Türkiyede Xelqaraliq Balilar Bayrimi Paaliyitige Uyghur Ösmürlermu Qatnashti

turkiyede-xelqara-balilar-bayram-uyghur-1.jpg

Xelqaraliq balilar bayrimi paaliyitige qatnashqan uyghur ösmürler. 2016-Yili 23-Aprél, türkiye.

RFA/Arslan

Türkiye kojaeli sheherlik hökümetning uyushturushi bilen bu yil 8-Nöwetliki ötküzülgen 23-Aprél xelqaraliq balilar bayrimi, telim-Terbiye we tentene qilish paaliyitige 41 dölet we rayondin ösmür balilar qatnashqan bolup, uyghur ösmürlerge wakaliten istanbuldin 25 uyghur ösmür qatnashti.

Qollirida «sherqiy türkistan» bayraqliri we uyghur chimen doppa, milliyche kiyimliri bilen paaliyetke qatnashqan uyghur ösmürler kishilerning alahide diqqitini tarqatti. Uyghur diyaridin türkiyege kélip olturaqlashqan uyghur aililerning pezentliridin 25 uyghur ösmür paaliyet ötküzülidighan sheherge yétip bérishi bilen, kojaeli dérinji nahiyisidiki hamit özdagh imam xatip toluqsiz ottura mektepte kojaeli sheherlik hökümet mesulliri, mektep mudiri we oqughuchilar teripidin qizghin kütüwélindi.

3 Kün dawam qilidighan bu paaliyet jeryanida méhman ösmürler türkiyilik aililer bilen munasiwet ornitish we qérindashliq rishti baghlash meqsette her bir türk ailige bir qanchidin méhman ösmürler orunlashturuldi.

Paaliyette uyghur ösmürler uyghur sama usuli teqdim qildi. Qollirida ay yultuzluq kök bayraqni kötürüp milliy kiyimliri bilen yürüsh qildi. Sheher bashliqliri we mektep mudirlirini ziyaret qilip, ay yultuzluq bayraq hediye qildi.

Biz bu paaliyet toghrisida téximu köp melumatqa érishish üchün uyghur ösmürlerge yétekchilik qilip paaliyetke qatnishiwatqan« sherqiy türkistan maarip we hemkarliq jemiyiti» ayallar bölümi mesuli munewwer özuyghurxanim bilen söhbet élip barduq.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: