Dolqun Eysa Truman-Régan Erkinlik Médalini Tapshuruwaldi

12670694_429470067252943_8587886778186369978_n

RFA xewiri: Dunya uyghur qurultiyi ijraiye komitétining mudiri dolqun eysa 30-Mart küni amérika paytexti washingtondiki kapitol xil sariyida «kommunizm qurbanliri xatire fondi» teripidin bérilgen 2016-Yilliq «troman-Régan erkinlik médali» ni tapshuruwaldi.

«Erkinlik médali» ni teqdim qilish murasimi amérikidiki her sahe kishiliri, kishilik hoquq teshkilatliri we kishilik hoquq paaliyetchiliri hemde amérikida yashawatqan uyghurlarning qatnishishi bilen tentenilik ötküzüldi.

Murasimda «kommunizm qurbanliri xatire fondi»ning reisi li édwardz söz qilip, dolqun eysaning uyghur xelqining erkinliki we insaniy hoquqliri üchün élip barghan üzlüksiz küreshlirige yuqiri baha berdi. Murasimda mukapat sahibi dolqun eysa söz qilip, «trumén-Régan erkinlik médali» ning shexsiy özige emes, belki eng aldi bilen erkinlik üchün éghir bedellerni tölewatqan uyghur xelqige mensup ikenlikini bildürdi.

Melumki, «truman-Régan erkinlik médali» bash shtabi amérikidiki «kommunizm qurbanliri xatire fondi» teripidin yilda bir qétim tarqitilidighan mukapattur.

Mezkur fondi jemiyet 1993-Yili tesis qilinghan bolup, buninggha xirajet ajritish heqqidiki qanun layihisi shu yili amérika parlaméntida maqullanghan we sabiq amérika prézidénti bil klinton imza qoyghan.

 

12932809_429470310586252_1665882161365338489_n

Shuningdin buyan bu fondi jemiyet hazirqi we kelgüsi ewlad amérika xelqige kommunizm tüzümi we idéologiyisining jinayetlirini pash qilish, shundaqla dunyadiki kommunizm tüzümining ziyankeshlikige uchrighan we uchrawatqan yüz milyondin artuq kishini xatirilesh heqqidiki teshwiqatni özining asasliq nishani qilip kéliwatidu.

«Truman-Régan erkinlik médali» 1999-Yilidin buyan tarqitiliwatqan bolup, erkinlik we démokratiye üchün bir ömür küresh qilghan, shundaqla kommunizm we bashqa diktator hakimiyetlirige qarshi küreshte közge körüngen shexsler yaki teshkilatlargha bérilidu.

Sowét ittipaqi yimirilgendin kéyinki chéx jumhuriyitining tunji prézidénti bolghan waklaw xawél, sabiq watikan papasi jon pawil, xitay öktichiliridin yang jyenli, chén guangchéng we wéy jingshing shundaqla amérikining sabiq dölet mudapie ministiri donald ramsfild qatarliqlar ilgiri bu médalgha érishken.

Ilgiriki yillarda bu médal 2 din 4 kéche bolghan shexslerge bérilgen bolup, bu yilliq «truman-Régan erkinlik médali» yalghuz dolqun eysagha bérilgen. Mukapat tarqitish murasimi del xitay reisi shi jinpingning amérika ziyariti harpisigha toghra kelgen.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: