Torontodiki Uyghurlar Xitay Konsulxanisi Aldida Naraziliq Namayishi Ötküzdi

5-Féwral ghulja weqesining 20 yilliqi munasiwiti bilen ötküzülgen namayishtin körünüsh. 2017-Yil 5-Féwral, kanada.

5-Féwral ghulja weqesining 20 yilliqi munasiwiti bilen ötküzülgen namayishtin körünüsh. 2017-Yil 5-Féwral, kanada.

RFA/Gülshen

1997-Yili 5-Féwral küni ghulja shehiridiki minggha yéqin uyghur yashliri kochilargha chiqip, xitay dairilirining héchqandaq sewebsizla, meshrep oynawatqan uyghur yashlirini tutqun qilishi we rayonda yürgüzüwatqan adaletsiz kemsitish siyasitige qarshi namayish qilghan idi. Namayishtin kéyin xitay dairiliri, tinch yol bilen namayishqa chiqqan bu uyghur yashlirini intayin qattiq qolluq bilen basturghan. Közetküchiler, «5-Féwral ghulja inqilabi» sewebidin uyghur xelqi bir ewlad yashlirining ölümge höküm qilinghanliqini, iz- Déreksiz yoqap yoqap ketkenlikini, bezilirining muddetsiz qamaq jazasigha höküm qilinip taki hazirghiche jaza mudditini ötewatqanliqini, bezilirining jaza mudditi toshup qoyup bérilgen bolsimu emma nérwisidin ézip qalghanliqini ilgiri sürmekte.

20 Yildin buyan, chetellerde yashawatqan uyghurlar her yili 2-Ayning 5-Küni özliri turushluq döletlerde xetme quran ötküzüsh we namayish qilish qatarliq usullar bilen, 5-Féwral ghulja inqilabini xatirilep kelmekte. Kanadaning toronto shehiride yashawatqan uyghur jamaiti, yillardikige oxshash bu yil 5-Féwral küni 5-Féwral ghulja inqilabining 20 yilliqini xatirilesh we xitay hökümitining rayonda yürgüzüwatqan assimilyatsiye we bésim siyasitige qarshi erkin dunyada öz naraziliqini bildürüsh üchün, torontodiki xitay konsulxanisining aldigha yighilip naraziliq namayishi ötküzdi. Namayishni hazir toronto shehiride paaliyet élip bériwatqan, sherqi türkistan medeniyet merkizi teshkilligen.

Namayishta aldi bilen, sherqi türkistan sürgündiki hökümitining reisi exmetjan osman, naraziliq xéti oqup ötti.

Namayishchilar, «xitay sherqi türkistandin chiqip ket, 5-Féwral ghulja inqilabi untulmaydu, shéhitlar ölmes, xitay, uyghurlarni öltürüshni toxtat»dégendek shoarlarni towlidi.
Namayish jeryanida biz namayish qatnashchilirini ziyaret qilduq. Torontoda yashawatqan tahir mijit 3 oghlini élip bügünki bu namayishqa qatnashqan idi.

U, ziyaritimizni qobul qilip, namayish arqiliq shéhitlarni esleydighanliqini, ularning yollirining héchqachan üzülüp qalmaydighanliqini bildürdi.

Namayishni teshkilligen sherqi türkistan medeniyet merkizining reisi haji mamut ependimu söz qilip mundaq dédi: «xitay tajawuzchiliri dölet térrorizmi arqiliq, xelqimizni tutqun qiliwatidu,qirghin qiliwatidu. Bu xitayning istratégiyilik pilani.Biz wetinimizni xitaydin qayturuwélish hemde musteqilliqqa érishish yoli bilen özimizni qutuldurushtin bashqa yolning yoqluqini tonup yettuq».

Namayishqa qatnashqan hazir kanadada yashawatqan uyghur ziyaliysi tuyghun abduweli ependi öz tesiratlirini bayan qilip mundaq dédi: «ghulja shéhitlirining inqilabigha top toghra 20 yil boldi. 20 Yildin buyan biz ularni untup qalghinimiz yoq.Shu künlerde ularni eslep paaliyet élip bériwatimiz.Biz élip bériwatqan musteqilliq herikitimizning haman bir küni ghelibige érishidighanliqigha cheksiz ishinimiz».

Namayish shu küni chüshtin kéyin saet 3 de bashlinip, saet 5 de axirlashti. Namayishqa torontoda yashawatqan bir qisim uyghurlar qatnashti.

Yuqiridiki ulinishtin ixtiyari muxbirimiz gülshen abduqadirning bu heqtiki programmisining tepsilatini anglighaysiler.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: