Türkiye Ministiri Weysi Qaynaq: Türkler Bilen Uyghurlar Teqdirdash

10881904_915882821769947_5651899153040655978_n

Türkiye muawin bash ministiri weysi qaynaq ependi, uyghurlar toghrisidiki bayanatigha chüshenche berdi
Türkiye muawin bash ministiri weysi qaynaq ependi, dunya uyghur qurultéyining muawin reisi séyit tumtürk ependige mektup yézip, uyghurlar toghrisidiki bayanatigha chüshenche berdi we qérindashlar otturisida bezi waqitlarda xata chüshinish yüz bérip turidu, dédi.
Xebertürk gézitining, anadoliye agéntliqidin neqil qilip bildürüshiche, türkiye muawin bash ministiri weysi qaynap ependi séyit tumtürk ependige ewetken mektubida, türklerning uyghurlar bilen tarixtin buyan teqdirdash bolup kelgenlikini, dert tartsa dertlinip, xushal bolsa xushallinip, öz qérindash dep qarap kéliwatqanliqini bildürdi we qérindashlar otturisida bezi waqitlarda xata chüshinishning yüz bérish éhtimali barliqini, bildürgen.
Mektubta yene : esli muhim bolghini söhbet dialog yollirini uchuq tutush we bu xata chüshinishlerni azaytish ikenlikini yazghan.
Mektubta ministir weysi qaynaq yene mundaq yazghan: rusiye fédrasiyisining enqerediki bash elchisi andériy karlofni öltürgen mewlut mert altintashning türk bolushi 80 milyon türkiye jumhuriyiti puqrasining hemmisini shübihiylik dep qarimighan’gha oxshash, héch shübhisiz qoli qan bilen boyalghan bir qatilning uyghur yaki özbék bolushimu milyonlighan uyghur we özbék qérindashlirimizni shübhi astida qoymaydu.

 

10315
Türkiye muawin bash ministiri weysi qaynaq ependining uyghurlar toghrisida dunya uyghur qurultéyining muawin reisi séyt tumtürkke yazghan mektubning dawamida mundaq déyilgen: men téléwiziye nex meydanda hökümetning bir mesuli bolush süpitim bilen u waqitta qolimizda bar bolghan melumatlarni jamaet ammisi bilen ortaqlashtim. Éhtimal dégen söz bilen buning téxi keskin éniqlanmighanliqini otturigha qoydum. Uyghur qérindashlirimizni eyblesh héch bir hökümet emeldarlirining eqlige kelmigenge oxshash méningmu eqlimgha kelmidi. Ehwal mushundaq iken méni sherqiy türkistanliqlar we uyghurlardin kechürüm sorashqa chaqirishingizdin bir mena tapalmidim.
Ministir weysi qaynaq, réyna kéchlik kulubqa hujum qilghan qatilning kimlik salahyiti toghrisida téléwiziyede bergen melumatlirida, uyghur bolush éhtmali bar dep bayanat élan qilghandin kéyin dunya uyghur qurultéyining muawin resi séyit tumtürk metbuatlarda bayanat élan qilip, ministir weysi qaynaqni tenqid qildi we uyghurlardin kechürüm sorashqa chaqiriq qilghan idi.
Ministir weysi qaynaq 1989-1999 – yillar arisida qahramanmarash sheher bashliqi bolghanda xizmet üstilining arqisigha sherqiy türkistan bayriqini asqanliqini we sherqiy türkistan dégen haman yürek tarilirining titreydighanliqini ipadiligen.
Istiqlal xewerler tori üchün musa arslantash

http://istiqlal.net/

 

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: