Ghulja Weqesining 20 Yilliqi Munasiwiti Bilen Gérmaniyede Namayish Élip bérildi

Ghulja weqesining 20 yilliqi munasiwiti bilen ötküzülgen gérmaniyediki namayish

Ghulja weqesining 20 yilliqi munasiwiti bilen ötküzülgen gérmaniyediki namayish

RFA/Ekrem

4-Féwral küni ghulja weqesining 20 yilliqini xatirilesh munasiwiti bilen gérmaniyening myunxén shehiridiki uyghurlar namayish élip bardi.

1997-Yili 5-Féwral küni ghuljida yüz bergen qanliq basturush weqesining 20 yilliqni xatirilesh yüzisidin gérmaniyening myunxén shehiridiki xitay bash konsulxanisi aldida myunxén hem etrap sheherlerdin kelgen uyghurlar hemde bir qisim türk teshkilatlirining wekillirining ishtirakida 100 etrapida kishi 4-Féwral küni naraziliq namayishi élip bardi.

Bu namayishni d u q bash shitabining teshebbusi bilen yawropa sherqiy türkistan birliki teshkilati uyushturghan bolup, namayishqa köp sanda ayallar we balilarmu qatnashqan idi. Ay yultuzluq kök bayraq we türlük lozunkilarni kötürüshken namayishchilar gérmanche, uyghurche, xitayche tillarda shuarlar towlap, konsulxana aldini lerzige saldi.

Namayish bashlinishtin ilgiri, d u q rehberliri we yawropa sherqiy türkistan birliki teshkilatining bashliqliri bundin 20 yil ilgiri ghuljida yüz bergen qanliq basturush weqelirining jeryanidin melumatlar bérip, xitay hakimiyitini eyiblidi. D u q bash katipi dolqun eysa ependi neq meydanda ziyaritimizni qobul qilghanda bügünki bu namayishning ehmiyiti heqqide toxtaldi.

Namayish jeryanida yawropa sherqiy türkistan birliki teshkilatining muawin reisi esqerjan ependim bir kün ilgiri xeter astidiki milletlerni qoghdash teshkilatining «ghulja qetliami»ning 20 yilliqi munasiwiti bilen élan qilghan axbaratini jamaetke oqup berdi. Axbaratta xitay hökümitining bundin 20 yil muqeddem ghuljida qirghinchiliq élip barghanliqini bildürdi. Esqerjan ependi ziyaritimizni qobul qilghanda, bu nuqtinimu tekitlep ötti.
germaniye-munich-ghulja-weqesi-namayish-2017.jpg
Bu qétimqi namayishni teshkilligen yawropa sherqiy türkistan birliki teshkilatining reisi turghunjan alawudun hajimmu ziyaritmizni qobul qilip, bu xildiki weqelerni xatirilesh paaliyetlirini bundin kéyin yenimu kücheytidighanliqini alahide tekitlidi.

Namayish jeryanida sözge teklip qilinghan «ilham toxti goruppisi»ning reisi enwerjan ependimu jamaetke nutuq sözlep, uyghur tarixida bolup ötken inqilaplar we qanliq basturush weqelirini xatirileshke uyghur jamaitining yenimu jiddiy köngül bölüshini telep qildi. Enwerjan ependi bügünki namayish üchün «ilham toxti goruppisi» namidin mexsus qara gülchembirek we teshkilatning simwoli chüshürülgen lozunkini birge élip kelgen idi.

4-Féwral chüshtin kéyin saet 3 bilen bashlanghan namayish 4:30 da axirlashti. Namayishtin kéyin öz aldigha uyghur ashxanisi achqan rozimemet ependi yiraq-Yéqindin kelgen uyghurlargha dastirxan saldi.

http://www.rfa.org/uyghur/xewerler/xelqara-xewer/ghulja-weqesi-munich-02052017225828.html/story_main?encoding=latin

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: