturigha qoyuldi.

31-Awghust küni bashlanghan ilmiy muhakime yighinning échilish nutqini «maturidi exmet yesewi jemiyiti» ning reisi oqtay ajar ependi qildi. Yighingha sabiq ministir, péshqedem siyasetchi namiq kemal zeybek, türkiye, ezerbeyjan, tataristanliq akadémikler we mutexessisler bolup 80 etrapida kishi qatnashti. Uyghurlargha wakaliten sherqiy türkistan wexpining sabiq bash katipi tetqiqatchi hamit göktürk ependi we ismail chinggiz ependiler qatnashti.

Ilmiy muhakime yighinining 2-Küni yighinning kün tertipige binaen «türk dunyasining mesililiri we hel qilish yolliri» témisida muzakire élip bérildi. Yighinda uzun yil türkiyening türkiy milletlerge mesul dölet ministirliq wezipisini ötigen namiq kemal zeybek ependi türk dunyasining mesililiri témisida, ezerbeyjanliq proféssor xanim xalilowa xanim «türkiyening türk dunyasigha bolghan tesiri» témisida, shimaliy spurs türk jumhuriyitidin kelgen exmet zéki bulunch ependi «sipurs mesilisi toghrisida», qirim tatarliridin shaike gaspirali xanim bolsa «ismail gaspirali we sürgün» témisida, ismail chinggiz bolsa «sherqiy türkistan mesilisi», shakir ilyasoghullari «makadoniyediki türklerning mesililiri» témisida, ramazan tashdurmaz ependi «sherqiy türkistan mesilisining ötmüshi we bügüni» témisida doklat berdi.

Yighinda söz qilghan ismail chinggiz ependi sherqiy türkistanning xitay üchün istratégiyilik ehmiyitining intayin yuqiri ikenlikini, xitayning dunyagha échilghan ishiki ikenlikini, sherqiy türkistanning yer asti we yer üsti bayliqlirigha ige zémin ikenlikini shunga xitay sherqiy türkistanni xitay zéminigha aylandurush üchün pütün küchi bilen uyghurlarni assimilyatsiye qilishqa tirishiwatqanliqini bayan qildi.

U, «türk dunyasining mesililiri we hel qilish» mawzuluq yighinda sherqiy türkistan mesilisining türk dunyasining eng muhim mesililiridin biri ikenlikini, bu mesilini xitay dölitining insaniy siyaset bilen hel qilishi kéreklikini, türkiye we bashqa türkiy jumhuriyetlirining uyghur mesilisige alahide köngül bölüshi, sherqiy türkistan siyasitini belgilep chiqishi kéreklikini tekitlidi.

Mezkur xelqara exmet yesewi qurultiyi 2-Séntebir küni axirlishidu.

Yighinda söz qilghan hamit köktürk ependi yighin heqqide öz köz qarashlirini bayan qildi.

Tepsilatini yuqiridiki awaz ulinishidin anglighaysiler.

http://www.rfa.org/uyghur/xewerler/kishilik-hoquq/turkiyede-uyghur-09012015155507.html/story_main?encoding=latin

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: