Sherqiy Türkistan Sürgündiki Hökümitining Shanliq Barin Inqilawining 26 yilliqi Heqqidiki Bayanati

-Shanliq Barin Inqilawining 26 yilliqini  Xatirleymiz!

 

 

11097_455386391269258_7584251139139249125_n (1)

Xitay tajawuzchiliri eziz wetinimiz Sherqiy Türkistanni bésiwalghandin béri xelqimizning zulumgha qarshi baturane küreshliri bir minutmu toxtap qalmidi. 90-yillarda Sherqiy Türkistanning Barin yézisida yüz bergen inqilap, yoqarqi pikirimizning jümlisidindur. Bu yil ene eshu shanliq Barin inqilawining partilighanliqining 26- yildur.

Barin yézisida 1990 – yili 4 – ayning 5 – küni, Xitay tajawuzchilirigha qarshi  shanliq barin inqilabi partilidi.

Sherqiy Türkistanning Barin yézisida 1990 – yili 4 – ayning 5 – küni qehriman Zeydin Yüsüp bashchiliqida xitay mustemlikisige qarshi qurulghan mexpiy teshkilatning 200 din artuq ezaliri xitaygha qarshi quralliq heriket élip bardi. Gerche bu inqilap tajawuzchilar teripidin qanliq basturuwétilgen bolsimu, qehrimanlirimizning basqan izidin ünüp chiqqan gül-chichekler wetinimizning tagh-deryalirini güzellikke pürkimekte.

Shanliq Barin inqilawi tajawuzchiliqqa qarshi pilanliq, programliq we sistimliq élip bérilghan bolup, Uyghur xelqining milliy iradisisini pütünley yoq qilduq dep, chöchirini xam sanawatqan Xitay  tajawuzchilirini qattiq chöchütiwetti we endishige sélip qoydi.

Barin yézisida Xitay kommunist hakimiyiti Sherqiyy türkistanni ishghal qilghan 1950 – yildin biri, Xitaygha qarshi 4 qétim chong heriket bolghan.

Buning birinchi qétimqisi 1950 – yili 7 – ayda Barin yézining mu`awin bashliqi Hékim Tash dégen kishining qumandanliq qilishi bilen partilighan.Hékim Tash tutqun qilinip ölümge höküm qilinghan.

Buning Ikkinchi qétimqisi 1969 – yili 8 – ayning 16 – küni Éziz Osman isimlik kishining  qumandanliq qilishi bilen partilighan. Éziz Osman 300 kishidin terkip tapqan pidayilar bilen  Aqtu qural ambirigha bésip kirip nurghun quralni olja alghan we Xitaygha qarshi azatliq urushi qilghan.

Buning üchünchi qétimqisi 1969 – yili 8 – ayning 20 – küni Memet Eysa isimlik kishining qumandanliqida partilighan bolup, qehriman Barin xelqi Memet Eysa rehberligidiki 700 kishilik pidayilar bilen  heriketke ötüp, tajawuzchi xitaylargha qarshi igilmey-sunmay axirqi bir tamche qéni qalghuche baturluq bilen  quralliq jeng qilghan.

1990 – yili 4 – ayning 5 – küni partilighan bu  inqilap Xitaylar Sherqiyy Türkistanni ishghal qiliwalghandin béri Xitaygha qarshi élip berilghan quralliq qarshiliq körsütüsh herketlirining 4-si bolup,  xaraktir we alahiydilik tereptin Sherqiy Türkistanning bashqa rayonlirida yüz bergen qarshiliq körsütüsh herketliridin alahiyde periqlinip turidu.

Shanliq Barin inqilawi xitaylar kemsitip kelgen addiy awam puqralarning bir qétimliq herkiti bolup, xitaylar oylimighan yerdin chiqip, uyushush, teshkillinish we qarshiliq körsütüsh jehette Uyghur déhqanliriningmu qabiliyet we iqtidar tereptin hichkimdin qélishmaydighanliqini ispatlap qoydi.

Barin inqilawigha ishtirak qilghan déhqanlarning igilmes sunmas iradesi, aldin körer paraseti we tillarda dastan bolghudek pidakarliqliri bir tereptin xelqimizge ümit, ishench we ülge bolup kelgen bolsa düshmenlirimizge bérilgen ejellik signal bolup qaldi.

Sherqiy Türkistan Sürgündiki Hökümiti bolush süpitimiz bilen shanliq Barin inqilawi yuz berginige 26 yil bolghan bu künlerde, Sherqiyy Türkistan xelqining ziminini, medeniyitini we izzet-nefsini qoghdash yolida her biri tillarda dastan bolidighan ish-izliri bilen öchmes xatirilerni qaldurup ketken ashu qehrimanlirimizni séghinish  ichide esleymmiz we ulargha aliy éhtiram bildürmiz.Ishenchimiz kamilki Sherqiy Türkistan xelqining  milliy azatliq körishi hergizmu toxtap qalmaydu. Sherqiy Türkistan xelqi biri yiqilsa yene biri yölep, xitayning Sherqiy Türkistandiki mustemlikichik sestimisi üzil-késil chökkenge qeder bu küreshni izchil dawamlashturup baridu.

Yashisun Sherqiy Türkistan xelqining hür iradisi!

 

Sherqiy Türkistan Sürgündiki Hökümiti Neshriyat-Axbarat Komésiyoni

 

05.Aperil 2016  Gérmaniye

 

 

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: