Sherqiy Türkistan Milliy Inqilawining Istratégiyisi, Namidiki Muhakime Yighini-1 Qibrista Ötküzüldi

Siprusta «sherqiy türkistanliqlar uchrishishi» namida ötküzülgen paaliyetke qatnashquchilar. 2017-Yili 27-Féwral, shimaliy siprus.

Siprusta «sherqiy türkistanliqlar uchrishishi» namida ötküzülgen paaliyetke qatnashquchilar. 2017-Yili 27-Féwral, shimaliy siprus.

RFA/Erkin Tarim

«1-Nöwetlik sherqiy türkistanliqlar istratégiyilik muhakime yighini» chetellerdiki bir qisim uyghur tetqiqatchilar, jamaet erbabliri, siyasetchiler we paaliyetchilerning ishtirak qilishi bilen 25-Féwraldin 27-Féwralghiche shimaliy siprus türk jumhuriyitining girne shehiridiki lords palas méhmanxanisida ötküzüldi.

Türkiye istratégiyilik chüshenchiler instituti mutexessisi, doktor erkin ekremning teshebbusi bilen chaqirilghan bu uchrishishqa amérika qoshma shtatliri, gérmaniye, yaponiye, awstraliye, kanada, norwégiye, shiwétsiye, shwétsariye we türkiye qatarliq 12 dölettin 19 kishi ishtirak qildi.

Yighinning axirida élan qilinghan metbuat bayanatigha asaslanghanda, yighinda xelqara weziyetning nöwettiki yönilishi we u peyda qilidighan ijabiy-Selbiy tesirlerning uyghurlar mesilisige élip kélidighan aqiwetliri otturigha qoyulghan hem buninggha munasiwetlik chare-Tedbirler muhakime qilinghan. Bu yighinning buningdin kéyin, téximu kéngeytilgen halda dawamlashturulushi toghrisida birdeklik hasil qilinghan.

Yighinning birinchi küni aldi bilen doktor erkin ekrem özining uyghurlarning ghayisi we eng axirqi meqsiti hem buninggha yétishning yolliri toghrisida teyyarlighan üch qedemlik istratégiyilik pilanliri toghrisida melumat berdi. Arqidin, uchrishish ehli özgiriwatqan xelqara weziyet we uyghurlar hem uyghurlarning chiqish yoli toghrisida öz pikirlirini otturigha qoyushti. Etisidiki, yeni 26-Féwral künidiki uchrishishta xitayning we uyghur diyarining weziyiti toghrisida muzakiriler élip bérildi.

Doktor erkin ekrem ependi échilish nutqida bu uchrishishni uyushturushtiki meqsiti heqqide toxtaldi.

Yépiq halda ötküzülgen mezkur üch künlük uchrishish axirlashqandin kéyin, biz bir qisim uchrishish ehlining köz qarashlirini igiliduq.

Gérmaniyedin kélip bu uchrishishqa ishtirak qilghan dunya uyghur qurultiyi bash katipi dolqun eysa ependi yighinning nahayiti yaxshi ötkenliki, buning uyghurlarning siyasiy dewa paaliyetlirige paydiliq bolidighanliqigha ishinidighanliqini bayan qildi.

Shiwétsiyedin kélip bu uchrishishqa ishtirak qilghan dunya uyghur qurultiyi bayanatchisi dilshat réshit ependimu mezkur paaliyetning uyghurlarning dawa ishlirini türlük pikirler we ilmiy uchurlar bilen teminlesh hem özara pikir almashturush ehmiyitige ige ikenliki, qatnashquchilarning hemmisining qabiliyetlik kishiler ikenlikini bildürdi.

Istanbulda paaliyet élip bériwatqan sherqiy türkistan maarip we hemkarliq jemiyiti reisi hidayetulla oghuzxan ependi uchrishishning nahayiti yaxshi ötkenlikidin razi ikenlikini tekitlidi.

Kanadadin kélip, uchrishishqa ishtirak qilip, öz köz qarashlirini otturigha qoyghan paaliyetchi ruqiye turdush xanim mezkur uchrishishta her xil köz qarashtiki uyghurlarning bir yerge jem bolup, özara köz qarash we uchur almashturushining muhim ehmiyetlik we nahayiti paydiliq ikenlikini tekitlidi.

Gérmaniyedin kelgen siyasiy paaliyetchi esqerjan ependi yighinning nahayiti yaxshi ötkenlikini, muzakire netijiside otturigha qoyulghan köz qarashlarning uyghurlarning dewa paaliyetliri üchün yol körsitish ehmiyitige ige ikenlikini bildürdi.

Shimaliy siprus türk jumhuriyitining ottura déngiz boyidiki sayahet sheherliridin biri bolghan girne shehiride 3 kün dawamlashqan «1-Nöwetlik sherqiy türkistanliqlar istratégiyilik muhakime yighini» gha qatnashqanla héch qandaq siyasiy teshkilatqa wekillik qilmaydighan bolup, mezkur uchrishishning axirqi küni nöwettiki özgiriwatqan dunya weziyitide uyghurlarning néme qilishi toghrisida muzakire élip bérilip, xulase chiqirildi.( erkin tarim)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: