Shiwétsiyede Ikki Jumhuriyet Künide Sotuq Bughraxan Meschitining Échilish Murasimi Ötküzüldi

 

Norwégiyediki uyghurlar ötküzgen sherqiy türkistan jumhuriyet künini xatirilesh murasimidin körünüsh. 2016-Yili 12-Noyabir.

Norwégiyediki uyghurlar ötküzgen sherqiy türkistan jumhuriyet künini xatirilesh murasimidin körünüsh. 2016-Yili 12-Noyabir.

RFA/Éhsan

Shiwétsiyediki uyghurlar tarixida tunji bolup meydangha kelgen meschitning namini padishah sultan sotuq bughraxanning ismi bilen atap, Meschitning échilish murasimini, sherqiy türkistanda 1933- We 1944-Yilliri 12-Noyabir küni qurulghan ikki jumhuriyet küni bilen teng ötküzüshni qarar qilip, sotuq bughraxan meschitining échilish murasimi bilen, ikki jumhuriyet künini daghdughiliq tebriklidi.

Bu qétimqi qosh murasim, uyghur maarip uyushmisining reisi abdullah kökyarning riyasetchilikide 12-Noyabir küni shiwétsiye waqti saet 12:00 de bashlinip 14:30 de axirlashti.

Mezkur murasimgha, sitokholmda yashawatqan uyghurlar, türkiyening shiwétsiyede turushluq elchixanisining diniy ishlar mushawiri fatix qaraja, türkiye tashqi türk toplimining shiwétsiyediki wekili raféd jandemir, türkiye diyanet diniy ishlar idarisige qarashliq rinkébüy meschitining imami weysel qilich, qazaq islam fédratsiyunining wekili mehmud ghoja, finlandiye uyghur medeniyet merkizining wekili tahir haji, yawropa türk démokratlar birlikining mesulliri, türk teqwa jemiyitining reisning wekili, shimaliy yawropa islam birlikining mesuli, ibni rushid telim-Terbiye merkizining wekili, yerwa islam jemiyitining wekili qatarliqlar we uyghur jamaetliridin bolup 150 din artuq kishi qatnashti.

Murasim aldi bilen rinkébüy meschitining imami weysel qilichning quran kerim tilawet qilishi bilen bashlandi. Arqidin sotuq bughraxan meschitining mesuli farux sadiq ependi sözge chiqip, mezkur meschitning barliqqa kélishige küch chiqarghanlarning körsetken pidakarliqlirini, bu meschitning ismini uyghurlarning musulman bolushigha türtkilik rol oynighan sultan sotuq bughraxanning ismini bérishni qarar qilghanliqini anglitish bilen birge, uyghurlar yéqinqi tarixida yeni 1933-Yili we 1944-Yili 12-Noyabir künliri qurulghan ikki qétimliq islam jumhuriyetlerning qurulush tarixini anglatti.

Biz bu munasiwet bilen teklimakan islam medeniyet merkizining mesuli abdulla kökyarni ziyaret qilduq.

Abdulla kökyar sözide meschitining échilish murasimigha kelgen méhmanlarning xushal bolghanliqi hemde bundin kéyinki xizmetlerde yéqindin yardemde bolidighanliqini bildürgenlikini bayan qildi.

Murasimgha qatnashqan herqaysi teshkilat, meschit imamliri we türkiye elchixanisining diniy ishlar mushawiri qatarliqlar ayrim-Ayrim söz qilip, sotuq bughraxan meschitining kelgüsi tereqqiyati üchün qolidin kélishiche yardemde bolidighanliqini bildürüshti.

Axirda ziyaritimizni qobul qilghan sutuq bughra meschitning mesuli faruq sadiq sherqiy türkistan tarixida ötken ikki jumhuriyetning tarixidiki eslimilerni anglatti.
Paaliyetke kelgen méhmanlarni uyghur taamliridin, murasim üchün teyyarlanghan nazu-Németlerge éghiz tegdi, axirida hemmeylen birlikte qol kötürüp sherqiy türkistanning musteqil bolushi we sotuq bughraxan meschitining ronaq tépishi üchün dua qildi.(éhsan)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: