Dunya Uyghur Qurultiyining parizhda chaqirilidighan 5 – nöwetlik wekiller qurultiyi heqqidiki axbarati

12932853_433447220188561_59899550214674100_n

5 – nöwetlik Dunya Uyghur Qurultiyi teyyarliq komitéti
2016-yili 4 -ayning 8-küni

essalamu’eleykum Sherqiy Türkistanliq eziz qérindashlar,

weten ichi we sirtidiki pütün xelqimiz teqezzaliq bilen kütüwatqan, mustebit Xitay hakimiyiti pütün ichki – tashqi küchlirini seperwer qilip tosushqa we buzghunchiliq qilishqa urunuwatqan Dunya Uyghur Qurultiyining 5 – nöwetlik wekiller qurultiyi, 2016 – yili 7 – ayning 11 – künidin 13 – künigiche Yawropaning eng asasliq siyasiy merkezlirining biri hésablan’ghan firansiyening paytexti parizhda chaqirilidu.

weten ichidiki xelqimiz hayat – mamatliq xewpige duch kéliwatqan, mustebit Xitay hakimiyitining dölet térrori tüpeylidin muqeddes wetinimizning pütün tupraqliri bigunah eziz xelqimizning issiq qéni bilen boyalghan, muqeddes Uyghur dawasi xelq’ara jama’etchilikning küchlük diqqet – étibarini qozghawatqan bügünkidek halqiliq peytte chaqirilidighan bu qétimqi 5 – nöwetlik qurultiyimizgha, pütün dunyadiki 30 din artuq dölettin 120 din artuq resmiy wekil qatnishidu.

tarixiy ehmiyetke ige bu qétimqi qurultiyimizgha yene, 1933 yili we 1944 – yilliri qurulghan musteqil ikki Sherqiy Türkistan jumhuriyitining asasliq rehberlirining hazir hayatta bolghan perzentliri alahide wekil süpitide teklip qilinidu we bu tarixiy qehrimanlirimiz we rehberlirimizning ejdadlirigha milliy rehbirimiz rabiye xanim bashchiliqidiki Dunya Uyghur Qurultiyi teripidin pütün Uyghur xelqige wakaliten » istiqlal sherep médali » teqdim qilinidu !

yene shundaqla bu qétimqi qurultiyimiz jeryanida, eziz wetinimiz Sherqiy Türkistan mustebit kommunist Xitay hakimiyitining ishghaligha uchrighan 1949 – yilidin buyan weten sirtida élip bériliwatqan milliy kürishimiz jeryanida weten dawasi üchün alahide pidakarliq körsetken, töhpe qoshqan we belgilik netije yaratqan milliy inqilabchilirimizgha we gholluq siyasiy pa’aliyetchilirimizge pütün Uyghur xelqi namidin sherepname teqdim qilinidu !

bu qétimqi tarixiy ehmiyetke ige qurultaygha, rabiye xanim bashchiliqidiki 4 – nöwetlik Dunya Uyghur Qurultiyi rehberlik hey’itining pütün mes’ul xadimliri, qurultay teripidin békitilgen resmiy wekiller, dunyaning herqaysi jaylirida pa’aliyet élip bériwatqan Uyghur teshkilatlirining asasliq mes’ulliri, chet’eldiki Uyghurlar ichide tonulghan jama’et erbabliri, aqsaqallar,alim we mutexessisler, diniy zatlar, firansiye parlaméntining wekilliri, parizh shehirining mes’ulliri, shundaqla xelq’araliq türlük kishilik hoquq teshkilatlirining asasliq mes’ulliri, chet’ellik siyasiy közetküchiler, Uyghur mesilisini tetqiq qiliwatqan chet’ellik alim we mutexessisler teklip bilen ishtirak qilidu.

bu qurultay xelqimizning siyasiy nishanini ishqa ashurush üchün tedbir izdeydighan, xelqimizning küresh iradisini yene bir qétim ilhamlanduridighan we chet’ellerdiki bizni qollap kéliwatqan herqaysi döletler, siyasiy partiyiler we hökümetsiz teshkilatlargha özimizning kelgüsi nishani heqqide uchur béridighan bir qurultaydur. bu qurultayda Uyghurlarning erkinliktin ibaret siyasiy nishani dunyagha yene bir qétim jakarlinidu.

bu qétimqi qurultay Uyghur milliy herikitide xilmu xil pikir-éqimidiki wekillerning oz pikirlirini erkin otturigha qoyush boyiche démokratik sorun teyyarlaydu we her xil sewebler bilen milliy herikitimiz, jümlidin d’uq sirtida qalghan yash, qabiliyetlik ziyaliy we pa’aliyetchilirimizge keng quchaq achidu.

hemmige melum bolghinidek, milliy rehbirimiz Rabiye Qadir bashchiliqidiki Dunya Uyghur Qurultiyi, weten ichi we sirtidiki barliq Sherqiy Türkistan xelqining xelq’aradiki birdin – bir toluq hoquqluq xelq’araliq orgini bolup, qurultiyimiz Sherqiy Türkistan milliy dawasini élip bérishta, b d t insan heqliri omumi bayannamisining we unung siyasiy, iqtisadi, ijtima’iy, dini we medini heqlirini öz ichige alghan pütün shertnamilirining rohigha toluq hörmet qilip, démokratik prinsiplargha tayan’ghan halda Sherqiy Türkistan xelqining ebedi erkinliki we öz teqdirini özi belgilesh hoquqini qolgha keltürüsh, Sherqiy Türkistan mesilisini xelq’aralashturush, Xitay hakimiyitining Sherqiy Türkistandiki jinayi qilmishlirini dunya jama’etchilikige anglitish, pash qilish we insani heq – hoquqlirini qoghdash yolida jiddiy xizmet qilip kelmekte.

Dunya Uyghur Qurultiyi–milliy birlikimizning, barawerlikimizning we ittipaqliqimizning simwoli we asasi bazisi bolup, birlik we barawerlik – weten ichi we sirtidiki pütün xelqimizning nöwettiki ortaq arzusi we dewrning teqezzasidin ibaret.

bügünki Dunya Uyghur Qurultiyi hergiz tasadipiy otturigha chiqip qalghan emes, belki shanliq tarixqa, muntizim teshkili we ammiwi asasqa, xelq’araliq siyasiy nopusqa ige bolup, qurultiyimiz, 1933 we 1944 – yilliri qurulghan ikki musteqil jumhuriyitimiz teripidin weten samalirida jewlan qildurulghan ay – yultuzluq kök bayriqimizning chet’ellerdiki heqiqiy warischisi, shundaqla chet’ellerde 60 nechche yildin buyan kommunist Xitay hakimiyitige qarshi élip bériliwatqan milliy herikitimizning wekillik orginidin ibaret.

xelqimizning küchlük telipi, dewrning teqezzasi, teshkilatlirimizning we siyasiy pa’aliyetchilirimizning teshebbusi bilen, 2004 – yili aprélda Gérmaniyening myunxén shehiride chaqirilghan birleshme qurultayda, » Sherqiy Türkistan (Uyghuristan) milliy qurultiyi » bilen » dunya Uyghur yashliri qurultiyi » ning birlishishi netijiside, weten ichi we sirtidiki barliq Sherqiy Türkistan xelqining xelq’aradiki birdin – bir toluq hoquqluq aliy rehberlik orgini hésablan’ghan » Dunya Uyghur Qurultiyi » qurup chiqilghan we buning bilen, Xitay hökümiti teripidin, » milliy bölgünchilerning chet’ellerdiki ikki chong lagéri » dep qaralghan ikki qurultay bir merkez we bir lagér astida birliship, dunya siyasiy sehniliride pa’aliyet élip bériwatqan barliq Sherqiy Türkistan teshkilatlirining birlik we barawerlik asasida ortaq heriket élip bérishining mustehkem teshkili asasini turghuzup chiqqan idi.

hemmimizge melum bolghinidek, milliy herikitimizning xelq’aralishish qedimining tézlishiwatqanliqidin sarasimige chüshken Xitay hakimiyiti, xelqimizge qaratqan assimilyatsiye herikitini, zulum we bésimini hessilep ashurup barmaqta. bügün Uyghurlarning milliy mewjutluqi tarixtin buyanqi herqandaq waqittinmu bekrek zor xewpke duch kelmekte. weten ichidiki xelqimizning échinishliq weziyiti hemmimizge besh qoldek ayan. xelqimiz weten sirtida élip bériliwatqan milliy herikitimizdin zor ümid kütmekte, bundaq bir tarixi shara’itta biz öz’ara birlik–ittipaqliqqa, hemkarliqqa herqandaq waqittikidinmu bekrek mohtaj halda turmaqtimiz.

bu qétimqi qurultiyimiz, hemmimiz üchün yéngi bir purset, milliy herikitimizde yéngi bir dewrning bashlinishidin ibaret. shunga barliq teshkilatlirimiz, wetenperwerlirimiz, siyasiy pa’aliyetchilirimiz we barliq qérindashlirimiz weten – milletning tüp menpe’itini hemmidin ela bilip, orunsiz talash – tartish we ixtilaplarni bir chetke qayrip qoyup, ortaq ghayimiz we nishanimiz üchün birlikte heriket qilishimiz, shu arqiliq xelqimizning bizdin kütken ümidlirini yerde qoymasliqqa tirishishimiz lazim!

eziz qérindashlar, parizhda chaqirilidighan 5 – nöwetlik Dunya Uyghur Qurultiyi wekiller qurultiyining muweppeqiyetlik ötküzülüshige kapaletlik qilish üchün, mexsus » 5 – nöwetlik Dunya Uyghur Qurultiyi teyyarliq komitéti » qurup chiqildi, weten ichi we sirtidiki pütün xelqimizning xelq’aradiki toluq hoquqluq wekillik orgini hésablan’ghan Dunya Uyghur Qurultiyi, pütün xelqimizning teklip – pikir we tenqidlirige estayidil qulaq salidu, eziz wetinimiz we millitimizning teqdiri, shundaqla milliy kürishimizning tereqqiyatigha munasiwetlik herqandaq teklip – pikirlirini semimiyet bilen estayidil qobul qilidu, bu heqtiki pütün teklip – pikringlarni 5 – nöwetlik Dunya Uyghur Qurultiyi teyyarliq komitétigha biwasite yaki wasitilik yetküzüp bérishinglarni qizghin qarshi alimiz !

Weltkongress der Uiguren
Adolf-Kolping-Strasse. 9
80336 Munchen Germany
Tel: 0049 89 54321999
Fax: 0049 89: 54349789
Dolqun Eysa, dolkun@gmail.com,
Ömer Qanat, omerkanat2008@gmail.com

hörmet we éhtiram bilen :

5 – nöwetlik Dunya Uyghur Qurultiyi teyyarliq komitéti

http://www.uyghurcongress.org/uy/?p=12634

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: