Bay Yaqaériq Hujumchilirini Basturghan Alahide Saqchi Bashliqi Bay Kömürkan Hujumchilirining Oqida Ölgen

bay-weqesi-bayeriq-xiao-keyun.jpg

Bay yaqaériq hujumchilirini basturghan we kömürkan hujumchilirining oqida ölgen alahide saqchi etriti bashliqi shyaw kéyün

Photo: RFA

Xitayning 2015 – Yilliq qehrimanlar tizimlikidiki bir tonushturush18 – Séntebir bay weqesining yene bir tepsilatini resmiy halda ashkarilidi. Xitay hazirgha qeder bay weqeside ölgen 9 neper saqchidin saqchi bashliqi memetniyaz toxtiniyazning ölüm jeryanini ashkarilighan bolsimu, qalghanliri heqqide resmiy melumat bermigen. Mezkur tizimliktin ashkarilinishiche, bayda ötken yili 17 – Féwral küni yüz bergen yaqaériq weqesini bir terep qilishqa qomandanliq qilghan we xizmet körsetken bay nahiyilik alahide saqchi etritining muawin bashliqi shyaw kéyün 18 – Séntebir küni bay kömürkan hujumchilirining oqida ölgen.

Xitay bay kömürkan hujumchilirini bir terep qilish dawamida peqet memetniyaz toxtiniyaz qatarliq 6 neper saqchining ölgenlikini resmiy yosunda élan qilghan, emma alahide saqchi etriti bashliqi shyaw kéyün qatarliq yene 3 neper saqchiningmu bu weqede ölgenliki xitay xewerliride tilgha élinmighan؛ bular peqet melum bir xatirilesh murasimi heqqide jemiyetke tarqalghan bir ündidar uchuri arqiliq jemiyetke ashkarilanghan.

Xitayning bu qétimqi «inqilabiy qurbanlar tizimliki» de ene shu alahide saqchi etriti bashliqi shyaw kéyün heqqide nisbeten tepsiliy melumat bérilgen. Tizimlikte bayan qilinishiche, atalmish qehriman shyaw kéyün2005 – Yili xitay alahide qoralliq qismining qarimay etritige qobul qilinghan, 2012 – Yili xizmetke chiqqan, bultur 17 – Féwral küni bay nahiyiside yüz bergen yaqaériq weqesini bésiqturushta alahide saqchi ottura etritige qomandanliq qilghan. U shu qétimqi qomandanliqida«sepning aldida turush, gumandarlarni keskin we qattiq bir terep qilish jehette xizmet körsetken.»

Eyni chaghda igiligen uchurlirimizdin melum bolushiche, yaqaériq weqesi saqchilarning öy tekshürüshi we bésip kirgen bir öyde öy ichide topliship olturghanlargha zorawanliq qilishi sewebidin kélip chiqqan.

Weqege chétishliq gumandarlardin turghun bilal, abliz abla, azadem nur qatarliqlarning bu qarshiliq herikitide ikki tereptin we yolda ötken – Kechken weqege munasiwetsiz kishilerdin bolup jemiy 17 kishi ölgenliki aydinglashqan.

Xitayning bu qétimqi«qehrimanlar» tizimlikide bayan qilinishiche, bay nahiyilik alahide saqchi etritining muawin bashliqliq wezipisini ötewatqan shyaw kéyün yaqa ériq weqesining gumandarlirini axturush we tutush opératsiyeside 3 kéche, 4 kündüz wezipe ijra qilghan, bu jeryanda 30 nechche gumandarning, jümlidin ikki gholluq gumandarning tutulushida xizmet körsetken. Tizimlikte shyaw kéyünnning yaqaériq gumandarlirini oqqa tutquchilar arisida bar – Yoqluqi tilgha élinmighan bolsimu emma, uning bu basturushta aktip rol alghanliqi we xizmet körsetkenliki medhiyilengen.

Qehrimanlar tizimlikide bayan qilinishiche, shyaw kéyün bay kömürkan hujumchilirini qoghlap zerbe bérish opiratsiyesidimu rol alghan. U 18 – Séntebir küni dawam qilghan hujumchilarni «tagh ichide qorshap yoqitish» opératsiyeside yene bir nöwet töhpe yaritish üchün sepning aldigha ötken. Yézilghanlardin melum bolushiche, u bu qétim, yaqaériq weqesidikidek quruq qol yaki pichaqliq gumandarlar bilen emes, belki qolida «aptomatik qoralimu bar» bolghan gumandarlar bilen qarshilashqan.

Tizimlikte yézilishiche, shyaw kéyün gumandarlar teripidin étip öltürülgen. Emma gumandarlarning qolidiki aptomatik qoralning tipi (chong – Kichikliki) heqqide melumat bérilmigen. Bay weqesi heqqidiki ilgiriki éniqlashlirimizda kömürkan hujumchilirining gholluq yétekchiliridin musa toxtiniyaz we memet eysalarning tejribilik owchi ikenliki, kömürkanda hujumni axirlashturghandin kéyin tagh ichige yürüsh qiliwatqan chéghida yénida oqya barliqi guwahchilar teripidin tilgha élinghan.

Yerlik ahaliler yene, ularning térekbazar saqchixanisining bashliqi wu féng qatarliq 3 saqchini öltürgendin kéyin, ularning qoralini olja alghan bolushi mumkinliki perizini otturigha qoyghan bolsimu, bay hujumchilirining qolida aptomatik qoralning bar – Yoqluqi éniq halda aydinglashmighan idi.(Shöhret hoshur )

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: