Edebiyat Derslikining Almashturuwétilishi Qattiq Naraziliq Qozghidi

Edebiyat Derslikining Almashturuwétilishi Qattiq Naraziliq Qozghidi

ئەدەبىيات دەرسلىكىنىڭ ئالماشتۇرۇۋېتىلىشى قاتتىق نارازىلىق قوزغىدى
Dunyadiki yerlik tillarni cheklep, sesiq nami pütmes-tügümes lenetlerge maruz qalghan dewletlermu xataliqini tonup, yerlik milletlerning tilidiki maaripni eslige keltüriwatqan 21-yüz yilda Xitay tajawuzchillirining Uyghur mektepliridiki til-edebiyat derslikliri ichidiki Uyghur medeniyitige ayit mezmunlarni xitay medeniyitige almashturuwétishi xelqarada qattiq naraziliq qozghidi.
Xitay tajawiuzchillirining bu qilmishi tarix betlirige qara siyahlar bilen yézilip kelichek ewlatlarning qattiq nepritige uchraydu.

Edebiyat derslikining almashturuwétilishi qattiq naraziliq qozghidi

Uyghur élida yéngi mewsumluq ottura mektep edebiyat derslikige özgertish kirgüzülüp, kona dersliktiki uyghur klassikliri we uyghurche eserlerning ornigha xitay klassikliri we terjime eserlirining kirgüzülüshi uyghurlarning qattiq naraziliqini qozghidi.

Türkiye awazi radiyosi xewiri: ündidar torida 12- mart élan qilin’ghan: Biz deriliklerde özimizning uyghur edebiyatini telep qilimiz, serlewhilik maqalide, kona edebiyat derslik kitabining munderijisi bilen yéngidin tüzülgen edebiyat dersliki munderijisining fotokopiyesi bérilip, yéngi derslikte chiqiriwétilgen uyghur klassikliri we hazirqi zaman uyghur edebiyatida tonulghan yazghuchi, ediblerning eserliri eynen körsitilip, hökümet da’iriliridin uyghur ewladlirining ana tilida yézilghan edebiyat nemuniliri bilen tonushush hoquqini tartiwalmasliq telep qilin’ghan.

Malala texellusluq tordash teripidin xitay tilida yézilghan maqalide, hökümet da’irilirige muraji’et qilinip: hazir uyghur oqughuchilar bir künde aran bir sa’etla ana til dersidin sawat alidu.
Mushundaq shara’itta uyghur edebiyat derslikidin uyghur klassikliri we hazirqi zamanda tonulghan uyghur yazghuchi, ediblirining eserliri chiqiriwétilse, u halda bizning ewladlirimiz uyghur edebiyati, uyghur shé’iriyiti, uyghur örp-aditi, uyghur epsane-riwayet, tarixliridin sawatsiz qalmamdu?!
Hazirqi shara’itta ewladlirimiz xitayche dersliktin qérindash milletler edebiyatini, xitay yazghuchilirining esli eserlirini ögense bolidighu?! chünki hökümitimiz bu shara’itni hazirlidi, eslidila intayin az bolghan ana tili edebiyat derslikide uyghur tilidiki nemuniler azaytiwétilse, 50 yildin hetta 100 yildin kéyinki uyghur ewladliri qandaq aqiwetke qalidu? déyilgen.
Igilinishiche, xitay da’irilirining ottura mekteplerdiki uyghur edebiyati derslikidiki eslidiki uyghur kilassikliri we hazirqi zaman uyghur edebiyat nemunilirining eserlirining ornigha xitay kilassikliri we xitay yazghuchilirining eserlirini almashturuwétishi muhajirettiki uyghur ziyaliyliri arisidimu qattiq inkas, ghulghula we naraziliq qozghighan.
Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: