Istanbulda Osman Batur Wapatining 65 – Yilini Xatirilesh Yighini Ötküzüldi

turkiye-osman-batur-xatirlesh-2016.jpg

Istanbuldiki osman batur wapatining 65 – Yilini xatirilesh yighini

RFA/Erkin
2016 – Yili 4 – Ayning 29 – Küni istambuldiki« yési maarip we hemkarliq jemiyiti»ning uyushturushi bilen istanbulning zeytunburnu rayonluq hökümet yighin zalida, osman baturning wapatining 65 – Yilini xatirilesh yighini ötküzüldi.Yighingha «yési maarip we hemkarliq jemiyiti»ning mesul we ezaliri, istanbulda paaliyet élip bériwatqan «sherqiy türkistan ammiwiy teshkilatliri»ning mesulliri, zeytunburnu rayonluq hökümetning mesulliri we uyghur diyaridin kelgen qazaq köchmenler we uyghurlardin bolup 300 etrapida kishi ishtirak qildi. Yighingha yighinni uyushturghan yési maarip we hemkarliq jemiyitining reisi güwen hizarji ependi riyasetchilik qildi. Murasimda istiqlal marshi oqulghandin kéyin shéhitlerge hörmet bildürüp bir minutluq sükütte turuldi. Andin osman batur qatarliq shéhitlerning rohigha dua qilindi, güwen hizarji ependi murasimning échilish nutuqini sözlidi.

Arqidin mimarsinan uniwérsitétining oqutquchisi, türkiyede tonulghan tarixchi proféssor doktur gülchin chandarlioghlu xanim, «erkinlik yoli we osman baturning qoralliq kürishi» dégen témida,«sherqiy türkistan weqpi»ning sabiq reisi hamit göktürk ependi bolsa «osman batur we sherqiy türkistan» témisida söz qildi. Eng axirida qazaq yash bulbul abdulkerim dombura bilen naxsha orunlidi.

Biz yighin axirlashqandin kéyin osman baturning shéhit bolghanliqining 65 – Yilliqini xatirilesh yighinini uyushturghan yési maarip we hemkarliq jemiyiti reisi güwen hizarji ependi bilen söhbet élip barduq.

U, bu qétimliq osman baturni xatirilesh yighinining yaxshi ötkenlikini, köp sanda kishining ishtirak qilghanliqini bayan qilip mundaq dédi: «bu, merhum osman baturning shéhit bolghanliqini xatirilep 3 yildin buyan ötküzüwatqan paaliyet. Bu qehriman shexisni yash ewladlargha tonutush üchün ammiwiy teshkilatlarning, axbarat organlirining köp tirishchanliqi bolsimu, bezi jehetlerde kem qéliwatqanliqini hés qilghachqa, her yili dégüdek bu xil xatirilesh paaliyetlirini ötküzüp kéliwatimiz. Bu yilqi xatirilesh yighinida tarixchi proféssor doktor gülchin chandarlioghlu bilen hamut göktürk ependiler teklip boyiche doklat berdi. Osman baturning siyasiy we qoralliq küreshlirini anglatti.»

Güwen hizarji ependi yési maarip we hemkarliq jemiyitining 6 yilliq bir tarixqa ige ikenlikini bayan qilip mundaq dédi: «bizning jemiyet 6 yilliq tarixqa ige bir maarip we hemkarliq teshkilati. Exmet yesewining türklerning musulman bolushigha qoshqan töhpilirini asas qilip turup, türk dunyasigha qarita medeniy paaliyetler élip bériwatqan bir teshkilat. Biz ilmiy paaliyetlerni élip barghandin sirt türkiy milletlerdin 6 yashtin 12 yashqiche bolghan 100 etrapida oqughuchini oqutiwatimiz. Osman baturgha oxshash türk dunyasning qehrimanlirini xatirilesh arqiliq yéngi ewladlargha türk dunyasining mesililirini anglitishmu muhim xizmetlirimizdin biri hésablinidu.»

Yighinda doklat bergen hamut göktürk ependi yighinda osman baturning xitay hakimiyitige qarshi élip barghan inqilabliri toghrisida melumat bergendin kéyin türkiyede yashawatqan qazaqlarni hemkarliqqa chaqirghanliqini bayan qildi.

U, proféssor doktor gülchin chandarlioghlu xanimning osman batur heqqide kitab we maqaliler yazghanliqini, yighinda bu heqte toxtalghanliqini bayan qildi.

Osman batur 1889 – Yili altay wilayitide dunyagha kelgen bolup, u, 1940 – Yilidin 1950 – Yilighiche xitay hakimiyitige qarshi qoralliq jeng qilghan. 1951 – Yili 2 – Ayning 25 – Küni osman batur xitayning qizil armiyesi teripidin tutqun qilinghan bolup, shu yili 4 – Ayning 29 – Küni öltürülgen. Her yili 29 – April shéhit qilinghan küni uning küreshliri xatirilenmekte.(Erkin Tarim)

 

http://www.rfa.org/uyghur/xewerler/xelqara-xewer/istanbul-osman-batur-05022016224021.html/story_main?encoding=latin

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: