Yopurgha Yekshenbebazarda 17 Neper Muhajir Ailisining Éghir Awarichiliqqa Uchrawatqanliqi Ashkarilandi

Xitay qoralliq küchlirining xelqaraliq chong bazar etrapida kocha charlawatqan körünüshi. 2009-Yili 14-Iyul, ürümchi.

Xitay qoralliq küchlirining xelqaraliq chong bazar etrapida kocha charlawatqan körünüshi. 2009-Yili 14-Iyul, ürümchi.

AFP

Bügün anglighuchilirimizdin biri radiyomizgha inkas yollap, yopurghining yekshenbebazar yézisidin chetellerge chiqip ketken 17 kishining aile-Tawabiatlirining éghir awarichiliqqa uchrawatqanliqini ashkarilidi. Inkasta bildürülüshiche, dairiler özliri ish-Izlirini gumanliq dep qarighan 17 muhajirning aile-Tawabiatliridin 20 nechche kishini tutup soliwalghan. Dairiler yene, bu 17 neper muhajir heqqide eyibname uqturushi tarqitip, yézidiki ahalilerni ibret élish heqqide agahlandurghan.

Muxbirimizning yerlikke qarita téléfon ziyariti dawamida, 17 neper muhajir heqqide qara tizimlik turghuzulghanliqi, bu muhajirlardin bir nepirining dadisi we akisining 40 kündin béri yopurgha nahiyilik qamaqxanida tutup turuluwatqanliqi delillendi.

Radiomizgha kelgen mezkur inkasta déyilishiche, üstidin süretlik eyibname tarqitilghan 17 neper muhajir ichide chetelde oquwatqan, tijaret qiliwatqan, xizmet qiliwatqan we ish-Izi melum bolmighan her sahe kishiliri bar iken. Biz bu uchurning toghriliqini éniqlash üchün, yekshenbebazar saqchixanisigha téléfon qilduq. Saqchixana bashliqi abdughéni raxman, ehwal heqqide tepsiliy melumat bérishni ret qilghan bolsimu, emma 17 muhajir ailisining awarichiliqqa uchrawatqanliqini ret qilmidi. U bu ishta mesul terep özi emes, belki yuqiri saqchi orunliri ikenlikini bayan qildi.

Bizge kelgen inkasta déyilishiche,, yéqinqi ikki aydin béri, bularning aile-Tawabiatliri saqchixanigha chaqiritilip, soraqqa tartilghan. Saqchilar soraq dawamida bulardin bezilirini cheteldiki aile ezalirini qayturup ekilishke qistisa, bezilirini aile ezasining cheteldiki paaliyetliri heqqide melumat bérishke qistighan. Bu soraq beziler üchün bir yaki birnechche kün dawam qilsa, beziler üchün aylarche dawam qilghan. Biz bu 17 muhajirning kimlikini éniqlash üchün kent mesullirigha téléfon qilduq. Melum bolushiche, qara tizimliktiki 17 muhajirdin 5 nepiri 3-Kent, 3 nepiri 7-Kent we bir nepiri birinchi kent ahalisi iken.

Inkasta yene, bu 17 neper muhajirning aile-Tawabiatliridin 20 nechche kishining tutup solanghanliqi, bularning az bir qismi soraqtin kéyin qoyuwétilgen bolsimu, köp qismining téixiche solaqta ikenliki bayan qilinghan. Kent kadirliri bu heqte melumat bérishke pétinalmidi. Téléfonimiz tesadipiy toghra kelgen bir aile xanimi özining bir oghlining chetelde ikenlikini, bu sewebtin yoldishi we chong oghlining 40 kündin buyan qamaqta ikenlikini ashkarilidi.

Hörmetlik radiyo anglighuchilar, yuqiridiki ulinishtin yopurghining yekshenbebazar yézisidiki 17 neper muhajir ailisining éghir awarichiliqqa uchrawatqanliqi heqqidiki anglitishimizning tepsilatini anglaysiler.(shöhret hoshur 2017-03-10 )

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: