Ilham Toxti Ependi Bilen Ötküzülgen Söhbet Xatiriliri 

Muxbirimiz Méhriban

2015-11-06

ilham-toxti-yaponiye-tv.JPG

Yaponiye döletlik téléwiziyisi N H K qanili xitayning uyghur öktichi ziyaliysi ilham toxtigha muddetsiz qamaq jazasi höküm qilinghanliqi heqqide bergen programmisidin körünüsh. 2014-Yili 23-Séntebir.

RFA/Qutluq

2009 – Yili 8 – Séntebir küni radiyomiz ziyaritini qobul qilghan ilham toxti ependi, 2 – , 3 – , 7 – Séntebir künliri ürümchide yüz bergen xitay zorawanlirining adem urush, yarilandurush, öltürüsh weqeliride uyghur aptonom rayonluq hökümet we ürümchi sheherlik hökümet dairilirining mesilini bir terep qilish usulini tenqidligendin bashqa, uyghur xelqi we xitay xelqigimu xitab qilip: «uyghurlirimiz bolsun, yaki qaysi millette bolsun, milletler arisida öchmenlik bir milletke qaritilmasliqi kérek. Herqandaq ishta buninggha emel qilinishi kérek» likini tekitligen.

Ilham ependi bu xil öchmenlikning yaman aqiwiti heqqide toxtilip: «milliy öchmenlik küchiyip ketse, xitay xelqigimu, uyghur xelqigimu, döletkimu éghir ziyan élip kélidighanliqi» ni shunga ürümchide barghanche keskinlishiwatqan milliy ziddiyetni peseytishning muhimliqini qayta – Qayta tekitleydighanliqini we bu qarashlirini «her xil wasitilik yollar arqiliq hökümetke yetküzüshke tirishiwatqanliqi» ni ipadiligen idi.

8 – Séntebir élip bérilghan söhbitimizde ilham ependi yene, özining her waqit qayta qolgha élinish xewpide turupmu hökümetke yuqiriqi teklip – Pikirlerni bérishidiki meqsiti heqqide toxtilip: «jiddiylishiwatqan weziyet, ötkürlishiwatqan milliy munasiwetni agahlandurushum xelq we dölet menpeeti üchün» dégen idi.

U bu heqte: «méning bu hökümetke yaman niyitim yoq, bu döletke yaman niyitim yoq. Men peqet bezi toghra emes mesililerni dewatimen. Men özüm tewe bolghan uyghur xelqi téximu yaxshi, toghra muamilige érishse, xelq yaxshi yashisa dewatimen. Ayrimichiliqqa qarshi turimen. Men herqandaq térrorgha qarshi turimen. Bu térror hökümettin kélemdu? bu térror qaysi millettin kélidu? uyghurdinmu, xenzudinmu? men hemmisige qarshi turimen. Zorawanliqqa qarshi turimen. Men herqandaq ishta choqum qanun boyiche xelqning men bayqighan awazini yetküzsem deymen. Bu dölet téximu yaxshi bolsa, xelqler ara munasiwet téximu ittipaq bolsa dep oylaymen. Men mushuni toghra dep qarighanliqimdin, méning qelbimde qorqunch yoq. Shunga men bügün 3 – Séntebir weqesi heqqide öz qarashlirimni sizge dédim. Méning qarashlirimgha bu sözlernimu qoshup qoyung» dégen jümliler bilen shu künki söhbetni ayaghlashturghan idi.

Yuqiriqi awaz ulinishidin ilham ependining 2009 – Yil 8 – Séntebirdiki bayanlirining tepsilatini anglaysiler.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: