Yawropa Sherqiy Türkistan Birliki Teshkilatining Saylimi Ötküzüldi

Yawropa-sherqiy-turkistan-birliki-yengi-rexber.jpg

Yawropa sherqiy türkistan birliki teshkilatining yéngi rehberlirining bir qismi xatire sürette. 2016-Yili 7-Féwral, Miyunxén.

7-Féwral yekshenbe küni merkizi gérmaniyening myunxén shehiride bolghan «yawropa sherqiy türkistan birliki» teshkilatining 20-Nöwetlik saylimi ötküzüldi.

Saylamdin ilgiri, milliy marsh oqup ötüldi. Kishiler qollirini meydilirige qoyup milliy marshqa hörmet bildürüshti. Andin teshkilatning sabiq reisi eziz ependi bir yilliq xizmetler we maliye ehwalidin doklat teqdim qildi.

Doklat anglap ötülgendin kéyin, yashlarning bir yildin béri élip barghan paaliyetlirige yaxshi bahalar bérildi. D u q muawin reisi esqerjan ependi teshkilatning ilgiriki ezalirining töhpisige uyghur jamaiti namidin rehmetler éytti. Andin d u q ijraiye komitéti reisi dolqun eysa ependi söz élip, gérmaniyediki uyghur jamaitining yawropa sherqiy türkistan birliki teshkilatining tereqqiyati üchün qoshqan töhpisige minnetdarliqini bildürdi. Andin démokratik usulda saylam élip bérilip, 15 kishidin terkib tapqan bir rehberlik apparati qurup chiqildi.

Melumki, yawropa sherqiy türkistan birliki teshkilati 1990-Yili qurulghan, gherb elliridiki tunji uyghur teshkilati bolup, ötken yili teshkilatning 25 yilliq xatirisi daghdughiliq ötküzülgen idi. Teshkilat mesullirining bildürüshiche, mezkur teshkilat öz waqtidiki «dunya uyghur yashliri qurultiyi» bilen «sherqiy türkistan (uyghuristan) milliy qurultiyi» ning birliship, 2004-Yili bügünki d u q ning wujudqa chiqishigha türtke bolghan we sahibxaniliq qilghan. Bu teshkilat yene wetinini terk etken uyghur jamaitining yawropa tupraqlirigha yerlishishigimu hessiler qoshqan.

Bu qétimqi saylamda myunxén jamaiti bu teshkilatning qurghuchi ezaliridin biri bolghan enwerjan ependini yene bir qétim uning reislikige saylidi. Enwerjan ependi öz nöwitide yene d u q ning yawropa parlaméntidiki wekili idi. U saylam xatimiside, uyghur jamaitini bu teshkilat etrapigha zich uyushushqa chaqirdi. Uyghur jamaiti yene 14 neper wekilni teshkilatning daimiy ezaliqigha saylap chiqti. Bularning köpinchisi eslide d u q da türlük wezipiliri bolghan siyasiy aktiplar idi. Bu qétimqi saylam myunxén shehiridiki xelqara teshkilatlarning paaliyet merkizi bolghan «bir dunya öyi» de saet 14:00 te bashlinip, saet 16:00 da axirlashti.

Mezkur saylamgha gérmaniyening würsburg shehiridin kélip közetküchi süpitide qatnashqan mezkur teshkilatning qurghuchiliridin biri bolghan erkin aliptékin ependimu bu heqte ziyaritimizni qobul qilip, bu saylamgha bolghan pikrini otturigha qoydi. Biz yene bu saylamgha ishtirak qilghan perhat muhemmidi ependiningmu qarashlirini angliduq. U sözide, mezkur teshkilatning roligha yuqiri baha berdi.(Ekrem)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: