Toronto Shehiride Sherqi Türkistan Jumhuriyetlirini Xatirilesh Murasimi Ötküzüldi

Sherqi türkistan sürgündiki hökümitining prézidénti exmetjan osman ependi söz qilmaqta. 2016-Yili 12-Noyabir, kanada.

Sherqi Türkistan Sürgündiki Hökümitining prézidénti Exmetjan Osman ependi söz qilmaqta. 2016-Yili 12-Noyabir, kanada.
RFA/Gülshen

12-Noyabir küni kanadaning toronto shehiride paaliyet élip bériwatqan sherqi türkistan sürgündiki hökümiti diplomatiye we kishilik hoquq ishxanisi bilen sherqi türkistan medeniyet merkizi birlikte toronto shehiride, 1933-Yili qeshqerde we 1944-Yili ghuljida qurulghan sabiq sherqi türkistan jumhuriyetlirining 83 we 72 yilliqini xatirilesh murasimi ötküzdi. Murasim sherqi türkistanning dölet gémni bilen bashlandi. Dölet gémni orunlinip bolghandin kéyin, sherqi türkistanning musteqilliqi yolida qurban bolghan shéhitlarning rohigha atap xetme quran qilindi.

Amérikidin alahide bu murasimgha qatnishish üchün yétip kelgen, sherqi türkistan sürgündiki hökümitining tashqi ishlar ministiri ablajan leylinaman ependi murasimgha riyasetchilik qildi. Ablajan leylinaman ependi murasimda, uyghur tarixida uda ikki qétim qurulghan musteqil sherqi türkistan jumhuriyitini eslep ötti.

U yene sherqi türkistan dawasining heq telep dawasi shundaqla zémin dawasi ikenliki heqqide toxtaldi.

Tarixtiki sherqi türkistan jumhuriyitini xatirilesh murasimida “yashisun sherqi türkistan jumhuriyiti” dep söz alghan, sherqi türkistan sürgündiki hökümitining prézidénti exmetjan osman ependi sherqi türkistan sürgündiki hökümitining uyghur dawasi qiliwatqan bashqa teshkilatlar bilen bolghan munasiwiti we istratégiyilik nishani heqqide toxtaldi.

Murasimda yene, amérikidin alahide teklip bilen kélip qatnashqan tughluq abdurazaq ependi, uyghurlar nopusining weten ichi we sirtidiki ehwali shundaqla xitaylar nopusining uyghur diyaridiki köpiyish nisbiti sélishturulghan ilmiy doklatini chüshendürüp ötti.

Murasimda yene, kanada sherqi türkistan medeniyet merkizining reisi haji mamut, muawin reisi adil abbas qatarliqlar 1933- We 1944-Yilliri qeshqer we ghuljida qurulghan sherqi türkistan jumhuriyetlirining ghulishidiki sewebler shundaqla weten we wetensizlik heqqide özlirining oylighanliri toghrisida liksiyeler sözlep ötti.

Murasim axirida, sherqi türkistan medeniyet merkizi erkin asiya radiyosi uyghur bölümige rehmet éytish yüzisidin teyyarlighan hediye guwahnamisini, erkin asiya radiyosining torontoda turushluq ixtiyariy muxbirigha tapshurup berdi.

Yuqiridiki ulinishtin bu programmining tepsilatini anglighaysiler.(gülshen abduqadir)
2016-11-14

http://www.rfa.org/uyghur/xewerler/medeniyet-tarix/ikki-jumhuriyet-kanada-11142016164349.html/story_main?encoding=latin

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: