Qazaqistan Musteqilliqini Tebriklesh Yighinida Uyghurlargha Ige Chiqish Otturigha Qoyuldi

 

Yawro-Asiya türk jemiyetler fédératsiyesining uyushturushi bilen ötküzülgen qazaqistan musteqilliqining 25-Yilliqini tebriklesh yighinidin körünüsh. 2016-Yili 4-Dékabir, istanbul.

Yawro-Asiya türk jemiyetler fédératsiyesining uyushturushi bilen ötküzülgen qazaqistan musteqilliqining 25-Yilliqini tebriklesh yighinidin körünüsh. 2016-Yili 4-Dékabir, istanbul.

RFA/Arslan

12-Ayning 4-Küni, yekshenbe merkizi istanbulgha jaylashqan yawro-Asiya türk jemiyetler fédératsiyesining uyushturushi bilen qazaqistan musteqilliqining 25-Yilliqini tebriklesh yighini uyushturuldi.

Yighinda türkmen, tatar qatarliq türk xelqlerning qatarida uyghurlarghimu ige chiqish otturigha qoyuldi. Yighingha qazaqistanning istanbulda turushluq konsuli ghalimjan yérimbetof, türk tilida sözlishidighan xelqler xelqaraliq zhurnalistlar jemiyitining bashliqi göngür yawuz aslan. Noghay türkliri jemiyiti reisi weysel démir, afghanistan türkmenliri jemiyiti bashliqi fehmi ishq, qazaq türkliri telim-Terbiye we hemkarliq jemiyiti bashliqi serkan dénchtürk, türkistanliqlar hemkarliq jemiyiti reisi ekber yassa, sherqiy türkistan wexpi muawin reisi doktor abdulhemit awshar, bash katipi doktor ömer qul qatarliq jemiyet rehberliri, tetqiqatchi doktorlar, zhurnalistlar bolup köp sanda kishi qatnashti.

Biz bu yighin toghrisida yawro-Asiya türk jemiyetler fédératsiyesining reisi ismail jéngiz bilen söhbet élip barduq.

Türkiye xewerler taratquning 5-Dékabir künidiki xewiride bildürüshiche, yighinda yawro-Asiya türk jemiyetler fédératsiyisining reisi ismail jéngiz échilish nutqi sözlidi, ismail jéngiz mundaq dégen: «qazaqistanning musteqilliqini tebriklesh üchün bu yerge jem bolduq. Qazaqistanning musteqilliq tentenisige biz yawro-Asiya türk jemiyetler fédératsiyesi bolush süpitimiz bilen toluq qatnishishni xaliduq. Chünki béyjing bilen moskwa otturisida merkizi rayon bolush wezipisini ötewatqan qazaqistan yawro-Asiya birliki namida küchlük bir shekilde teshkillinishni meqset qilmaqta».

Yighinda yene qazaqistanning istanbulda turushluq konsuli ghalimjan yérimbetof söz qilip, «qazaqistanni tunji bolup étirap qilghan türkiye dölitining yénida bolimiz, ikki dölet jumhur reisliri nahayiti aktip halda birlikte xizmet qiliwatidu», dédi.

Sherqiy türkistan wexpining muawin reisi doktor abdulhemit awshar söz qilip, «qazaqistan büyük türkistan jughrapiyisining eng büyük döliti, sowét ittipaqi parchilanghandin kéyin ottura asiyada türk jumhuriyetlirining put tirep turushida nursultan nazarbayéf muhim rol oynidi, qazaqistan türkistan chégralirini qoghdaydighan bir qele», dédi. Abdulhemit awshar sözide yene, «türkiye bilen qazaqistan otturisida munasiwetning küchlengenlikini we nazarbayéf, rusiye bilen türkiye otturisidiki mesililerning hel bolushida achquchluq rol oynidi», dédi.

Yighinda söz qilghan tereqqiyat uniwérsitéti ijtimaiy penler institutining oqutquchisi doktor qutay qaraja söz qilip, yéqinqi zamandin buyan türkiyening yüksilishi we türk jumhuriyetlerning tereqqiy qilishigha egiship, xitayning yawropagha ötüsh üchün yasaydighan yipek yoli üchün türk jumhuriyetlerge eng köp meblegh salghanliqini bildürdi.

Doktor qutay qaraja sözide yene shangxey hemkarliq teshkilati wasitisi bilen xitay we rusiyening türk dunyasidiki tesirige diqqet qilish kéreklikini tilgha aldi we xususen xitaylarning tijaret hejmining türk dunyasi jughrapiyiside éshiwatqanliqigha diqqet qilish kéreklikini tekitlidi.

Doktor qaraja sözide yene qazaqistan dölet reisi nazarbayéfning, ottura asiya pilani barliqini tilgha aldi we bu pilangha rehberlik qilidighan birdin bir döletning qazaqistan ikenlikini ipadilidi. U mundaq dédi: «ottura asiya birliki qazaqistan bashchiliqida qurulsa xitay we rusiyeni tereddutta qoymaydu, ottura asiya döletler birliki pilanigha türkiyening mumkin qeder yardem bérishi ularni jasaretlendürüshi kérek».

Yighinda yene sherqiy türkistan wexpi bash katipi ömer qul qatarliq bir qanche kishi söz qildi. Axirida türkistan polusi we qimiz bilen ziyapet bérildi.

Yighinda qazaqistanning istanbulda turushluq konsuli ghalimjangha chimen doppa we ton chapan hediye qilindi.

Biz bu yighin toghrisida téximu köp melumatqa érishish üchün yawro-Asiya türk jemiyetler fédératsiyesining reisi ismail jéngiz we qazaq türkliri telim-Terbiye we hemkarliq jemiyiti reisi serkan dénchtürk bilen söhbet élip barduq.
Ismail jéngiz bu yighinda iraq we süriye türkmenliri shundaqla qirim tatarliri we uyghurlarghimu ige chiqish kérekliki otturigha qoyulghanliqini bildürdi.

Ismail jéngiz yene qazaqistanning uyghur siyasiy panahlanghuchilargha ige chiqish toghrida söz qilinghanliqini ipadilidi.

Serkan déchntürk bu yighin toghrisida toxtilip mundaq dédi: «qazaqistanning musteqilliqining 25-Yili dunyaning oxshimighan jaylirida tebrikliniwatidu, bu munasiwet bilen yawro-Asiya türk jemiyetler fédératsiyening merkizide türkiyediki türk dunyasi bilen alaqidar ammiwi teshkilat rehberliri we bir qisim akadémikler we zhurnalistlarning qatnishishi bilen bir yighin uyushturuldi we qazaqistanning musteqilliqining 25 yilliqini tebrikleymiz, shuning bilen birge yene musteqilliqini qolgha keltürgen pütün türk jumhuriyetlerning musteqilliqini tebrikleymiz».

 (arslan 2016-12-05)
Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: