Türkiyede «köken» namliq gézit neshr qilinmaqta

Qutluq derwish ependi türklerge uyghurlarni tonutush üchün özi chiqarghan «köken» yeni yiltiz namliq gézitni oquwatqan körünüsh. 2017-Yili mart, türkiye.

Qutluq derwish ependi türklerge uyghurlarni tonutush üchün özi chiqarghan «köken» yeni yiltiz namliq gézitni oquwatqan körünüsh. 2017-Yili mart, türkiye.

RFA/Erkin Tarim

Türk xelqi burundin tartip uyghurlargha qiziqip kelmekte. Türkiyediki sherqiy türkistan ammiwi teshkilatliri we uyghur paaliyetchiler türk jamaetchilikining qollap quwwetlishigimu érishmekte. Türkler uyghurlarni yaxshi bilsimu, emma bezi türkler uyghurlarni, bolupmu uyghur diyaridiki insan heqliri depsendichilikini taza yaxshi bilip ketmeydu. 2010-Yili ürümchidin malayshiya, tayland arqiliq türkiyege kélip olturaqliship qalghan qutluq derwish namliq bir uyghur türkiyening yalowa wilayitide «köken» yeni yiltiz namliq gézit neshr qildurghan. 2016-Yilidin tartip chiqiriliwatqan gézit hazirghiche 7 san neshr qilinghan bolup, gézitte uyghurlarning tarixi, hazirqi weziyiti, bolupmu hazir duchar boluwatqan insan heqliri depsendichiliki toghrisidiki xewerlerge orun bérilgen. Gézitte yene, chetelde paaliyet élip bériwatqan sherqiy türkistan ammiwi teshkilatliri we uyghur paaliyetchilerning paaliyetliri toghrisidiki xewerlergimu orun bérilgen.

Biz «köken» yeni yiltiz géziti toghrisida köz qarishini igilesh üchün gézitning qanuniy xojayini qutluq derwish ependi we gézitning bezi mushteriliri bilen söhbet élip barduq.

Qutluq derwish ependi türkiyege yéngi kelgen waqtida ongchi türklerdin bashqa türklerning uyghurlarni bilmeydighanliqini sezgendin kéyin «köken» namliq bir gézit chiqirip uyghurlarni tonutushni meqset qilghanliqini bayan qildi.

Qutluq derwish ependi hazirghiche 40-50 Ming etrapida gézit tarqatqanliqini, özi yalghuz wélisipit bilen herqaysi mektep, idare, jemiyet we öylerni aylinip gézit tarqitiwatqanliqini tekitlidi.

Qutluq derwish ependi gézitke «köken» dep nam qoyushi, türklerning qattiq alqishigha sazawer bolghanliqini bayan qildi.

Qutluq derwish ependi türkiyede gézit sétish jeryanidiki untulmas bir xatirisini köz yéshini tökken halda anglatti.

Sherqiy türkistan xewer we tetqiqat merkizining mesuli hamit göktürk ependi türkiyede türk tilida bundaq bir gézit chiqirishning uyghurlarni shundaqla uyghur dewasini anglitish üchün paydiliq ikenlikini bayan qildi.

Bu gézitni sétiwélip, partiye ezalirigha tarqitip bériwatqan saadet partiyesi bursa wilayetlik shöbisining mesuli memet ependi, gézittin uyghurlar toghrisida köp yéngi nersilerni öginiwatqanliqini bayan qildi.

Türkiyediki uyghurlar öz dewasini türk jamaetchilikige anglitish üchün neshriyatchiliq ishlirigha alahide köngül bölmekte. Uyghurlar 1993-Yili türkiyening istanbul shehiride «sherqiy türkistan yashliri géziti» namida gézit chiqirishqa bashlighan bolup, bir qanche yildin kéyin toxtap qalghan. 2004-Yili türkiyening qeyseri shehiridin memetimin baturxan ependi «istiqlal» namida gézit chiqirishqa bashlighan bolup, salametliki yaxshi bolmay qélip neshrdin toxtap qalghan.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: