21-Séntebirdiki Moskwa Yighinida Uyghur Teshkilatliri Wekillirining Bolmasliqi Taratqularning Diqqitini Qozghidi

The Amblem Of Uyghuristan Republice

Muxbirimiz Qutlan
2015-09-28

Amérika awazi we bashqa chong taratqularning xewer qilishiche, dunyadiki musteqilliq telep qiliwatqan milletlerning 35 teshkilat wekilliri 21-Séntebir küni moskwagha teklip qilinip yighin achqan.

Taratqular, yighin komitétining shinjang uyghur aptonom rayonighimu teklipname ewetkenlikini, lékin u yerdin héchkimning yighingha kelmigenlikini ilgiri sürgen.

Bu yighinni rusiye prézidénti putinning himayisidiki «rusiye yersharilishishqa qarshi heriket teshkilati» uyushturghan.

«Milletler ara dialog, milletlerning öz teqdirini özi belgilesh hoquqi we köp qutupluq dunya berpa qilish» dep nam bérilgen bu yighigha ukrainaning sherqiy qismidiki rus bölünme küchliri, ispaniyediki katalan musteqilliq terepdarliri, shimaliy irlandiye teshkilatliri, amérikining haway shtatidiki yerlik xelqler teshkilati bolup, 35 teshkilat we heriketning wekilliri qatnashqan.

Taratqularning «rusiye sodigerliri géziti» din neqil keltürüshiche, «junggoning shinjang uyghur aptonom rayonidiki munasiwetlik erbablarning teklipname tapshurup alghanliqi, emma ularning yighingha kelmigen» liki ilgiri sürülmekte.

Taratqular yene mezkur yighinni uyushturghuchi teshkilat bashliqi ionofning chetellerdiki uyghur teshkilatlirigha teklipname ewetken yaki ewetmigenliki heqqide gep qilishtin özini qachurghanliqini bildürmekte.

Közetküchiler, putin we qol astidiki rusiye dairilirining perde arqisida turup mezkur yighinni uyushturush arqiliq yene bir qétim siyasiy oyun oynawatqanliqini tekitlimekte.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: