Ghulja Weqesi Munasiwiti Bilen Karlisruhi Shehiride Paaliyet Ötküzüldi

Ghulja weqesi munasiwiti bilen ötküzülgen paaliyette d u q bash katipi dolqun eysa ependi söz qilmaqta. 2017-Yili 5-Féwral, gérmaniye.

Ghulja weqesi munasiwiti bilen ötküzülgen paaliyette d u q bash katipi dolqun eysa ependi söz qilmaqta. 2017-Yili 5-Féwral, gérmaniye.

RFA/Ekrem

5-Féwral küni gérmaniyening karlisruhi shehiride ghulja weqesining 20 yilliqi xatirilesh munasiwiti bilen yighilish ötküzüldi.

Myunxén shehiridin 300 kilométir yiraqliqqa jaylashqan karlisruhi shehiridiki kishilik hoquq teshkilatining xizmet binasigha 5-Féwral küni yüz etrapida uyghur jamaiti toplanghan bolup, ular bundin 20 yil ilgiri ghulja shehiride yüz bergen qanliq basturush herikitini xatirilesh, shéhitlarning rohigha atap quran tilawet qilish we wetenperwerlik, milletperwerlik terbiyisini qanat yaydurushni meqset qilghan idi. D u q bash katipi dolqun eysa, yawropa sherqiy türkistan birliki teshkilatining reisi turghunjan alawudun hajim, muawin reisi ömerjan bashchiliqidiki bir guruppa kishi alayiten myunxén shehiridin kélip bu paaliyetke qatnashti.

Mezkur paaliyetni uyushturghan enwer exmet ependining bergen melumatigha asaslanghanda, bügünki bu sorungha jem bolghan uyghurlarning köpinchisi karlisruhining sirtidiki sheherlerge tarqaq orunlashqan kishiler bolup, beziliri qanche yüz kilométir musapini bésip bu yerge yétip kelgen. Frankfurt shehiridin kelgen uyghur ziyaliysi küresh ataxan ependimu uzun yol yürüp alayiten bu murasimgha qoshulghan. Paaliyette balilar, ösmürler we ayallarmu köp idi.

Aldi bilen yawropa sherqiy türkistan birliki teshkilatining idare heyet ezasi, mezkur paaliyetning teshkilligüchisi bolghan uyghur ziyaliysi enwer exmet ependi söz élip, bu paaliyetning meqsiti heqqide jamaetke qisqiche chüshenche bérip ötti. Andin teklipke binaen söz alghan mötiwerlerdin abdushükür ependi sorun ehlige teshekkür we salamlar yollidi. Arqidin özi shahit bolghan ghulja weqesining omumiy jeryanini sözlep berdi.

D u q bash katipi dolqun eysa ependi sözge teklip qilinghanda, u, uyghurlarda wetenperwerlik, milletperwerlik terbiyisini kücheytishning zörürlükini tekitlidi. Yawropa sherqiy türkistan birliki teshkilatining reisi, d u q diniy ishlar komitétining mudiri turghunjan alawudun hajimmu tepsirler arqiliq wetenni söyüshning iman jümlisidin bolidighanliqini sherhlidi. Gérmaniyening frankfurt shehiridin kelgen uyghur kültur merkizining reisi küresh ataxan ependi weten üchün xizmet qilishning ehmiyitini tekitlep ötti.

4 Saet etrapida dawam qilghan bu paaliyettin jamaet köp memnun bolushti. Bolupmu paaliyet dawamida ghulja shéhitlirining rohigha atap quran tilawet qilghan ikki sebiy ösmürning talanti jamaetni köp söyündürdi. Quran tilawitidin kéyin shéhitlar rohigha atap dualar qilindi.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: